صباح الخير.. حد يعرف أي حاجة عن سلطنة عمان؟...

  • بادئ الموضوع بادئ الموضوع Nancy Magdy
  • تاريخ البدء تاريخ البدء
عرض العطلة
N

Nancy Magdy

:: مسافر ::
#1
صباح الخير.. حد يعرف أي حاجة عن سلطنة عمان؟ واحدة واحدة كده.. بفيزا ولا من غير، لو بفيزا ايه الطلبات؟ تصريح أمني ولا مش لازم؟ الطيران تقريبا بكام؟
هناك بقى.. ايه الأماكن اللي تتراح؟ وتقريبا الواحد محتاج يقعد اد ايه؟ والأهم التكلفة (بدون الاقامة عشان هقعد عند حد هناك)... وايه الوقت اللطيف اللي نسافر فيه.. يعني أغسطس أو سبتمبر مثلا كويس؟؟؟ شكرااااا
 
#3
انا سالت من كم شهر عشان كنت هروح قالولي لو بشتغل والبوزيشن بتاعي عالي ممكن ادخل من غير حاجه بس لازم حد يعملك زياره من هناك والتاشيره للدخول بتاخديها في المطار ولو حد عرفت معلومات زياده ياريت يعرفنا
 
#4
وابعدي عن شهور الصيف لان الجو هناك بشع حر ورطوبه عاليه جدااا احسن توقيت من سبتمبر لحد مارس وطبعا التذاكر بتغلى جداا وقتها عشان ده موسم سياحه عندهم
 
عرض العطلة
#6
انا في عمان
الجو هنا نار جهنم تعالى في ١١ او ١٢ او ١
بس البلد جمييييله ونظييييفه وكلها نظام وشعبها طيب جدااااا بس تعتبر غاليه شويه عشان الريال عامل ٤٥ جنيه
 
#7
بالنسبه ل بره مسقط ف اماكن حلوة زي
سد وادي ضيقه
قريات
وادي شهاب
وادي بني خالد
هويه نجم
نزوى
الجبل الاخضر
جبل شمس
عين الكسفه والثواره في نخل
اعملي سيرش ف جوجل ع الاماكن دي
 
#9
انا كنت سالت قبل كدّا ع الجروب عن صلالة ومحدش فدني خالص بس حاولت أدور انا وعرفت ان انسب وقت تتراح قيه بشهر ١١.. وصلالة رائعة بس موضوع الفيزا معرفش بصراحة لاني مقيمة بالامارات ومبحتجش فيزا
 
#10
اغسطس لو هتروحى صلاله بس الجو بيكون جميل الشمس مش بتطلع خالص وطول اليوم مطر والجبال بتكون خضراء ولو حظك كويس زى السنه اللى فاتت والمطر كان شديد شويه بيكون فيه شلالات كتير شغاله
مصاريف الاقامه رخيصه والمطاعم متوافره السكن بس بيكون غالى فى الموسم ده الشقه بحدود ٧٥ دولار يوميا ولو فندق ٥ نجوم فى حدود ٢٥٠ دولار يوميا
 
عرض العطلة
#11
أنا قضيت أجازة في صلالة. صلالة مدينة جوها رائع وماكنتش بشغل التكييف في الفندق. ٣-٤ ليالي كفاية جدا في صلالة. أخدت الفيزا في المطار لأن معي إقامة خليجية لذلك مش هقدر أفيدك في الإقامة.
 
#13
عيب تسألي وانا موجودة
بصي عمان عشان تلفيها فعلا محتاجة حبة وقت حلوين عشان تقريبا كل منطقة فيها حاجة لازم تتراح
في الصيف صلالة هي الوجهة الافضل شلالات واشجار وحاجة عظيمة جدا.
عندك سواحل مسقط وجزيرة مصيرة ومسندم فوق في الشمال
لو عايزة اثار فعندك نزوى ومسقط وسمائل والشرقية جنوب والشرقية شمال كلهم حصون وقلاع ومتاحف وفي قرى محتفظة بتخطيطها القديم، يعني مثلا في قرية اسمها الوافي انا كنت عايشة فيها، كانت في قلبها مكان اسمه "الحيرة" ده قرية الوافي القديمة، بمبانيها اللي من الطين والأفلاج "نظام الري" وغيره.
لو حابة تسلق الجبال، فيه عندك جبل شمس "ده اعلى جبل هناك" والجبل الاخضر.
لازم كمان تزوري الوديان زي بني خالد في الشرقية، دول في وقت المطر بيبقى عظيم جدا، والمحميات الطبيعية سواء البحرية زي محميات السلاحف في راس جنز او الصحراوية زي السليل.
ده اللي فاكراه دلوقتي ممكن اراجع شوية مع نفسي وابعتلك تفاصيل اكثر
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة