دي تأشيرة واحد اتلغت بسبب التصريح الامني؛ كان...

[Abady Breezy]

دي تأشيرة واحد اتلغت بسبب التصريح الامني؛ كان رايح ماليزيا وسعر التذكره 15000؛ الجروب ده من وجهة نظري في انضف ناس في مصر وكلنا هنا هدفنا واحد السفر
مفيش حد هنا اعلامي او يعرف حد في الإعلام يسلط الضوء علي المشكله دي او حد قريبوا في مجلس الشعب؛ عايزين حل للمشكله دي عشان كلنا معرضيين ليها تفتكروا حلها يبدا من فيين!!!!؟

 

[Moutaz Mohamed]

هو اصلا فكره التصريح الامني مخالف لدستور فلو اتكلم عنها ابسط رد هيتقال امن عام

 

[Walaa Rizk]

م

 

[Doaa Darwish]

F

 

[حسين بركات]

خلوا حجاجوفيتش يتكلم فيها فى برنامجه على التلفزيون وهتخلص

 

[Samar Gahazly]

م

 

[Ahmed Reda]

ايه المهنة في الباسبور؟

 

[Ahmed Elmiligy]

من مصر مفيش تأشيرة لماليزيا. ممكن حضرتك توضح? انا عشت في ماليزيا فترة واشتغلت فيها. بالنسبة لموضوع التصريح الأمني.. ممكن متاخدوش لو مكتوب في الباسبور وظيفة. ولو لسة طالب أو معندكش وظيفة في الباسبور يبقى لازم تاخد التصريح الأمني من مجمع التحرير.

 

[Ahmed Abdou]

حلها يدرس شخصيه ظابط الاتصال اللي هيبقا موجود في الورديه اللي فيها ميعاد الطياره بتاعته ويعمله زياره في البيت بدكرين بط ، اهون مايخسر التذكره

 

[Ali Hussien]

كنت بتفرج علي لقاء للراحل عمر الشريف .. كان بيتكلم بصوره سلبيه عن فتره حكم جمال عبد الناصر في الستينات و من ضمن اسبابه انه كان بيحتاج تأشيره خروج من مصر في كل مره بيحتاج يسافر فيها بره و كان بيلاقي تريقه من الظابط المسؤول اللي كان لازم يحقق معاه كل مره مسافر ليه و عشان ايه ..
يعني الموضوع مش جديد علي المحروسه ..

 

[Nader Hikal]

بصراحه الموضوع بقى مهزله بكل المقايس
انا اكون رايح ماليزيا ويتلغى سفرى علشان ورقه بتلاته مليم !! دا انا يجيلى سكته قلبيه ً

وايه كميه الحقد على الشباب المصرى اللى بيسافر يتفسح بره مصر دى !!

وانا مسافر اوروبا مسكو جواز سفرى عملو عليه حفله وستين واحد خده يفحصه وظابط الكاونتر خايف يختمه قبل مايرجع للظابط اللى ماسك الصاله
مع ان الجواز فيه ختم اكتر من ٢٠ دوله !!!

 

[Adham Hazem AbdelAzim]

Marwan Osama

 

[Mahmoudx Cairo]

واحد لسه مسافر حالا ماليزيا من مطار القاهره ومعملش التصريح الامني لكن مكتوب مهنه محامي وسافر دلوقتي

 

[Farid Khamis]

انا لاحظت ان فيه شباب بيدور علي السفر لهدف واحد لاغير وهو انه يهج وخلاص يعنى معهوش شهاده ولا حرفه والنوع ده حيتعب قوي وخاصه فيه يلاد تمنع عمل الاجانب وبلاد تانيه محال السفر الا باسباب معروفه وتكاد تكون مستحيله لهذا الصنف من الشباب ولذلك اتمنس توعيه الشباب قبل الاقدام والتفكير في السفر ويوفر ضياع فلوسه وبهدلته علشان علي راي المثل يقوم من حفره يقع في دحديره

 

[Nuran Şahin - Sabry]

انا لسه مسافره قبل رمضان ماليزيا ومن غير تصريح امنى و ولا وظيفه فى الباسبور .

 

[Nuran Şahin - Sabry]

Engy Sabry

 

[Tasnem Zuelhema]

 

[Rola Lotfy]

Amira Kamal اناكدي احسن تايلند تطلع كده

 

[Muhammad Sawy]

فيه حد كتب بوست طويل جدا عن الموضوع ده خلاصته ان الموضوع حسب فهم كل ظابط؟ مع القانون والقرار اصلا في صالحك بس لو ظابط مش فاهم هيعمل الله هو عاوزه

 

[Mohamed Shetos]

لو سمحت لو هروح سريلانكا بدفع اونلاين ازاى وانا حسابى ف البنك بالجنيه المصرى