استفسارات سريعة عن السفر لروسيا: 1....

[Salah El Termesany]

استفسارات سريعة عن السفر لروسيا:
1. عدد/وزن/مقاس الشنط لو خطوط مصر للطيران؟
2. ايه الغير مسموح فالشنط؟ يعني مثلا سمعت ممنوع سوايل او اي اكل/وجبة.
3. هل مسموح اخد علب سبراي اكس 100مل بأي عدد مثلا وسجاير؟ عشان سمعت ممنوع عبوات مضغوطة اكتر من 100مل! يعني ينفع اخد جل حلاقة 150مل علبتين مثلا؟
4. هناك اشتري خط ايه وايه نظام ال mobile data للنت؟

 

[Abdelrahman Farag]

مصر للطيران بتسمح بعدد [٢] شنطة
كل شنطة وزنها ٢٣ كيلو
بالاضافة الى شنطة يد لا تتعدى ١٠ كيلو و دي اللي بتطلع معاك على الطيارة
السوائل غير مسموح بيها في شنطة اليد اما اذا هتحطها في الشنط اللي هتتشحن مفيش اي مشكله
نفس النظام بالنسبة لعلب الـ سبراي
اذا حابب تاخد اي شيء سوائل معاك على الطياره زي الـ سبراي او عطور او معجون اسنان مثلاً
لازم يكون اقل من ١٠٠ مل و في شركات مش بتسمح الا بـ ٥٠ مل
فخليك في الـ Safe side و ٥٠ ملم هيكون افضل علشان بيكون للاسف مصيرها انها هتترمي و انت بتعدي على اخر تفتيش اذا كانت فوق الحد الاقصى
موضوع السجاير في شركات طيران زي Iberia بتسمح بس مش بتسمح بـ ولاعه والموبايل داتا للاسف لا ادري انها شيء في روسيا
بالتوفيق

 

[Çara Labeeb]

هي مصر للطيران رجعت خط موسكو تاني ؟

 

[Mayada Mohsen]

السجاير اللي يحددها الدولة اللي حضرتك رايحها في دول بتحط حد افصي و دول لا لكن لو زيادة عن اللزوم هيبقي اتجار خد بالك شنطة الطيارة ٧ كيلو اي سوايل حد اقصي ١٠٠ مللي في شنطة الطيارة لو اكتر بتتحط كارجو الولاعات ممنوعة ع الطيارة طبعا

 

[Salah El Termesany]

يعني عادي اخد مثلا 10علب اكس 100مل لاستخدامي الشخصي لو رايح مصر للطيران ولا هيترمي منهم عشان العدد؟

 

[Mostafa Sayd]

أولا مفيش لروسيا علي مصر للطيران وكل الحاجات اللي انتا قولتها خدها عادي جدا والسجاير عادي أنا كنت واخد 5خراطيش