M
Mohamed Saeed Dox
:: مسافر ::
كلامي ده للناس اللي تسافر سياحه
* اول سبب وأشهر سبب للرفض انك متقنعش القنصل في الانترفيو او في ورقك لو سفاره مفيهاش انترفيو , الناس فاكره انك لو معاك 100 ألف في البنك و ورقك كامل هتاخد الفيزا بسهولة , مش ده اللي هيديك الفيزا , القنصل عايز يتأكد انك مسافر للسبب اللي مقدم ليه وهو السياحه
* تاني سبب ان معندكش كشف حساب او كشف حسابك فيه مشكله , اولا لو معندكش كشف حساب ابدا افتح حساب من دلوقتي عشان مينفعش تقدم من غير كشف حساب , تاني حاجه اسطورة ان يكون معاك عشرين او 30 او 70 الف جنيه كل الكلام ده غلط , اهم حاجه يكون فيه حركه علي حسابك سحب و ايداع , دي اهم من الرصيد , ودي سهلة اعمل حركات كتير علي حسابك , تاني حاجه كل دولة من دول الشنجن طالبه حد ادني في حسابك , مثلا سفارة اسبانيا طالبه يكون حد ادني 64 يوروعن كل يوم هتقضيه هناك بحد ادني 577 يورو في حسابك , يعني سكه ال 10000 , اليونان طالبه 50 يورو عن كل يوم , و هكذا , يعني 10 الاف - 15 الف ده غير فلوس التذكره و الفندق , و كمان لو عندك كريدت كارد صور وجهه و قدم الصوره مع اخر ستيتمنت له.
* تالت سبب هو ان باسبورك أبيض و مسافرتش اي دول قبل كده , طبعا يُفضل انك تحاول تسافر الدول السهلة في الاول زي تركيا , ماليزيا , تايلاند, جورجيا ...الخ , بس طبعا مش مستحيل تاخد الشنجن اول فيزا لو اتغلبت علي السببين اللي فوق , بس فيه حركة حلوة تخلي شكل باسبورك احسن لو فاضي , فرضا انك عايز تسافر دولة من دول الشنجن , , قدم الاول علي فيزا تركيا , و اعمل برنامج سياحي يومين تلاته في تركيا قبل السفر للشنجن , و قدم حجوزات تركيا دي مع ورقك لسفارة دولة الشنجن بحيث تبين انك هتقعد يومين في تركيا و بعدين مثلا اسبوع في الدولة دي و هيشوفوا الفيزا اللي خدتها و حجوزاتك و هيقتنعوا فعلا انك مسافر
* رابع سبب حجز الفندق غير موكد , احيانا السفارات بتتصل بالفنادق تتأكد من الحجز , متحاولش تلغي حجز الفندق قبل ما الفيزا تطلع اطلاقا لان ده هيؤدي لرفض فيزتك و متخترش فندق الليله ب 5000 جنيه و انت مرتبك 3000 ولا 4000 و كشف حسابك مش مكمل 40000 مثلا خليك ف معقول شوف كشف حسابك و مرتبك و اوزنها صح . (اليونان فندق بيبقي مدفوع كامل)
* خامس سبب ان ملكش وظيفة , دي اكتر حاجه هتخوف السفارات منك , لأن وجود وظيفة أو بتدرس في جامعة = فيه ارتباط ببلدك و مش هتهرب , عشان كده تجنب انك تقدم و انت ملكش وظيفة , او حاول علي قد ما تقدر اي حد معرفه يعملك جواب اتش ار في شركته , و ممكن بحوالي 5000 جنيه و عقد ايجار تقدر تاسس شركة و يتكتب في باسبورك صاحب شركة كذا , الطرق كتير اهم حاجه متقدمش و انت ملكش وظيفة , نيجي بقي للناس اللي عندها وظيفة و هتقدم HR , حاول تقدم و يكون عدي عليك اكتر من سنة في شغلك , دي نقطة قوه , تاني حاجه حاول دايما الجملة دي تكون مكتوبة في ال HR " و نحن علي علم بأن السيد / .... سيسافر الي دولة كذا في الفتره من كذا لكذا بغرض السياحة و انه سيعود ليباشر عمله في الشركة من يوم كذا " , الجملة دي بتبين ان شغلك عارف انك مسافر و مديك اجازة في الوقت ده و تكتب رقم التأمين و رقم بطاقة و الجواز , و دي نقطة قوة في صالحك قدام أي سفارة.
