بعد ماعملت زيارة لأمريكا لمدة ٣ اسابيع بقى...

[Ehab Ibrahim]

بعد ماعملت زيارة لأمريكا لمدة ٣ اسابيع بقى يجيلى على الايميل كتير بتقديم على هجرة ... هل ده face ؟
والنصيحة اقدم على هجرة ؟

مع العلم انى روحت امريكا مرتين والمرة الاولى كان معايا تأشيرة 5 سنوات متعددة وماروحتش خلال الخمس سنوات غير مرة واحدة وفى المرة التانية اختها single وروحت 3 اسابيع ورجعت ... هل ده لية تقييم فى موضوع الهجرة أم هى عشوائية باحتة ومالهاش اى تقييم للشخص ؟

 

[Eman Elkomy]

مالهاش بتفيدك بس في الفيزا

 

[Mohammed Salem]

الميل ده نصب ما لهوش لازمة و الهجرة اسمها عشوائيه و مفيش في الاسألة ان كنت سافرت ولا لا

 

[Noura Omar]

لا لا كل ده نصب برنامج الهجره العشوائيه lottery بيفتح في مده معينه خلال السنه و بيبقى ببلاش و من غير اي مصاريف
الحاجات ديه بتطلع عشان Facebook بيبقى حدد ال location بتاعك في امريكا و بيبعتلك الاعلانات ديه

 

[Abdelrahman Sheta]

الفكرة انك دورت على الانترنت على اماكن للاقامة و طرق الانتقال او اي شيء يخص امريكا قبل السفر او اثناؤه و المواقع دي بترمي كوكيز على جهازك و بيعرفوا انك مهتم بالسفر هناك و بيعرفوا ايملك او حسابك على الميديا و يستهدفوك بالحاجات دي و ده في الاخر كله نصب

 

[Ahmed Hosny Younis]

الأولى متعددة و التانية سنجل بس
غريبة شوية
انت كنت جددت بالبريد و جاتلك 3 اسابيع
ولا ظروف اتغيرت و قدمت من جديد و اخدتها سنجل