حد سافر ايران قبل كدة و لما رجع مدخلش جيش عشان...

[Mohammed Tarek]

حد سافر ايران قبل كدة و لما رجع مدخلش جيش عشان سافر إيران؟

 

[Moutaz Mohamed]

لو المعلومه ديه صح كانت ناس كتيره سافرت عشان تهرب من الجيش
مفيش حاجه في القانون بتقول كده
سفريه ايران اكتر سفريه المصريين طلعوا عليها اشاعات و مفيش حاجه منها صح

 

[Ahmed Maher Gobbah]

طب هو الجيش بيعرف منين انه سافر ايران؟؟؟

 

[Tarek Gabr]

اعتقد انك لو رجعت من ايران علي مصر الجيش هيبقا ارحملك كتير من اللي هيحصل فيك

 

[Mohamed Enawi]

لو انت ف سن التجنيد ممنوع تسافر ايران اصلا

 

[Emad Khalaf]

اولاً في حالة السفر الى ايران
غالباً بيتم الاستفسار في المطار عن سبب السفر فاذا كان مثلاً الى جزيرة كيش وهي معروفة لمعظم من سافر دبي وغير تاشيرة فا دا بيكون مقبول لانه اجراء طبيعي لكن لو لسبب اخر اكيد هيكون هناك شوية متاعب
اما موضوع الاعفاء من الجيش بسبب السفر لايران فلا اعرف احد سافر قبل اداء الجيش

 

[Mohammed Tarek]

يا جماعة السفر مش هيكون من مصر من برة مصر و ارجع من ايران على مصر

 

[Emad Khalaf]

وعلى اي حال في حال السفر لايران بغض النظر عن السبب فمن الافضل تغيير جواز السفر بعد ذلك ودا معلشان مصر ولكن علشان لو انت حبيت تقدم على تاشيرة لاي دولة اوروبيه فاكيد مش هتعرف تاخدها

 

[Moustafa Saad]

طب جرب اسرائيل يمكن تظبط معاك

 

[El Marshall Ahmed]

بيسال في الجيش اللي سافر 5 دول معينه مش فاكر منهم غير افغانستان وايران والصومال واسرائيل ممكن متقفش عادي والموضوع يعدي لو قلت لهم هياخدوك المخابرات الحربية في مدينة نصر وهيحقق معاك بعد كدا هيحد موقفك اذا كنت هتدخل الجيش ولا لا كلامي عن واقع انا عشته بنفسي

 

[Mohamed Enawi]

عشان تسافر لاي بلد و انت في سن التجنيد لازم تاخد تصريح سفر حتى لو كنت وحيد
و لما تروح تعمل التصريح هتلاقي ورقة متعلقه ب اسامي ١٠ دول ممنوع السفر لهم منهم ايران

 

[Mohamed Mostafa Abdo]

انا سافرت ايران بس من الامارات مش من مصر

 

[Abdallah El Fouly]

لو سافرت ايران كذا مرة وافصحت عن دا لظابط الأمن في مركز التدريب أو لظابط الأمن في منطقة التجنيد هيودوك تعمل مقابلة في المخابرات الحربية وهتاخد رفد أمني

 

[Mohamed Mostafa Abdo]

انا معملتش اي خطوة في مصر للسفر لايران لان مصر مش حتعرف تاخد منها تاشيرة لايران لاكن من الامارات سهلة بتدفع 120 دولار تاشيرة سياحة صالحة لمدة 45 يوم من دخولك ايران

 

[Abdelrahman Mahallawy]

يا جماعة اللي فاكر أنه يخرج من الجيش عشان سافر دولة فيها مشاكل يبقى غلطان .

 

[Shirin A. Rahman]

مفيش طيران مباشر مصر تهران ،لازم ترانزيت سوريا أو لبنان بس بصراحة إيران حلوة خصوصا أصفهان و مشهد و عندهم تاريخ عريق و من احلى شعوب العالم

 

[باسم عماد]

طب انت اه الي في دماغك ممكن حد يعرف يساعدك يعني انت عايز تسافر مجرد سياحه ولا عشان تخلع من الجيش ؟؟

 

[Asem M-AboElmajd]

عايز تسافر ايران عشان متدخلش الجيش يا خلبوص

 

[Aml Ahmed]

عامة اى حاجة او اى نقطة سودا فى ملفك الامنى ،،مش بتدخل الجيش ،،ودى حاجة حلوة ومش وحشة

 

[Omar Adel]

بيعملو عنك تحري امني فقط وبتكمل اجراءت الجيش طبيعي مش اعفاء