إحكوا لنا على موقف يشبه المعجزة حصكم أثناء...

  • بادئ الموضوع بادئ الموضوع Seba Mahmoud Nagy
  • تاريخ البدء تاريخ البدء
عرض العطلة
S

Seba Mahmoud Nagy

:: مسافر ::
#1
إحكوا لنا على موقف يشبه المعجزة حصكم أثناء السفر..
بالنسبة لى كنا مجموعة مصريين رايحيين تبع الشغل ..حصلى موقف إعجازى فعلا كنت فى الهند و عندى وزن زيادة دفعت الزيادة و بسبب الحجاب و إنى شكلى مسلمة الموظف قفش على و مارضيش يطلعنى الطائرة و قال لى معاكى شنطة يد اللى فيها محفظتى... إلخ و trolly bag و شنطة لاب توب و معاكى شنطة كرتون صغيرة كان فيها كتب علشان أقرأها فى الطريق قالى ترمى حاجتين منهم حاجتين فقط أقصى شيئ تطلعى بيه على الطائرة فا كنت مستائة و بدأت يبان على وجههى علامات الغضب و قلتله يعنى ارمى اللاب توب؟؟!!!! و من الشنطة الكرتون بدأت أطلع الكتب و الحاجات و أشوف هأرمى إيه الموظف شاف معى كتاب الدين الهندوسى (Ramayana) و أكنه تحول لشخص ثانى راح قايل لى عدى إنتى و أى شخص معك كنا 3 محجبات و ولد و باقى المجموعة طلعوهم ..كانوا بدأوا سخافة على و عليهم بس أنا كنت فى أول الطابور و كان نداء الطائرة بدأ و كانت هاتفوتنا و طلعونى بكل شيئ معى أنا و زملائى و كمان عرضوا يأخذوا ال trolly bag يوصلوها مصر على طول بدون ترانزيت علشان ما تضايقنيش فى السفر بس ده كان عرض لى أنا فقط دون عن زملائى و رحلة و موقف لن أنساه أبدا...
 
#4
عمال المترو عملوا اضراب في برشلونه وانا المفروض رايحه المطار...
خرجت اجري من المترو عشان اجيب تاكسي ماعرفتش..
واحد صاحب مطعم طلبلي صاحبه سواق تاكسي ماجاش... كل ده وفاضل اقل من ساعه علي الطياره.... في الاخر صاخب المطعم قفل ووصلني بعربيته في 7دقايق ومارضيش ياخد مني ولا يورو....
بالمناسبه صاحب المطعم كان شاب هندي
 
#5
وانا راجعة من ماليزيا نزلت ترانزيت قطر الترانزيت كان ساعة او اقل فكنا بنجري من طيارة للتانية ومطار الدوحة كبير والبوابة التانية اللي هتطلع منها الطيارة لمصر بعيدة بعد ما قطعنا نص الطريق اكتشفت ان موبايلي وقع مني في الطيارة الاولي وكان لسه جديد وعليه كل صور الهاني موون فكنت طبعا متنكده جدا...رحنا لمكتب طيران القطرية فقالولنا طيب روحول عالبوابة واعملوا بوردينج ومتطلعوش الطيارة لحد اما نشوف الموضوع ده وفعلا فضلوا يتابعوا معايا لحد اما جابولي الموبايل قبل الطيارة ما تطلغ بدقيقة وخلاص كنا اخر ناس في الصالة
 
عرض العطلة
#7
علي موضوع الوزن الزائد. في طريقة أصدقاء كتير لي بيعملوها و ساعات بتضبط و ساعات لا. إذا الواحد معاه وزن زايد مش مفضل إطلاقا يعمل تسليم الشنط في أول وقت مسموح خالص. المفروض يكون علي آخر دقيقة و يسلم الشنط. الطريقة بتنجح اذا الطيارة كانت نسبيا فاضية و الموظف كان كويس أحيانا كتير جدا بيعدي الوزن الزايد بدون دفع.
 
#8
نسيت جواز السفر ف الطياره ..بس الحمد لله لحقت نفسي ورجعت اجرررى ..والمره التانيه قلت لجوزى انى هوصل المطار الساعه 7 مساء ومتاكدده والمفروض انى هوصل 7 صباحا لا ورايحه بلجيكا لاول مره .. واكتشفت وانا بركب الطياره التانيه مدتها 7 ساعات بس عملت مناحه ف الطياره والمضيف خلانى اشبك نت من موبايله والحمد لله
 
#9
كنت متأخر علي طياره في إيطاليا والمفروض تكون طلعت وصلت الcheck in desk علشان اغير الرحله او اشوف حل لقيت الطياره مأخره ووجبه ودرينك وسافرت علي طيارتي الحمد لله
 
#10
وانا فى الصين والدى بعتلى فلوس ، فى الصين منغير الفيزا تتحبس لو تعاملت مع اى هيئة حكومية ، المهم انا بنباهتى كل يوم معايا الباسبور ماعدا اليوم اللى رحت استلم فيه الفلوس!!! طبعا ذكاء خارق منى المهم الست بتقولى باسبورك قلتلها معييش ، المهم بكل ادب واحترام قالتلى مش هتمشي الا لما حد يجيبهولك!! كل زمايلي معهمش نت ع الموبايل لا خط فمش عارف اكلم حد ، فجأة افتكرت جوجل فوتوز الله يبارك في عمرهم كنت مصور عليه الفيزا فتحت الصورة ووريتهالهم لولا انهم سابوني امشي وبرضة مسلمونيش فلوس الا لما اجيب الباسبور تانى يوم كنت هتسوح
 
