لو سمحت اية ارخص تذكرة طيران لو سمحت اية ارخص...

  • بادئ الموضوع بادئ الموضوع Yousif El_Masry
  • تاريخ البدء تاريخ البدء
عرض العطلة
Y

Yousif El_Masry

:: مسافر ::
#1
لو سمحت اية ارخص تذكرة طيران لو سمحت اية ارخص اكلة لو سمحت اية ارخص و احسن فندق لو سمحت الخ ..
شباب فى اسالة كدة بتتقرر فى الجروب و اما الادمن ميوافقش على السؤال يقوم اللى بيسال يستنصح و ينزل السؤال فى تعليق اى سؤال تانى
طيب يا شباب خلينا عارفين ان اللى بيسافر دة مش بيجرب كل فنادق البلد و مش كل اللى بيسافر بيبقى نفس مقدرة التانى يعنى فى واحد ممكن يقعد فى فندق ب١٠٠٠ جنية و شايفة كويس و وهم و فى واحد ممكن يقعد ب٥٠٠٠ و شايفة كويس طيب اية احلى فندق فى شرم اية احلى فى الغردقة فى كتير جدا جدا اكثر من الاف الفنادق اكيد مش كلنا روحنها و اللى راح مش راح كلة فاكيد اختيار الفرد للفندق مش هيبنى اختيار حضرتك لا ابسط مثال مثلا فى واحد ابن حلال اخترع موقع عشان يسهل على حضرتنا كتير اسمة www.booking.com و ممكن تغير اللغة لى عربى لو مش بتعرف انجليزى دة رد الناس بتاع الفنادق ممكن منة تخش تحدد اسم البلد او المكان و بيصنفلك احسن او ارخص او اعلى تقيم انت اللى بتحدد التصنيف ..

بالنسبة بقى لسؤال عايز ارخص تذكرة طيران يا جماعة فى ١٠٠٠٠ مواقع حجز الطيران اللى من خلالها تعرف اى حاجة عايز تعرفها لية مكسلين تدوروا على المواقع دية اللى ثقتها اسحن من اى شخص لية بتتعبوا الادمن و الناس اللى بيحاولوا يريحوكم على قد مبيقدروا و انتم بتتعبوهم جدا الناس دية زيها زينا عندها شغل و بيت الاخ ياريت ندور قبل منسال ..

نيجى لسؤال يا جماعة اعمل اية فى فرنسا اروح فين فى الهند ببساطة فى حاجة اسمها جوجل لو سالتة و قولت لة يا جوجل فى كام عصفورة فى السماء هيقولك الاول اسال جوجل و قول اهم المعالم السياحية فى الهند مثلا اشهر الاكلات الخ نجيى بعد كدة على الجروب و اكتب فى البحث بس اسم البلد اللى انت رايحها هيجيلك كل اللى اتسال و كل المعلومات اللى اتقالت قبل كدة ..

اتمنى مكنش ضايقت حد بس فعلا انا كتبت المنشور لانى بحب الجروب جدا و بحاول ادية على قد مقدر و الاسالة المتكررة متعبة جدا للقائمين على الجروب

احب اوجة تحية كبيرة لكل ادمن و اعضاء الجروب

الصورة ابسط تعبير عن الاسالة المتكررة فى الجروب بشكل يومى
h2m4_talcQuyO_alNC1d5Y5D-Rj8TtEh.jpeg
 
#4
طب مادام كل الكلام دا منرفز حضرتك و ندور علييهم فى جوجل، ايه لزمة الجروب دا بقى؟ انت مش بتدور عل ارخص غيرك نفسه يعرف
 
عرض العطلة
#8
اللي انت بتقوله ده عكس هدف الجروب اصلا و لو عملنا اللي بتقوله ده يبقي نقفل الجروب لان مش هيبقي له لازمه. لو الاسئلة دي بتضايقك يبقي لا تقرأها و لا تجاوب.
 
#9
طيب ما نلغى الجروب بقى الناس هنا بتساعد بعض يعنى مثلا لما 3 أو 4 يقولوا الفندق ده كويس يبقى فعلا كويس وبعدين السؤال المكرر مش تعلق عليه
 
#10
طب هوا الجروب معمول ليه بقي عشان الناس تعرف من بعض اكيد مع دخولهم علي جوجل اكيد خبرات الناس بتوضح برضو ..لزمة الجروب ايه بقي !!!
 
عرض العطلة
#11
بوستك ولا ليه اي لازمه
لان اللي بيسأل يبقي عايز يفهم وعايز اجابه وعايز يستفاد مشداخل يهزر وكمان ممكن يكون جديد وميعرفش حاجه في السفر او اول مره يسافر او ممكن يكون في معلومات فيها تعارض وعايز الاكيد فيها
 
#13
كلام يوسف جميل جدا و فعلا في أسئلة كتير بتكرر و مش هيكون ليها اجابة غير علي جوجل زي أرخص سعر تذكرة مثلا ، اللي بيسافر كتير عارف ان أسعار التذاكر زي البورصة بتتغير باستمرار و حسب السيزون و حسب الرحلة ، و حضرتك عاوز توفر في الوزن او غيره ، سؤال بردو أرخص فندق دا ، انا منزلتش كل الفنادق عشان اقدر أقولك ايه أرخص فندق ، نقدر نفيد بعض في إجراءات ، ممكن معالم سياحية ، أماكن تستحق الزيارة ، لو حد مقيم في المكان يكون أفضل ، انما سؤالين شفتهم كتير و مش هيكون لهم اجابة ( أرخص تذكرة - أرخص فندق )
 
#15
مزعل نفسك ليه عادي يعني ممكن متردش ولا مثلا محدش كان يعرفك حبيت تلفت انتباه الناس عليك خلاص عرفناك شكرا عالمعلومه اللي بعده
 
عرض العطلة
#18
يا افندم دا جروب عن السفر و الفسح فطبيعي الاسئلة تكون عن ايه افضل فندق ايه افضل مطعم انا في مكان جديد عايز اخرج اسأل ايه احسن مكان اروحة
مش معقول هسأل هل الفندق بيسمح بتحضير حمض الكبرتيك بتركيز اعلي من 60% داخل حجرة علشان يبقي السؤال عميق
 
عرض العطلة
عرض العطلة
عرض العطلة
أعلى أسفل
عودة
قائمة