A
Ahmed Shagie
:: مسافر ::
رحلة العمر
الرحلة دي بتطلع من مصر مرتين كل سنة
بص يامعلم لو طالع رحلة الأساتذة تبقي من حظك ونصيبك
بياخدوك من القاهره تطلع بالليل تنزل ألمانيا ترانزيت ومن ألمانيا تقعد ساعتين وتركب طيارة أمريكا توصل أمريكا في أورلاندو وتوصل الفندق شيراتون ليك فيه ليلة في غرفه سنجل غرفه كده علي مساحة 70 متر
اه والنعمة تصح الصبح تتوجهه علي ميناء ميامي تلاقي المركب الضخم زي المدينة اللي ماشيه في الميه تبحر بالليل طبعا المركب دي 21 دور 4000 شخص و1000 عامل صورته نزلتها علشان تشوفوا وليك غرفه لوحدك مطلة علي المحيط أول ما تدخل الغرفه المطلة بتلاقيها حاجه كده زي شقق التجمع الخامس اللي بيعلن عليها احمد عز والكيدواني وبلكونه شرحه علي المحيط علطول زي بتاعت زمان فضلت خيرك طبعا حمام خاص وحاجات كتيرة ترمي النشطة وتطلع الدور ال15 تلاقي حوالي 25 شيف 10 عمال بيساعدوك علشان تأكل ايه أصل انا نسيت اقولك أن الدور ال15 كله مطعم حاجه في حدود فدان أرض أه والنعمه لحد ما تشوف النعيم ده وتقرر تأكل تاخدلك بتاع ساعه وتخلص وتروح تهضم كمان نصف ساعه لك ان تتخيل فندق عائم 5 نجوم 4000 واحد محترم محدش بيبص وبيصور علي المركب غير أنا حاجة أول مره أشوفها فبصورها وكل ده وانت بتبص على غروب الشمس تخلص يامحترم تدخل الغرفه اللي هيا في الدور الثامن وتعمل شاور وتنام لحد الساعه 9 علشان أنتا تعبان أصلا من السفر
اللي فات كوم واللي جاي كوم تاني خالص
تنزل بقي أوعي تفكر دي السهره لسه الليل في أوله تروح تشوف السينما في أفلام ايه أو المسرح المغطي في مسرحيه ايه أو المسرح المكشوف فرقه ايه لو مش عاجبك كل ده
روح الدور ال16 المركب كله بيرقص مع بعضوا علي جميع اغاني العالم تركي مع انجليزي كلو مع كلو بعد ما تطلع الطاقه السلبية اللي فيك علي مدار عمرك اللي قضيته في حياتك وشغلك أن الأوان الي المطعم اللي في السادس علشان بيعمل عشاء خفيف
بعد العشاء والمشروبات كل واحد علي ذوقه أدخل قاعات الترفية قمار وبلياردوا وبليستاشن ممكن تلعب كوره مع واحد متعرفوش اساسا الناس هنا بتتبسط وبس كلا علي حدة وجميع الألعاب اختياري بعد ما تخلص كل ده اوعى تفكر أني هقولك تروح تنام لسع بدري ياعم
الديسكو يبدأ الساعه 4 الصبح لو دخلت تخلص الساعه 7 الصبح طبعا انتا مستني تنام مفيش الكلام ده تروح غرفتك تعمل الشاور المظبوط وتغير وتلبس حاجه خفيفه وتروح تفطر علي الساعه 8 الصبح عارف ليه حضرتك منمتش علشان هتنزل كمان ساعه علي أول جزيره اصلا انا نسيت اقؤلك
كل يوم الساعه 9 الصبح المركب بيرسي في مينا ومعاليك بتنزل زيارة لمده 6 ساعات كل يوم جزيره جديده وبلد جديدة اه والنعمة من المحيط الأطلنطي الي البحر الكاريبي الي جزر الكايمان الي المكسيك الي جزر البهاما الي جامايكا
الي ميامي المحطه الاخيره المركب تبحر بالليل وترسي الصبح
في اليوم العاشر بتوصل ميامي تقعد يوم في الفندق غرفة سنجل مساحتها 70 متر نفس اللي فاتت ويوم الحادي عشر شوبنج من أورلاندو واليوم الثاني عشر الإقلاع من أمريكا علشان ترجع لست الحبايب الي الترانزيت ألمانيا ثم القاهره والله من جمال الرحله ما نمت حوالي 10 ساعات في ال13 يوم وكل اللي فات والمزارات والطيران والتنقلات الداخلية والخارجية والفنادق المركب داخل الباكيدج
الرحله دي جربتها واتمني أروحها تاني مجرد معلومات
الصور كلها من داخل الرحله
بعد رحله زي دي بيكون أتعرفت علي 50 أو 60 واحد من جميع أنحاء العالم بجد متعه وده أهم شي التعرف علي أختلاف الثقافات
