تانى مره ياريت ال يعرف يفدنى عايزه اعرف كل...

[Samah Abd Elhady Nassar]

تانى مره ياريت ال يعرف يفدنى
عايزه اعرف كل التفاصيل عن لبنان
ايه الاوراق المطلوبه والتكلفه الكامله لفردين 4ايام مثلا وكل ال محتاجينه
السفر ف اول 11 ان شاء الله

 

[Moutaz Mohamed]

صعب ان حد يتوقع حضرتك هتدفع كام في اكلك و فسحتك
عموما البوست ده هيفيدك
/Tarek Magdy Abo EL-Fotouh

 

[Mina Makram]

Nader Michel جاوب يا نجم

 

[Nader Michel]

بص هو ذاى ما معتز قالك صعب حد يحددلك السعر بالظبط بس ممكن اقولك ممكن تعمل ايه وانت تحدد مصاريفك ذى متحب
اول حاجة الطيران تاخد طيران الشرق الأوسط وده الطيران اللبنانى بيبقى أرخص ونضيف جداااا وبتحجز قبلها بشهر او فالحدود دى وتتابع الأسعار هلى sky scanner

الفندق بيختلف من منطقة للتانية انا كنت بقعد فى منطقة أسمها الحمرا وجربت فنادق كتير أحسن واحد أسمه commodore hotel beirut
وممكن تختار الفندق اللى يعجبك من booking.com
بس وانت بختار الفندق أقرأ أراء الناس اللى مكتوبة ومتخدش بالصور
بعد كده الأماكن اللى عايز تروحها وأهمها جعيتا- الحمرا- حريصة - صور و صيدا - التلفريك - جونية - الداون تاون
وممكن تشوفها من هنا /Top 10 Points of Interest In Beirut
بعد كده المواصلات ودى اكتر حاجة غالية لان كلها تاكسى وبيبقى على حسب المسافة
بس فيه حاجة اسمها سيرفيس ده بيبقى ذى اخر الشارع بيبقى ب 2 دولار
الأكل الفطار للفرد بيبقى فى حدود 3 دولار وللغداء من 8 دولار فيما ازيد وده عند بربر وده مكان مميز جدا طبعاً الاسعار هتختلف على حسب كل شخص ولو اختلف المكان
رحلة سعيدة

 

[Aya Hossam]

بصراحة انا رحتها مرتين شهر 8 مااتبسطش خالص الجو حر والتاكسي غالي جدا والاكل كمان غالي هي من البلاد الغالية حتي اهلها كانو بيشتكو من الغلاء يعني التاكسي كان بياخد 100 دولار في اليوم عشان يوديني المزارات اللي هناك