A
AbdelRahman Salah
:: مسافر ::
أنا بسافر مرة كل شهرين تقريبا بعشق طريق شق الثعبان ( فيران) و شغال صبح و ليل لانى بسافر علطول بليل أنا بنسبالى شخصيا دا أفضل من شرم فى الوقت بس مشكلتة فى كمائن كتير الطريق بليل بياخد معايا من المهندسين لحد دهب فى ٤ ساعات ونص متوسط السرعة ٢٠٠ كم / ساعة بس لازم تكون عربيتك زيرو علشان الطريق مفيهوش خدمات و مش هتقابل حد أصلا بس ممكن تقابل الصبح ناس عادى و لو مش حافظة نصيحة سافر منة الصبح علشان فى اخر الطريق فى ملفات رخمة بين الجبال مبتقدرش تعدى ٥٠ كم / ساعة بس لو اول مرة خد طريق شرم أفضل بس انصحك لازم تجربة فى مرة هتتبسط اوى من المناظر وانت ماشى بين الجبال
A
AbdelRahman Salah
:: مسافر ::
أنا كنت هناك فى العيد و رجعت من أسبوع الطريق مفيهوش اى حاجة خالص غير مطب قبل كل كمين وانا ذكرت المنحنيات فوق بس دا اخر ١٥ كيلو فى الطريق الميزة إللى فية ان الطريقين فردة واحدة رايح جاى فا هنا مش هتقابل حد أصلا غير كل فين و فين و هتستمع بالطريق و مش هتبقى أعصابك مشدودة فى الملفات
زى ما بيقولو الطريق بتاعك يا كبير و أمان جداً
زى ما بيقولو الطريق بتاعك يا كبير و أمان جداً
A
Ahmed Alabbasy
:: مسافر ::
طريق سانت كاترين فضل مقفول لاكتر من سنتين لكذا اعتبار امنى و بيئي و محدش بينصح بيه خالص ..
طريق النفق شرم دهب مرهق جدا جدا و المسافة هتدخل فى 700 كيلو .. فموش عارف باى منطق ممكن حد يروح منه !!!
طريق نخل اللى هو 50 .. جميل جدا وبياخد فى العادى 5ساعات ونصف و ميزته انه بيسقطك عند طابا ممكن تعمل داى يوز و تروح الكيف و قلعة صلاح الدين و تتصور فى خليج فيورد و بعدين تعدى على رأس شيطان و الثرى بولز و الكولر كانيون و بعدين دهب و ممكن تخطفلك ليلة كمان فى سانت كاترين و تطلع الجبل ..
طريق النفق شرم دهب مرهق جدا جدا و المسافة هتدخل فى 700 كيلو .. فموش عارف باى منطق ممكن حد يروح منه !!!
طريق نخل اللى هو 50 .. جميل جدا وبياخد فى العادى 5ساعات ونصف و ميزته انه بيسقطك عند طابا ممكن تعمل داى يوز و تروح الكيف و قلعة صلاح الدين و تتصور فى خليج فيورد و بعدين تعدى على رأس شيطان و الثرى بولز و الكولر كانيون و بعدين دهب و ممكن تخطفلك ليلة كمان فى سانت كاترين و تطلع الجبل ..