* سادس سبب وجود تضارب في تواريخ حجز الفنادق أو الطيران و التواريخ اللي انت كاتبها في الاستماره
تجنب انك تقول انك مسافر اكتر من دولة داخل الشنجن -حتي لو كنت هتلف اوروبا كلها- , اكتب انك مسافر الدولة دي فقط و قدم حجز الفنادق داخل الدولة دي فقط , و لما تاخد الفيزا الغي الحجوزات دي و احجز زي ما انت عايز.
طيب , عملنا كل ده و برضه اترفضت , هل لازم استني 6 شهور؟ لأ طبعا , مفيش سبب يخليك تستني , لو خدت رفض دي مش نهاية المطاف , قدم تاني فقط لو متأكد انك جاهز و ان كل ورقك سليم , انما لو مثلا حسابك مش عليه حركات , او مفيش وظيفة , او مش عارف هتعمل ايه في البلد اللي هتروحها , يبقي من فضلك بلاش تقدم دلوقتي لغاية ما تستعد ..
أخيرا اكتر سوال بيتسأل , ايه اسهل سفارات شنجن اقدم فيها؟؟ اللي يقولك فرنسا , و اللي يقول اليونان , و اللي يقول اسبانيا ... اولا خلينا نتفق ان خطوات الشنجن كلها واحده , بس انا دايما شايف ان السفارات الاسهل هي اللي فيها انترفيو بشرط انك تكون فعلا ملتزم بالنقط اللي اتكلمت فيها فوق , القنصل عايز يطمن انك مش رايح تهرب , و انك فعلا عايز تروح سياحه , فانت لو قاري عن البلد اللي هتروحها و واثق من نفسك الانترفيو هتبقي سهلة أوي , انما لو رايح انترفيو و انت مش عارف اصلا البلد دي عاصمتها ايه او جوها عامل ازاي في الوقت اللي هتروحه أو حتي المعلومات العامه عن البلد ساعتها توقع الرفض
* اول سبب وأشهر سبب للرفض انك متقنعش القنصل في الانترفيو او في ورقك لو سفاره مفيهاش انترفيو , الناس فاكره انك لو معاك 100 ألف في البنك و ورقك كامل هتاخد الفيزا بسهولة , مش ده اللي هيديك الفيزا , القنصل عايز يتأكد انك مسافر للسبب اللي مقدم ليه وهو السياحه
* تاني سبب ان معندكش كشف حساب او كشف حسابك فيه مشكله , اولا لو معندكش كشف حساب ابدا افتح حساب من دلوقتي عشان مينفعش تقدم من غير كشف حساب , تاني حاجه اسطورة ان يكون معاك عشرين او 30 او 70 الف جنيه كل الكلام ده غلط , اهم حاجه يكون فيه حركه علي حسابك سحب و ايداع , دي اهم من الرصيد , ودي سهلة اعمل حركات كتير علي حسابك , تاني حاجه كل دولة من دول الشنجن طالبه حد ادني في حسابك , مثلا سفارة اسبانيا طالبه يكون حد ادني 64 يوروعن كل يوم هتقضيه هناك بحد ادني 577 يورو في حسابك , يعني سكه ال 10000 , اليونان طالبه 50 يورو عن كل يوم , و هكذا , يعني 10 الاف - 15 الف ده غير فلوس التذكره و الفندق , و كمان لو عندك كريدت كارد صور وجهه و قدم الصوره مع اخر ستيتمنت له.
