معلش .. اسمحولى اتكلم على الشركات المحترمه ...
واجهه اى شركه هم العاملين بها يعنى اختيار المندوب أو التورليدر لازم يكون دقيق .. حسن وأدب ومرونه التعامل مع العميل وحسن التصرف فى جميع المواقف مع حرفيه المهنه .
مبدئيا مينفعش احصل اى مبالغ اضافيه بعد الرحله تحت أى مسمى وكان يجب توضيح كل تكاليف البرنامج للعميل قبل بدايه الرحله برضو .
شيئ طبيعى أن تشغيل الاتوبيس يزيد بعد زيادة الجاز وكان المفروض تبليغ العملاء باى زياده قبل الرحله بفتره كافيه ..
المفروض مندوب الشركه لابس يونيفورم الشركه او على الاقل حاطط النيم تاج .
المفروض يحط على الاتوبيس ساين الشركه. وإسم الفندق لو فيه اكتر من فندق ..
المفروض مندوب الشركه يعمل شيك على الاتوبيس نضافه تكييف مفيش كراسى بايظه والحماااام لو موجود .. نضافه ومناديل ومعطر .
المفروض وصول الاتوبيس يكون ف وقت الشيك أن بتاع الفندق يعنى مفيش داعى احرك الاتوبيس بدرى واقعد ف الريسيبشن 4 ساعات مستنى الغرف ودى برضو مسؤوليه المندوب .
مع دفع الرحله فى الشركه يتحجز رقم الكرسى أو مكانه على شارت الاتوبيس منعا لاى خلافات بين العملاء على الأماكن .
اختيار الفندق مسؤوليه الشركه مش العميل مع مراعاه توضيح خدمات الفندق ووصفه ووصف الغرفه والفيو بتاعها بأمااااااانه للعميل لو كانت فرونت أو باك أو غيرها . وكل فندق وليه سعره .
كل ده الف باء سياحه ..
التعامل مع المصرى لازم يكون زى الأجنبى تمام الاتنين بيدفعوا فلوس
والاتنين يستحقوا نفس الخدمه .
