طبعا لازم تخافوا على بناتكم وهما مسافرين .....

[Nour Ezat]

طبعا لازم تخافوا على بناتكم وهما مسافرين ..

مع ان برا محدش هيمد ايده على جسمها ويقولها ابقي شوفي لبسك الاول .. ولا حد هيسمعها اقذر الكلمات بحجة انها عايزة تسمع كدا .. وبرضه مفيش سواق تاكسي هيظبط مرايته عليها .. ولا حد يخبط فيها في المواصلات .. ولو لا قدر الله وقعت في اى مشكلة، اكيد هتلاقي الشرطة اللي تجيبلها حقها بالقانون !!

صدقوني السفر مش خطر لو الموضوع مترتبله ومنظم وبناتكم طالعين مع ناس كويسين .. بس الخطر هو انكم تحرموا بناتكم من انهم يشوفوا العالم ويحققوا احلامهم .. الخطر انهم يبقوا مبيعرفوش يعملوا اى حاجة من غيركم، وقاعدين مأجلين كل حياتهم مستنيين "لما تبقي تتجوزي" !!

واخيرا، سيبكم من كلام الناس ونظرة المجتمع للسفر على انه صياعة .. والله في ألف سبب مفيد للسفر؛ ممكن بناتكم يسافروا يتطوعوا، يدرسوا، يشتغلوا، يتعلموا حاجات جديدة ويعرفوا ثقافات مختلفة.

#سافر

 

[Muhammad Sherief]

ياستى سافرى براحتك ولفى العالم كله محدش قالك حاجه بس بلاش تخلوا صورتنا بالشكل ده واننا بقينا كلاب ماشيه ف الشارع تنهش ف البنات
ربنا يستر

 

[Ahmed Omar]

الموضوع فيه اصول برضو

وكل واحد وتربيتة

 

[Teto Ahm]

ربنا يهديكي ويتوب عليكي ي نور

 

[Nancy Mahmoud]

انا بنتي كان نفسها تسافر تدرس بره مصر وطبعا الموضوع مرفوض جامد جدا وبنت وحدها لا طبعا. وبعدين قعدت شويه في لندن. وشفت بلاد الكفار زي مابيقولو. قد ايه محترمين. مع كبار السن والسيدات. وحتي مع المحجبات. وفعلا لو حبت تسافر مش هاخاف عليها

 

[Ahmed Ebrahim]

السفر جميل وحلو بس النفس البشرية امارة بالسوء ولو مش امارة اي حاجة جديدة هاتتجرب ولو مرة واحدة
كلكم راع وكلكم مسؤول عن رعيته
اعقلوها اولا

 

[Moutaz Mohamed]

نستاذن الناس الكبيره و المحترمه لو عندك وجهه نظر (محترمه) اكتبها
لكن تغلط في صاحبه البوست او تخرج عن النص فانا هرد بالنيابه عنها و محدش يضايق من الرد
عشان انت معملتش احترام ليها و لا لادمنز و لا لجروب فبالتالي استحمل الرد

 

[Abdallah Maher]

بمناسبة الكلام علي لَبْس البنات والكلام الجميل ده
اسمعوا الغربيين بيقولوا أيه علشان اغلب العرب عندهم عقدة الخواجة /العلم يؤكد الدين

 

[معتز الورداني]

يعني خلاص مصر كلها بقت سواق التاكسي الي بيظبط المرايه والشاب الي بيتحرش

 

[Sami Elmetwali]

الناس ال بتنزل البوستات دى اعتقد انها مسافرتشى بره مصر ... ياجماعه قسما بالله كل الكلامدا موجود فى جميع انحاء العالم ...وكثرة عن مصر ... دا غريزة حيوانينه موجوده فى جميع الشعوب ... اكثر نسبه اغتصاب موجوده فى الغرب اكبر نسبة تحرش موجوده فى الغرب ..... الفرق بين هنا وهناك القانون وان معندهومش سيسى ولا جيش بيحكم وبالتالى فيه امان وحكومه وشرطه وجيش شغاله عشان راحة وامان المواطنين

 

[Marioegiziano Emad]

بنات اليومين دول خلاص دماغهم لسعت..ربنا يشفى

 

[Mustafa ELkomy]

مع احترامى لكلامك بس ممكن تكون فى شويه حاجات متفقش معاكى فيها واولها ان بره امان.. بصى فى اماكن ومناطق نزولك بعد الساعه 8 بالليل كا بنت مش محبذ لان الموضوع مش بيبقى تحرش، هو بيبقى قتل على طول...
فى الارجنتين لو لابسه حاجه دهب او حتى لبس ماركه ممكن يقتلك عشان يسرقها وموضوع الجنس والتحرش دة هم شبعانين منه لان معندهمش دين يحكمهم وبدل ما تشكرى فى عدم التحرش هناك شوفى السلبيات اللى موجودة الاول

 

[Ghada Bedair]

سمه غريبه في العرب والمصريين على وجه الخصوص
تشويه بلادهم ومواطنيها بصوره مستفزه لاي حد ... مع ان السمه الغالبه العكس يعني في ناس جدعان كتير واماكن ساحره وامان في تسعين في الميه من الاماكن اللي ممكن نتواجد فيها .. الا ليه نشوفها نعمه تستحق شكر ربنا ؟!!! لا لازم نذم وننفر ونكره انفسنا وغيرنا في اجمل واحسن واجدع وافضل واروع نعمه ربنا ناعم علينا بيها .. الوطن
لا حول ولا قوة الا بالله

