A
Abdallah S. Zaki
:: مسافر ::
دى فعلا مزارع تربية اسماك مختلفة الانواع او تربية أحياء مائية، انا كشخص عندى خبرة فى التصوير الفضائي والاستشعار عن بعد أقدر اوضح لك التلات الوان السائدين دول مثلاً: اللون الأخضر ده عبارة عن انعكاس لوجود طحالب موجودة في مياه ضحلة، اما اللون البرتقالي فده بيدل على وجود نوع من الطحالب اسمها Dunaliella لما بتخلط بنوع بكتيريا اسمه Halobacteria cutirubrum ودي فى الغالب بتكون فى احواض الجمبري وبتكون فى مياة عميقة، أم اللون الأصفر ده فبيعبر عن بحيرة ملحية فيها انواع مختلفة من البكتيريا وبتدى انعكاسات مختلفة لكن ال major فيها أصفر وبتكون على مياه متوسطة العمق. فى المجمل دى مزارع سمكية او مزارع احياء مائية لانواع مختلفة من الاحياء بتتربي فى اعماق مختلفة وعلى طحالب مختلفة كطعام ليها علشان كده اجهزة التصوير الفضائي لما بتستقبل الاشارات بتكون لاطوال موجية مختلفة تدينا الوان مختلفة. وفى الغالب بتبقى نفس الالوان فى الحقيقة بس مش بنفس جودة الصورة الفضائية لان الصورة الفضائية بتمر بمراجل كتير من المعالجة.