* تالت سبب هو ان باسبورك أبيض و مسافرتش اي دول قبل كده , طبعا يُفضل انك تحاول تسافر الدول السهلة في الاول زي تركيا , ماليزيا , تايلاند, جورجيا ...الخ , بس طبعا مش مستحيل تاخد الشنجن اول فيزا لو اتغلبت علي السببين اللي فوق , بس فيه حركة حلوة تخلي شكل باسبورك احسن لو فاضي , فرضا انك عايز تسافر دولة من دول الشنجن , , قدم الاول علي فيزا تركيا , و اعمل برنامج سياحي يومين تلاته في تركيا قبل السفر للشنجن , و قدم حجوزات تركيا دي مع ورقك لسفارة دولة الشنجن بحيث تبين انك هتقعد يومين في تركيا و بعدين مثلا اسبوع في الدولة دي و هيشوفوا الفيزا اللي خدتها و حجوزاتك و هيقتنعوا فعلا انك مسافر
* رابع سبب حجز الفندق غير موكد , احيانا السفارات بتتصل بالفنادق تتأكد من الحجز , متحاولش تلغي حجز الفندق قبل ما الفيزا تطلع اطلاقا لان ده هيؤدي لرفض فيزتك و متخترش فندق الليله ب 5000 جنيه و انت مرتبك 3000 ولا 4000 و كشف حسابك مش مكمل 40000 مثلا خليك ف معقول شوف كشف حسابك و مرتبك و اوزنها صح . (اليونان فندق بيبقي مدفوع كامل)
* خامس سبب ان ملكش وظيفة , دي اكتر حاجه هتخوف السفارات منك , لأن وجود وظيفة أو بتدرس في جامعة = فيه ارتباط ببلدك و مش هتهرب , عشان كده تجنب انك تقدم و انت ملكش وظيفة , او حاول علي قد ما تقدر اي حد معرفه يعملك جواب اتش ار في شركته , و ممكن بحوالي 5000 جنيه و عقد ايجار تقدر تاسس شركة و يتكتب في باسبورك صاحب شركة كذا , الطرق كتير اهم حاجه متقدمش و انت ملكش وظيفة , نيجي بقي للناس اللي عندها وظيفة و هتقدم HR , حاول تقدم و يكون عدي عليك اكتر من سنة في شغلك , دي نقطة قوه , تاني حاجه حاول دايما الجملة دي تكون مكتوبة في ال HR " و نحن علي علم بأن السيد / .... سيسافر الي دولة كذا في الفتره من كذا لكذا بغرض السياحة و انه سيعود ليباشر عمله في الشركة من يوم كذا " , الجملة دي بتبين ان شغلك عارف انك مسافر و مديك اجازة في الوقت ده و تكتب رقم التأمين و رقم بطاقة و الجواز , و دي نقطة قوة في صالحك قدام أي سفارة.
* سادس سبب وجود تضارب في تواريخ حجز الفنادق أو الطيران و التواريخ اللي انت كاتبها في الاستماره
تجنب انك تقول انك مسافر اكتر من دولة داخل الشنجن -حتي لو كنت هتلف اوروبا كلها- , اكتب انك مسافر الدولة دي فقط و قدم حجز الفنادق داخل الدولة دي فقط , و لما تاخد الفيزا الغي الحجوزات دي و احجز زي ما انت عايز.
طيب , عملنا كل ده و برضه اترفضت , هل لازم استني 6 شهور؟ لأ طبعا , مفيش سبب يخليك تستني , لو خدت رفض دي مش نهاية المطاف , قدم تاني فقط لو متأكد انك جاهز و ان كل ورقك سليم , انما لو مثلا حسابك مش عليه حركات , او مفيش وظيفة , او مش عارف هتعمل ايه في البلد اللي هتروحها , يبقي من فضلك بلاش تقدم دلوقتي لغاية ما تستعد ..
أخيرا اكتر سوال بيتسأل , ايه اسهل سفارات شنجن اقدم فيها؟؟ اللي يقولك فرنسا , و اللي يقول اليونان , و اللي يقول اسبانيا ... اولا خلينا نتفق ان خطوات الشنجن كلها واحده , بس انا دايما شايف ان السفارات الاسهل هي اللي فيها انترفيو بشرط انك تكون فعلا ملتزم بالنقط اللي اتكلمت فيها فوق , القنصل عايز يطمن انك مش رايح تهرب , و انك فعلا عايز تروح سياحه , فانت لو قاري عن البلد اللي هتروحها و واثق من نفسك الانترفيو هتبقي سهلة أوي , انما لو رايح انترفيو و انت مش عارف اصلا البلد دي عاصمتها ايه او جوها عامل ازاي في الوقت اللي هتروحه أو حتي المعلومات العامه عن البلد ساعتها توقع الرفض