M
Mohamed Ahmed Hassan
:: مسافر ::
مرسي علم واحدة من أحلي الأماكن في مصر من حيث الشواطئ و أماكن الغطس و السنوركلينج بما فيها من شعب مرجانية رهيبة و أنواع أسماك اللي مش موجودة إلا فيها زي الدلافين و سلاحف البحر و الدوجنج و حاجات تانية كتير و أعتقد سبب إن الناس مش بتروحها هو بعد المسافة اللي هي ٧٥٠ كيلو تقريبا
المسافة بالعربية تقريبا هي ٨ أو ٩ ساعات حسب أنت هتريح قد أيه في النص و لو حتاخدها بأتوبيس رحلات فمش هتكون أقل من ١١ أو ١٢ ساعة و ممكن تاخدها بالطيارة لمطار مرسي علم في ساعة تقريبا و تكلفتها في حدود ٢٥٠٠ للفرد
فية شركات سياحة كتير بتعمل رحلات لمرسي علم و تكلفتها ما بين ١٢٠٠ إلي ٢٥٠٠
حاجات كتير ممكن تتعمل في مرسي علم زي :
١. السنوركلينج أو الغطس في شاطئ أبو دباب و مشاهدة سلاحف البحر و شواطئ تانية زي جبل الرصاص و مرسي مبارك و مرسي شوني و النيزك.
٢.زيارة محمية وادي الجمال اللي فيها شاطئ حنكوراب - شرم اللولي اللي متصنف السنة دي رقم ٣ في أفضل ١٠ شواطئ في الشرق الأوسط و بصراحة مهما اقول في جمال و حلاوة و ألوان البحر دة و الشعب المرجانية التحفة اللي فية مش هاديلة حقة و فعلا من أحلي الأماكن اللي زرتها في حياتي و الشاطئ علية شماسي للتأجير و فية حمام نضيف و بعد انما تخلص تطلع علي منطقة القلعان اللي علي بعد نص ساعة تقريبا تشوف الغروب و تتصور عند شجرة المنجروف.
٣.رحلة بيت الدلافين منطقة سطايح و دي من أحلي الرحلات اللي ماينفعش تفوتها و و بتطلع من ميناء أسمة حماطة هي بتكون رحلة من الساعة صباحا ٨ تقريبا إلي ٥ مساءا و بتكون شاملة الغدا و المشروبات طول الرحلة و بتكون ٢ و نص عشان تروح منطقة سطايح و تقعد هناك ٣ ساعات تقريبا و ترجع تاني و هناك بتشوف الدلافين و تستمتع بالسنوركلينج في ألوان المياة اللي زي المالديف بالظبط و تقضي يوم عمرك ما هتنساة و انا عملت الرحلة دية ب٥٠٠ جنية.
٤. سفاري وادي الجمال اللي بيكون يوم كامل.
٥. بورت غالب و دي مكان علي البحر و شبة بورتو مارينا كدة و فية مطاعم و كافيهات و ممكن تقضي فية وقت ظريف بليل.
دة ملخص رحلتي لمرسي علم و انا كتبت فيها كل الحاجات اللي ممكن تتعمل مع إني ملحقتش اعمل كل الحاجات دية بس عشان اللي رايح يشوف ممكن يعمل أيه في المدينة
مصر فيها كنوز بس أحنا مش واخدين بالنا منها و بنحب نبص برة
#مرسي_علم #سافروا #السفر #أعرف_بلدك
المسافة بالعربية تقريبا هي ٨ أو ٩ ساعات حسب أنت هتريح قد أيه في النص و لو حتاخدها بأتوبيس رحلات فمش هتكون أقل من ١١ أو ١٢ ساعة و ممكن تاخدها بالطيارة لمطار مرسي علم في ساعة تقريبا و تكلفتها في حدود ٢٥٠٠ للفرد
فية شركات سياحة كتير بتعمل رحلات لمرسي علم و تكلفتها ما بين ١٢٠٠ إلي ٢٥٠٠
حاجات كتير ممكن تتعمل في مرسي علم زي :
١. السنوركلينج أو الغطس في شاطئ أبو دباب و مشاهدة سلاحف البحر و شواطئ تانية زي جبل الرصاص و مرسي مبارك و مرسي شوني و النيزك.
٢.زيارة محمية وادي الجمال اللي فيها شاطئ حنكوراب - شرم اللولي اللي متصنف السنة دي رقم ٣ في أفضل ١٠ شواطئ في الشرق الأوسط و بصراحة مهما اقول في جمال و حلاوة و ألوان البحر دة و الشعب المرجانية التحفة اللي فية مش هاديلة حقة و فعلا من أحلي الأماكن اللي زرتها في حياتي و الشاطئ علية شماسي للتأجير و فية حمام نضيف و بعد انما تخلص تطلع علي منطقة القلعان اللي علي بعد نص ساعة تقريبا تشوف الغروب و تتصور عند شجرة المنجروف.
٣.رحلة بيت الدلافين منطقة سطايح و دي من أحلي الرحلات اللي ماينفعش تفوتها و و بتطلع من ميناء أسمة حماطة هي بتكون رحلة من الساعة صباحا ٨ تقريبا إلي ٥ مساءا و بتكون شاملة الغدا و المشروبات طول الرحلة و بتكون ٢ و نص عشان تروح منطقة سطايح و تقعد هناك ٣ ساعات تقريبا و ترجع تاني و هناك بتشوف الدلافين و تستمتع بالسنوركلينج في ألوان المياة اللي زي المالديف بالظبط و تقضي يوم عمرك ما هتنساة و انا عملت الرحلة دية ب٥٠٠ جنية.
٤. سفاري وادي الجمال اللي بيكون يوم كامل.
٥. بورت غالب و دي مكان علي البحر و شبة بورتو مارينا كدة و فية مطاعم و كافيهات و ممكن تقضي فية وقت ظريف بليل.
دة ملخص رحلتي لمرسي علم و انا كتبت فيها كل الحاجات اللي ممكن تتعمل مع إني ملحقتش اعمل كل الحاجات دية بس عشان اللي رايح يشوف ممكن يعمل أيه في المدينة
مصر فيها كنوز بس أحنا مش واخدين بالنا منها و بنحب نبص برة
#مرسي_علم #سافروا #السفر #أعرف_بلدك