E
Ezat El-Dkak
:: مسافر ::
انا بحجز عليه كتير .. بختار اي قطر مكيف درجه اولى او تانيه بس يكون مناسب لمواعيدي .. الاولى افضل بكتير .. فاكر كان في تسلسل معين في الارقام بيعرفك الكراسي الفرديه .. مش لازم تطبعي التذكره .. انا باخدها سكرينشوت
لو حد فيكم نسي الباسورد الموقع هيعلمه ازاي ما ينساش الباسورد تاني
لو حد فيكم نسي الباسورد الموقع هيعلمه ازاي ما ينساش الباسورد تاني
M
Mohamed Mahmoud El Desoky
:: مسافر ::
حضرتك بتعملي account على ال site بتاع السكة الحديد و بعد كده تدخلي تحجزي علشان يفتحلك الحجز بتوافقي على الشروط بتاعتهم و بعدين تختاري القطار الفرق بين القطارات و بعضها بيكون في النوع بس المهم في رايي ان القطر يكون مبيقف كتير يعني من القاهره للاسكندريه لو مباشر يكون افضل طبعا لان هيفرق معاكي في الوقت و كمان لو في اي حاجه في الطريق موقفه الدنيا شويه الاولويه في المرور بتكون للقطارات المباشرة و علشان كده ممكن تكون اغلى في السعر و كل قطر فيه درجتين الاولى كراسيها بتكون اوسع و اريح من التانيه شويه بس التانيه مش وحشه في نقطتين لازم تاخدي بالك منهم في الحجز الاولى ان القطر بيتقفل عليه اذا كان الوقت الباقي على معاده اقل من ٢٤ ساعة يعني كل لما تحجزي بدري عن المعاد يكون افضل الحاجه التانيه ان التذكرة بيتكتب فيها اسم صاحب ال account او اسم الشخص اللي هو هيحجزله و لازم يكون زي الاسم اللي في البطاقة لان حضرتك هتاخدي screen shot من الحجز و هتوريها للكمسري اللي ممكن يسألك على البطاقة علشان يطابق الاسم