هو. ايه. اللي. بيحصل. في. فندق. كاريبيان....

  • بادئ الموضوع بادئ الموضوع Sally Ismail
  • تاريخ البدء تاريخ البدء
عرض العطلة
#42
اولا مجال السياحه ده شغلي
و لازم تبقوا فاهمين اننا مبننكرش ابدا دور المصريين معانا الفتره اللى فاتت من ساعت مكنش فى ولا اجنبي المصريين هما اللى كانوا مشغلنا ولكن وزاره السياحه حبت تنشط السياحه فا عملتلنا مبادره وزاره السياحه اللي خلت فندق 5 نجوم ب 500 جنيه لحد ما كل الفنادق تعبت و بقت محتاجه تعمل صيانه من الالف للياء احنا كا شعب مبنعرفش نستخدم حاجه مش ملكنا بطريقه كويسه طالما الفندق مش ملكك فا اعمل ما بدالك ما انت دافع اكتر من الاجنبي بقي لكن الاجانب بيقدروا المكان و بيتعاملوا مع كل حاجه بحرص انت نفسك لو اتعرض عليك تاجر بيتك لمصري ولا لاجنبي هتختار الاجنبي لانه هيحافظ ع المكان و ده غير العمله كمان اللى هتدخلك
حاجه اخيره فى فنادق كتير كانت بتختار الجنسيات و بترفض التعامل مع بعض الجنسيات ذي الروس مثلا
 
عرض العطلة
#46
انتم عايشين الدور اوي وعمالين تقولوا مصريين وووو الموضوع باختصار ان فيه فرق بين دول عالم ثالث ودول متحضره بس كده
 
#47
كمية انبطاح غريبة في التعليقات. ما شاء الله . الملايكة الاجانب و المصريين الشياطين. لولا انكوا بتكتبوا مصري كنت افتكرت معظمكم اجانب بيدافعوا عن الهبل دا .. الاجانب زيهم زينا فيهم نصابين و حرامية و ناس مش نضيفة و و و و . بس احنا هنفضل كدة عندنا عقدة الخواجة . ربنا يكرم كل اخوانا كدة اللي مش عاجبههم ولاد بلدهم بأنهم يشتغلوا و يعيشوا في وسط الاجانب الحلوين عشان نشوف رأيهم ايه
 
#48
اللي يوافق يتعامل باستحقار يبقى حقير واللي بيميز أحقر منه
وانا لو مكان ااناس اللي هناك اعمل فيهم محضر تمييز.. فيه قانون صدر بعد الثورة في عهد المشير طنطاوي بيجرم التمييز
اما بالنسبة للاوباش اللي بتبوظ السياحه فممكن تتعامل معهم طبقا للقانون واللوائح الداخليه في حالة التجاوز مش تسبق بسوء النيه وتسلبه حقه على اعتبار انه مممن يطلع مش راقي
واخيرا اللي يرضى بالذل ذليل.. واللي موافق ان المصري يتعامل باهانه مع مصري مُهان
 
#49
الكل لي شغال في قطاع السياحه عمال يقول ووو يااااع والكلام ده علي المصريين وهم افشل ناس في السياحه والاداره مش عارفين يكون في اداره لازمه وتسويق للسياحه وياتو بالسياح من دول العالم مادام كده يلقا المصريين هما الموجودين للقيام بذلك
 
عرض العطلة
#51
وانتي ايه الي يجبرك تستحملي ده وبعدين يعني ايه ماتستعمليش الاكوا ولا تتجولي في الفندق سيبي الفندق ورحي فندق تاني
 
#52
الناس اللى موافقه على الفصل ده والعنصريه بالمنظر ده انت معاك جنسيه تانيه مثلا انت ممكن تكون حاجز وتتحط فى الموقف ده مهما كان المستوى بتاعك وهتعامل كانك همجى برضه
ده منتجع او فندق بيقدم خدمه مقابل سعر مش عجابك فئه معينه ارفع السعر اكتر واستهدف اللى انت عايزه لكن شغل البلطجه ده عمره مكان صح ده ببساطه نصب انت اللى قبلت تنزل تمن الليله عشان الاشغال متلوميش الا نفسك .
وبرضه لو الناس شايفه اللى بيحصل صح وموافقه هيتكرر وهيحصل معاك وقولى احساسك ايه وانت دافع اكتر من الاجنبى وبيحصل فيك كده
 