 

[Sahar M. Khaled]

التحرش موجود في كل حته علي فكره الموضوع بره منفتح اكتر ف مبيبقاش تحت مسمي التحرش انا سافرت واحب اسافر تاني وتالت والف بس لو عندي بنت مش حتسافر لوحدها ومش كل شباب مصر وحش ومتحرش انتي بتتكلمي علي ناس اصلا اتفه من اني اكتب فيهم بوست اه في نسبه كبيره جدا وبره مش امان اوي كده زي منتي متخيله

 

[NaDia Emam]

F

 

[Ĥossam Śhams Eldin]

انتي كاتبة البوست عشان تقولي الكلمتين بتوع التاكسي والتحرش انتي كان ممكن تقولي الدنيا برة امان وتشجعي عالسفر من غير الكلمتين دول

 

[Amr El-hodaiby]

هو شكل حضرتك بس متخيلةً انهم ملائكة برا او عايشين في الدولة الفاضلة ، موجود المتحرش برا و موجود المغتصب اكتر و في أماكن كتير البنت متعرفش تتحرك فيها لوحدها بالليل او بتاخد زميل دراسة مثلا او عمل او اي راجل يمشي معاها يوصلها ، صحيح التحرش زاد في مصر كتير بس هو برا اصعب لانه ممكن يطلع من السكران و اللي شارب مخدرات و مش واعي

 

[Warda Ahmed]

الفرق بين البلاد العربيه والغربية ان البنت اللي تتعرض للتحرش في البلاد العربيه ما راح تبلغ عن الواقعه بسبب العادات والتقاليد والعيب والخوف من الفضيحه أصلا راح تخاف تقول لأهلها لا تنحبس بين اربع حيطان
اما في الغرب الرجال يكون ماشي في حال سبيله تقوم البنت ملبسته قضية فقط لتشويه السمعه او ان أصلاً يكون عن تراضي وبعدين تجي تتهمه وتحاول تكسب فلسين على قفاه عشان كده المعدل عالي عندهم بسبب ان البلاغات كثيره لكن لما نجي للواقع ونشوف عدد الأحكام الفعليه فهي قليله

 

[Eslam Mahmoud]

الناس مش قادره تفهم ان لو لم نحترم بلدنا مافيش مخلوق هايحترمنا و لو انا اتكلمت بالسوء علي بلدي مافيش شخص هايشكر فيها و يشوفها احسن مننا

مصر من اجمل و احسن و احلي بلاد العالم قولا واحدا و مشكلتها في قله من شعبها فقط محتاج ان ربنا يهديهم للصراط المستقيم هو اللي بيسيء لها بتصرفاته و استهتاره بالقوانين و الحريات و لامبالاته و اللي هو نفس الشخص اللي لو سافر الغرب بيمشي زي الجزمه في بلدهم و يخاف يكسر قوانينهم علشان عارف ان يد القانون هناك طارشه و ممكن تدمر حياته كلها لو فكر بس انه يستغل الفهلوه و الشطاره و الهمبكه و السبهلله اللي عايش بيهم هنا ماعدا ذلك احنا بلادنا عظيمه بكل ما في الكلمه من معاني و الغرب مش جنه زي ما الناس متخيله من الافلام و الاعلام الغربي الموجه لمسح دماغ الشباب و المراهقين و اعطائهم افكار مضلله و كاذبه و مبالغ فيها عن الغرب و هو لا يمثل حتي 1% من حقيقه الغرب عندهم شويه مميزات انما عندهم عيوب و جرائم و مشاكل خطيره جدا مش موجود عشرها هنا في مصر

الشعب المصري بالفطره شعب طيب انما نتيجه ضغط اللظروف المعيشيه و الاقتصاديه اللي بتحصل ممكن يتصرف باسلوب غير لائق او محترم انما ده مش طبيعته و لا اصله و لو كانت بلادنا في اوضاع افضل لكنا حكام العالم كله كما كنا في السابق لتسابق الناس علي مصر في هجره شرعيه و غير شرعيه كما يحصل لبلاد العالم ( و حتي بالرغم ظروفنا الصعبه لازال العالم يتسابق و ينبهر بعظمه مصر و اثارها و تاريخها و جمالها )

ازمه و هاتعدي و مصر اكبر و اقوي من التاريخ ذات نفسه المهم الا نفقد الثقه في نفسنا و لا في بلدنا و نحبها و نحترمها و نقدرها و نتقدم بيها لان و الله العظيم لو روحتي لاجنبي و قولتيله بلدنا وحشه هايحتقرك انتي مش بلدك جدا و هيتجنب يتعامل معاكي و هاتقلي من نظره جدا الغربي بيعشق بلده قد ايه بجنون و ما يستحملش كلمه تتقال عليها من ابن بلده او غريب لو فيها عبر الدنيا ما بالك احنا عندنا بلدنا بكل الجمال ده و بنكرهها عار علينا والله و لله الامر من قبل و من بعد

 

[Mahi Guide]

احترم وجهة نظر سعادتك،

لكن

فيه اماكن في العالم لازم اللي تسافر تاخد بالها، زي الهند اللي بتتكرر فيه حالات اغتصاب السائحات