أسوء تجربه حجز في حياتي كنت حاجز من الكويت...

[Mohamed Shalaby]

أسوء تجربه حجز في حياتي
كنت حاجز من الكويت لبرشلونه علي خطوط British airways
ورحت المطار في الكويت في معادي ومعايا فيزا اسبانيا عادي جدا
وإذ افجاء بالموظف بيقولي فين التأشيرة قلتله موجودة في الباسبور قالي لا بتكلم عن فيزا ترانزيت في مطار هيثروا
فقلت له دول ٢ ساعه ترانزيت قالي دا قرار من ٥ سنين
وفعلا رجعت من المطار عشان مش معايا فيزا ترانزيت لإنجلترا

خدوا بالكم اللي مسافر لأي دوله علي British airways لازم ياخد فيزا ترانزيت

 

[Amr Mosad]

هو كان في تغيير مطار؟ أعتقد ڤيزا ترانزيت في حال تغيير المطار فقط

 

[Ahmed Soliman]

طيب ترانزيت الكويت ١٠ ساعات ليها فيزا هي كمان
خط السير من الرياض الى تركيا ترانزيت الكويت

 

[Akram Essam Mohamed]

يا جماعه مفيش طيران فى الدنيا هيطلع مصرى لاى حته مرورآ بإنجلترا من غير ترانزيت فيزا ! ( ماعدا اللى معاه امريكا او كندا طبعا)

 

[Mohamed Shalaby]

لا مفيش فيزا ترانزيت للكويت

 

[Ahmed Hasan]

معلش، بس هي فعلا حاجة معروفة ان ترانزيت البريتيش لو مش لامريكا و كندا محتاج فيزا

 

[Mohammed Abd Elkader]

معلش هي غلطة حضرتك انك مبحثتش قبل ما تحجز
ربنا يعوض عليك بس ان شاء الله المرة الجاية تاخد بالك من التفاصيل دي كويس

 

[Essam Khalil]

ده معروف من زمان. رجاء من الجميع دائما خد من وقتك شويه و اضمن انك جبت كل المعلومات عن سفرك كن الانترنت و من خبرات المسافرين القدلمى

 

[Rasha A. Younis]

Dina Younes

 

[Ivan Enrique Gomez Castro]

يعني لو معاك امريكا وعايز تروح اسبانيا ترانزيت بريطانيا علي البريتيش ينفع ولا لا

 

[Bm Maha]

Mervat Jacoub

 

[Æhməđ Fæýəđ]

نفس الموقف حصل معايا السنة اللي فاتت علي نفس الخطوط

 

[Safi Mohamed]

فعلا القرار ده طالع من زمان واذا انت مسافر اسبانيا يبقى لازم رحلتك تكون لاسبانيا دايركت طبعا الكلام ده لاي دولة اوروبية اما انجلترا لها تاشيرة خاصة ماينفعش تعمل فيها ترانزيت
الكلام ده لازم موظف حجز التذاكر بيكون عارفه

 

[افنان اسماعيل]

طيب ما انا كنت ع مطار هيثرو ومطلبوش.مني فيزا ترانزيت

 

[Haitham Ossman]

الكلام دة من زمان مطبقينه والمفروض مكتب السفريات يقولك ساعتها كنت تاخد فيزا بريطانيا ترانزيت بالاسبانية سريعه وسهله

 

[Mohammad Elmaghrapy]

يا جماعه ناس بتقول لازم فيزا و ناس بتقول لا. ازاي . انا شخصيا من السويد لبلجيكا نزلت هيثرو ترانزيت. و محدش سالني علي فيزا و ختمت خروج شينجن اوربا و رجعت ختمت دخول في بلجيكا. الكام ده من خوالي سنتين. هل معقول النظام اتغير ولا موظف الخطوك بيستهبل. اصل اخد فيزا ترانزيت ليه وازا مش هخرج برة المطار. بس انا شاكك في حاجة واحدة. حضرتك التذكرة كلها علي البريتش ايرواي ولا فيها leg علي حط تاني و معموله co-share flight? علشان يمكن مش يتغير المطار بس بتغير التيرمنال. بس بردو معرفش اذا كان مطار هيثرو الترمينالز فيه مفتوحه علي بعض من جوه زي اسطانبول ولا مفتوحه بس بردو مفتوحه علي الخروج للبلد و ساعتها ممكن تدخل لندن. بس كمان المفروض ساعه الحجز في الحجات اللي زي دي الموقع بينبه تنبسه واضح ان التذكرة فيها ترانزيت محتاج فيزا و المفرزض تتصل تشتكي لو مش مكتوب كده. انت مش شغلتك تعرف محتاج ايه بما ان الديستيناشن الاهدخيرة مش لندن. دي شغله الخطوك نفسها تنبه علي اللي بيحجز بوضوح قبل الحجز .

 

[Hanna Abou El Eneen]

الفيزا ترانزيت لو هتنزل في اكتر من دولة قبل الوصول للبلد اللي هتنزل فيها

 

[Passant Ahmed]

انا من اربع سنين نزلت ترنزيت لندن رايح جاي من مصر لامريكا. علي البريتش اير وييز و مطلعناش فيزا و مطلبووش منا فيزا نهائي. و مخرجناش من المطار . ومكنش فيه مشاكل وقتها خالص وكنا حجزين من شركة سياحة من مضر عادي جدا. لو حد عارف اذا كان القرار ده جديد خلال الاربع سنيين اللي فاتوا يا ريت تقولوا. لكن محدش يقول ان الموضوع مده من زمان ولازم لان احنا كنا 3 ومحصلش اي حاجة خالص. عشان اللي ميعرفش ميفتييش من فضلكم.

 

[Eng-Maram Medhat]

انا حصل معايا نفس الكلام بس في مطار الرياض وكنت رايحه برشلونه برضه
وكان عندي ترانزيت الدوحه بس الموظف عداني في الاخر
السؤال بقه فيزا الترانزيت اخدها ازاي ومنين

 

[Mohamed H Zekrallah]

Alaa Ahmed