الي سافر تركيا ،هل الشعب التركي فعلا عنصري...

[Youssef Mahmoud]

الي سافر تركيا ،هل الشعب التركي فعلا عنصري وبيكره العرب بالتحديد ؟وهل حالات النصب هناك كتيرة فعلا؟

 

[Moutaz Mohamed]

مفيش الكلام ده
تركيا اصلا مليانه عرب و بيتعاملوا عادي
النصب موجود في كل مكان
و انت في بلدك بيتنصب عليك
فعادي
المهم تكون مفتح و فاهم

 

[Ahmed Abdelhalim Ibrahim]

فيه بعض الافراد وخاصة الشرطه عندهم كراهية وتناكة للناس كلهاا ..مش بس للعرب وفيه بعض الاتراك اللى لسه عايشين فى وهم الخلافه العثمانيه فاكرين نفسهم اسياد العالم .ودول هتلاقيهم قليلين ...طوول بالك المهم انت فى المطار معاهم والباقى هيعدى

 

[Ayman Ahmed Darrag]

النصب كتير فعلا انا عشت هناك سنه...
هم مبيحبوش السوريين تحديدا عشان سلوكيات كتير منهم و مشاكلهم.
لما بيسمعك بتتكلم عربي بيدايق منك لو عرف انك مصري ممكن يقدرك..
طبعا فيهم ناس كتير كويسه جدا بس غالبا فالمدن البعيده عن اسطنبول

 

[Mena Waheeb]

لا خالص الشعب ودود جدا انما اللغه دايما عائق في التواصل

 

[Gaber Khairy]

مفيش الكلام ده يا عمنا
بس المشكله فى اللغه مبيتكلموش غير لغتهم او المانى ونادر جدا لو حد بيتكلم انجليزى

 

[Ahmed El-Pelasy]

متقولش انك عربى .. قول انك مصرى .. هما بيحبوا مصر جدا .. متقولش Egyptian ميعرفوهاش قول " مصر "

 

[Ahmed Mandour]

اه فعلا

 

[Ashraf Sakr]

الخلاصه النصب في التاكسي وأي حد يقابلك في الشارع يعرض عليكي خدمات مشبوهه. غير كده كل حاجه ممتازة

 

[Youssef Ismael]

لا بالعكس معظمهم متعاطفين جدا خاصة بسبب المشاكل اللى في الشرق الاوسط حاليا

 

[Ahmed Badrul Radzi]

حالات النصب من سوريين ، كل مكان فيه كويس و وحش !!! اصلا الشعب التركي زي الأجانب ماشيين ف حالهم و لا بيبوصو عليك اصلا غير العرب مناخيرهم ف مل حاجه !!!! حتي مَش بيحتكو بالسوريين ال بيشتغلو هناك رغم انهم إحتلو وظائفهم

 

[Ahmed Ramadan El-Beh]

لا عادي جدا مقابلتش اي مضايقات .. اللهم إلا فعلا غلاسة شوية من ظباط المطار بس عادي مش بقلة أدب
و مجربتش بتوع التاكسي علشان المواصلات كانت ممتازة و محتاجتش أركب تاكسي و طبعا ملكش دعوة بحد خصوصا البياعين سريحة

 

[عبدالله بن خالد]

النصب من بتوع التكاسي ومتكلمش اي حد بالذات في تقسيم

 

[Bassem Elsaba]

انا شايف ان مشكلتهم انهم مش بيتكلموا غير لغتهم و لما بيحس انك مش بتتكلم تركي ماعندوش استعداد يسمعك و ممكن تكون بتسئل حد عن حاجة في الشارع بيمشي و يسيبك اكنوا مش سامعك و كمان الشحاتين السورين كتير في اسطانبول و دة خلي انطباع سئ عن العرب

 

[Assem Elhariry]

اللي بينصبوا هما العرب والاكراد وبالذات السوريين والعراقيين في الديسكوهات والبارات وسواقين التاكسي غير كده الشعب ولا في دماغه المصريين من اصله كله عندهم عرب وخلاص

 

[Ibrahim Hassan]

الشعب التركي كشعب كويس و محترم خارج الأماكن السياحية لكن في حالة احتكاك باي تركي داخل مكان سياحي سواء شرطي او موظف اي كان . مش بيخدموا حد بصراحة و ماعندهمش صبر لحد . و بردو ماينفعش تعمم . أما النصب فعندهم كتير جدا و بلطجة التاكسي لو الزبون واحدة ست كتير جدا . انا اول يوم نزلت فيه الفندق فيه واحد فلسطيني بيحكيلي انه مر بأسوأ ليلة ليه اتنصب عليه في التاكسي و لما وصل الفندق واحد عشمه بسهرة حمراء و نصب عليه برده فهما بردو واخدين فكرة عن العرب انهم يعني مش بتوع سياحة نضيفة

 

[Fady Bernaba]

الشرطه وجزء كبير من الشعب منتهي الاستفزاز والغطرسه وخصوصا فالمطارات بتتعامل اكنك لاجئ

 

[المصرى المصرى عبد الكريم]

لأ محستش فيهم عنصريه خالص رحت اكتر من خمس مرات بس كنصب اه فى كتير اوى زى اى بلد فيها الحلو والوحش

 

[Ahmed Fathy]

النصابين بتوع التاكسيات و بعض الباعة الجائئلين

 

[Yomna Yassin]

عيبهم البشع انهم مش بيتكلموا غير التركي لو تايهه هتفضل تلف حوالين نفسك لحد ما تلاقي حد يفهمك او انت تفهمه
بس هما كويسين محصلش حاجة وحشة
النصب و السرقة ماحصلش معايا بصراحة لاني كنت واخدة بالي و مش باخد معايا و انا نازلة غير شنطة كروس صغيرة فعارفة اركز معاها بس السوريين بقي هناك عبارة عن قرف و قلة ادب
يعني في مرة خرجت من الصرافة واحد سوري فضل يعاكس و يتكلم و يمشي ورايا كتير و طبعاً مش لجمالي بس علشان شايف اني معايا فلوس دلوقتي و باين اني مصرية او من العرب عامة
الشحاتة السورية رهيبة بقي تلزيق يعني يمشي الشارع كله و يفضل جمبك فلازم نركز مع الشنطة جداااا
بس هي عامة جميلة جداً
و ان شاء الله اروح تاني