الرحلة دي بتطلع من مصر مرتين كل سنة
بص يامعلم لو طالع رحلة الأساتذة تبقي من حظك ونصيبك
بياخدوك من القاهره تطلع بالليل تنزل ألمانيا ترانزيت ومن ألمانيا تقعد ساعتين وتركب طيارة أمريكا توصل أمريكا في أورلاندو وتوصل الفندق شيراتون ليك فيه ليلة في غرفه سنجل غرفه كده علي مساحة 70 متر
اه والنعمة تصح الصبح تتوجهه علي ميناء ميامي تلاقي المركب الضخم زي المدينة اللي ماشيه في الميه تبحر بالليل طبعا المركب دي 21 دور 4000 شخص و1000 عامل صورته نزلتها علشان تشوفوا وليك غرفه لوحدك مطلة علي المحيط أول ما تدخل الغرفه المطلة بتلاقيها حاجه كده زي شقق التجمع الخامس اللي بيعلن عليها احمد عز والكيدواني وبلكونه شرحه علي المحيط علطول زي بتاعت زمان فضلت خيرك طبعا حمام خاص وحاجات كتيرة ترمي النشطة وتطلع الدور ال15 تلاقي حوالي 25 شيف 10 عمال بيساعدوك علشان تأكل ايه أصل انا نسيت اقولك أن الدور ال15 كله مطعم حاجه في حدود فدان أرض أه والنعمه لحد ما تشوف النعيم ده وتقرر تأكل تاخدلك بتاع ساعه وتخلص وتروح تهضم كمان نصف ساعه لك ان تتخيل فندق عائم 5 نجوم 4000 واحد محترم محدش بيبص وبيصور علي المركب غير أنا حاجة أول مره أشوفها فبصورها وكل ده وانت بتبص على غروب الشمس تخلص يامحترم تدخل الغرفه اللي هيا في الدور الثامن وتعمل شاور وتنام لحد الساعه 9 علشان أنتا تعبان أصلا من السفر
اللي فات كوم واللي جاي كوم تاني خالص
تنزل بقي أوعي تفكر دي السهره لسه الليل في أوله تروح تشوف السينما في أفلام ايه أو المسرح المغطي في مسرحيه ايه أو المسرح المكشوف فرقه ايه لو مش عاجبك كل ده
روح الدور ال16 المركب كله بيرقص مع بعضوا علي جميع اغاني العالم تركي مع انجليزي كلو مع كلو بعد ما تطلع الطاقه السلبية اللي فيك علي مدار عمرك اللي قضيته في حياتك وشغلك أن الأوان الي المطعم اللي في السادس علشان بيعمل عشاء خفيف
بعد العشاء والمشروبات كل واحد علي ذوقه أدخل قاعات الترفية قمار وبلياردوا وبليستاشن ممكن تلعب كوره مع واحد متعرفوش اساسا الناس هنا بتتبسط وبس كلا علي حدة وجميع الألعاب اختياري بعد ما تخلص كل ده اوعى تفكر أني هقولك تروح تنام لسع بدري ياعم
الديسكو يبدأ الساعه 4 الصبح لو دخلت تخلص الساعه 7 الصبح طبعا انتا مستني تنام مفيش الكلام ده تروح غرفتك تعمل الشاور المظبوط وتغير وتلبس حاجه خفيفه وتروح تفطر علي الساعه 8 الصبح عارف ليه حضرتك منمتش علشان هتنزل كمان ساعه علي أول جزيره اصلا انا نسيت اقؤلك
كل يوم الساعه 9 الصبح المركب بيرسي في مينا ومعاليك بتنزل زيارة لمده 6 ساعات كل يوم جزيره جديده وبلد جديدة اه والنعمة من المحيط الأطلنطي الي البحر الكاريبي الي جزر الكايمان الي المكسيك الي جزر البهاما الي جامايكا
الي ميامي المحطه الاخيره المركب تبحر بالليل وترسي الصبح
في اليوم العاشر بتوصل ميامي تقعد يوم في الفندق غرفة سنجل مساحتها 70 متر نفس اللي فاتت ويوم الحادي عشر شوبنج من أورلاندو واليوم الثاني عشر الإقلاع من أمريكا علشان ترجع لست الحبايب الي الترانزيت ألمانيا ثم القاهره والله من جمال الرحله ما نمت حوالي 10 ساعات في ال13 يوم وكل اللي فات والمزارات والطيران والتنقلات الداخلية والخارجية والفنادق المركب داخل الباكيدج
الرحله دي جربتها واتمني أروحها تاني مجرد معلومات
الصور كلها من داخل الرحله
بعد رحله زي دي بيكون أتعرفت علي 50 أو 60 واحد من جميع أنحاء العالم بجد متعه وده أهم شي التعرف علي أختلاف الثقافات