#54
على فكرة الهمج مش جنسيه الهمج فى كل الجنسيات اما كنت بطلع الغردقه او شرم كنت بشوف تصرفات وحشه من الروس نفسهم والاكل بيسرقوه من اللوبين بوفيه وتصرفات الله المستعان
 
#55
أعتقد الغالبية شايفين الفنادق معذورة بعد أزمة السياحة وتخفيض الأسعار وأصبحت شرم الشيخ والغردة متاحة لغالبية الفئات ولاننا دولة عالم ثالث فجزء من الطبقة المتوسط ونازل للأسف سلوكياتهم منفرة سواء في الأوبن بوفيه أو في أستخدام الشاطيء أو البسين أو حتي النايت كلوب وللأسف سلوكياتهم دي عائق لعودة السائح الأجنبي الي أكيد حايتقرف من مشاهدتها وللأسف قبل مانفكر في أستعادة السياحة الخارجية لازم نوقف السايحة الداخلية عن طريق رفع أسعار الفنادق كوسيلة للأنتقاء طبعا ده شيء عنصري لكن هو ده الواقع مرسي مطروح مثلا من اجمل شواطيء العالم كانت ممكن لو تم تخطيطها كمدينة سياحية عالمية كانت تبقي أفضل الوجهات الي تدخل لمصر قدر كويس من العملة الصعبة لكن لما أتخططت للسياحة الداخلية والناس تنزل البحر بهدومها ويلبسوا كاوتش العجر بدل العوامات ويدخلوا البحر بحلل المحشي أنهارت والمصرين من الطبقات الاعلي حروموا من الأستمتاع بيها إلا مؤخرا بعد تم انشاء فندق كارلوز وبورتو الي أسعارهم غالية جدا وطبعا أنا لو مكانك ألغي الحجز لان مهين أن أشعر بمعاملتي كنزيل درجة ثانية أو غير مرغوب به داخل بلدي حتي وان كان ده راجع لسلوكيات الاغلبية احجزي في فندق تاني وقبل ماتحجزي تسألي برضه علي مستوي الجست في الفندق ده وان الفندق مابيستقبلش رحلات أفواج
 
عرض العطلة
#56
الافاضل الي بيتكلموا عن المصريين كل شعوب العالم فيهم و فيهم
و علي فكره كمان لو مصري و معاك جنسيه اوربيه او امريكيا ممكن تعمل الي انت عايزه ممنوع بجوازك المصري لكن مسموح بجوازك الغربي
اتفرجو علي السياحه الاقتصاديه من جميع دول العالم واتفرجو علي السياح الروس و علي السياح من دول اوربا الشرقيه السابقه وشوفو افعالهم ووقتهم طول الليل و النهار في البارات والمطاعم كانهم اخر زاد و شرب ليهم soft all inclusive
ومع احترامي للناس الي بتقول علي المصريين انهم سيين متنسوش انكم مصريين و يمكن جتلكم الفرصه
و الخبره للتعامل و التعايش وغيركم لا
 
#57
انا كنت لسه في فندق هناك اتنين مصرين اتخانقوا مع بعض ومسكوا الكراسي لبعض والاجانب جريت استخبت والاطفال كمان وباقي الناس بقت تتخانق عشان الامن وحاجه تكسف بصراحه
 
#58
فندق عنصرى بتشتكى منه عميله اكثر عنصريه
هو بيميز بين المصريين والاحانب
وهى بتميز بين المصريين نفسهم بالوظايف ومستوى الدخل
#عنصريه
 
عرض العطلة
عرض العطلة
عرض العطلة
أعلى أسفل
عودة
قائمة