عرض العطلة
#11
كنت فى لندن وراجعة على الضاحية إللى كنا ساكنين فيها وملخومه بنتى عمرها 8 شهور معايا عربيه أطفال وشنطة السفر مستلفاها من صاحبتي وهرجعهلها وشنطة ايدى..ركبت القطار ونزلت مدينه بعد مدينتى وكانت آخر الخط...ومفيش مخلوق غير سواق القطار و معايا جوزى على الموبايل اقوله اسم المدينه يقولى دى بعد مدينتنا...المهم ظهر سواق القطار وركبنى قطار تانى عشان ارجع محطة واحده بس للمدينه بتاعتى.
وصلت المدينه عشان اروح البيت بركب باص ينزلنى قريب من البيت
اخدت بنتى وشنطة السفر ونسيت شنطة ايدى فيها الباسبور وكل فلوسى على الكرسى ونزلت والباص مشى.
بس الحمد لله البلد فيها امانه بلغت الباص إللى بعده باللى حصل وهوه قابل الباص التاني فى الطريق ولقو الشنطة راكب لاقاها واداها للسواق....فلوسى حلال
 
#13
كنت رايح اشوف عربية اشتريها من قرية في المانيا، المهم صاحب العربية جه خدني من محطة القطار و روحنا نتفرج عليها. معجبتنيش اوي فقررت اني امشي. الراجل تقريباً اتخنق لاني قعدت اهري في ورق العربية كتير. الراجل سابني و مشي و انا في وسط اللاوعي!! ماعرفش مشينا ازاي من محطة القطار، و الموبايل كان %6 و فعلاً فصل شحن. قولت اسأل، و طبعاً عشان دول المان و دي قرية ماحدش بيتكلم انحليزي نهاااائي! الحمد لله ربنا كرمني و وثقت في ال Biological GPS و اتكلت على الله، لاقيتني وصلت لغابة! غابة فعلاً باشجار عالية و ارض طينة والدنيا مطرت بس الحمد لله بعد الغابة شوفت السكة الحديد و مشيت حبة حلوين لحد ما وصلت
 
#14
كنت في قبرص، وكان عندي ساعتها 16 سنة..انا محجبة..ف دخلت محل بتاع souvenirs اتفرج ..لقيت ست جيالي مش طيقاني وبتقولي "انت من السعودية"..قلت لها "لا..انا اسكندرانية مصرية"..ساعتها تحولت وبقت سعيدة وعايزة توريني كل حاجه في المحل..
 
#15
كنت مسافر من القاهره ل لندن على الايطاليه و ترانزيت ف روما و الترانزيت ساعه وتلت بس و الطياره اتاخرت ف مصر عن ميعادها ساعه كامله و قلت خلاص الترانزيت ف روما راح عليا و فعلا الطياره طلعت من مصر طلعت و انا ف بالى ان مش عارف حلحق ازاى طيارتى ف روما ف اتكلمت مع المضيفه و هى بدورها قالت ل الكابتن و الكابتن بلغ المطار ان معاه مسافر عنده ترانزيت و ان التاخير دا بسببهم و فضلو مستنينى نص ساعه كامله لحد ما وصلت روما و ركبت طيارتى
 
عرض العطلة
#17
كنت راكب فالكرسي الي جنب الشباك بتاع الطيارة وجنبي واحدة حامل وجوزها قاعد من برة وعمال بيأكل فيها وهي تقولوا مش قادرة لغاية اما رجعت عليا وغرقتني رحت انفجرت في جوزها قولتله عمالة تقولك مش قادره ارتحت أما حميتني لقيتلك كل الطيارة بالإضافة للست وجوزها ماتوا من الضحك فاعتذرتله
 
#18
كنت مسافر لمدة شهر بقالي الان ٨ شهور ومخطط اكمل سنة.

كنت مسافر اغسطس ٢٠١٦ اندونيسيا سياحة اسبوعين ثلاثة كدا . اخر ايام قررت اني احجز رجوع من ماليزيا واشوف بلد جديدة لمدة يومين ثلاثة. يشاء ربنا ان الرحلة تتلغي علشان نشاط البركان في بالي وشركة الطيران حجزت فندق للاجانب وتشاء الاقدار يكون رفيقي بالغرفة رحالة تركي بقاله سنة مسافر. وهات يا رغي حوالي ٧ ساعات. شقلب لي حياتي بشكل خزعبلي جميل . طب انا روحت فين وباي مكان دلوقتي وبخطط ل فين؟ تعقبوني على انستا #Alghareeb_ATW
 
#19
كنت تايهه توهه السنين في مدريد ونسيت الخريطة وخلاص هعيط ومحدش عارف يتكلم انجليزي كويس والجو نااااار رحت السوبر ماركت اجيب مايه طلعت صاحبته مدام مصرية زي العسل وصفتلي المكان وطلع قريب جداااا
 
#20
ف مطار حيدر اباد بردوا بس ست و قالتلي ليكي شنطتين الشنطة الواحدة اقصى حاجة 25 كيلو و انا كان معايا شنطة و احدة 35 تقريبا
ربنا رزقني بواحد طيب عامل ف المطار قالي شوفي اي شنطة معاكي براحة و فضي فيها و فعلا كانت معايا شنطة مطبقاها بس مش بتاعة طيران خالص و قعد ساعدني و ظبطلي الوزن و ان الحاجة ما تتكسرش و عديت و لا كأن حد موصيه عليا سبحان الله
 
عرض العطلة
عرض العطلة
عرض العطلة
أعلى أسفل
عودة
قائمة