معلش هكتب حاجة مختصرة كدة ..
جزر:-
-النباتات .. فى وسط نيل اسوان وعبارة عن حديقة استوائية .. تذكرة ب 5 ج ومركب فى حدود 70
جزيرة أسوان.. فى وسط نيل اسوان.. 3 اقسام .. منتجع موفينبيك.. قرى جزيرة اسوان النوبية.. جزء اثرى فيه اثار مصرية قديمة اسمة اليفانتين. ممكن تتراح بمركب مخصوص او بمعدية اﻻهالى ب 1 واحد فقط. واليفانتين تذكرتها ب 10 ج ليها اتنين مرسى معدية اهالى واحد عند kfs والتانى عند حديقة فريال.
جزر الشلال اﻻول سالوجا وغزال ودى محميات طبيعية بتحتاج تصريح من وزارة البيئة من هنا فى اسوان.
جزيرة سهيل''المقابلة لمنطقة غرب سهيل الشهيرة''.. عبارة عن مساكن وقرى للنوبيين ..ودى بتتراح بردو بمركب مخصوص او تاكسى لحد مرسى نجع المحطة ومن هناك مركب اﻻهالى صغيرة بمجداف كدة ﻻن المسافه صغيرة خالص من الشاطىء الشرقى من النيل للجزيرة و ب 1 جنية فقط.
هيصا بقى وحلاوة هيصا
جزيرة مابين خزان اسوان والسد العالى. كلها نوبيين وفنادق صغننه كدة نوبية وبيعملو هناك كامبينح خرافة. بتتراح بمركب مخصوص فى حدود 100 ج او اكتر.
----- متاحف
-المتحف النوبى. ودة جنب فندق جراند اوتيل يووووووة اقصد اولد كتاركت :-D ♥ . متحف جميل فيه اثار مصرية قديمة من منطقة النوبة وكمان بيعرض طبيعة الحياة النوبية زمان.. تذكرة ب 10 والتصوير ب 50 .
-متحف النيل .. متحف لذيذ كدة وخفيف مكانه قصاد خزان اسوان والتذكرة ب 8 ج.
-متحف النوبة القديم وده موجود فى جزيرة اسوان فى جزء اليفانتين.
-اثار
معبد جزيرة فيله .. انس الوجود.. ايزيس.. اجمل معبد فى مصر♥ ممكن اروحو بتاكسى لحد مرسى المراكب وبعد كدة بأجر مركب لمدة ساعة ونص ب 60 لعدد 8 افراد وما اقل + اكرامية بسيطة اى فرد اكتر من 8 بيدفع 10 للمركب ..بيودينى لحد الجزيرة وينتظرنى ويرحعنى تانى .. التذكرة ب 10 جنية والشباك قبل مرسى المراكب.
المسلة الناقصة . تاكسى من اى مكان. لو مش معاك مرشد يبقى ﻻزم تتفرج على الفيلم التسجيلى هناك واﻻ مش هتفهم اى حاجة و مش هتشوف غير حته حجر مش عليها اى نقوش حتى! والجو حر اصلا :-D .
معبد كلابشة ودة قليل جدا اللى بيروحوة للاسف ودة مكانة قصاد السد العالى وبنروحة بتاكسى وبعد كدة مركب فى حدود 100 ج بيودينى ويجيبنى.
مقابر امراء ونبلاء اسوان. التل الغربى من النيل. مركب مخصوص او مركب اﻻهالى ب 1 واحد بس . ﻻزم تكون ﻻبس حذاء مريح ودة عموما فى كل اﻻماكن.. 165 سلمة بنطلعها او تاجر جمل . تذكرة ب 10 ج . واحلى احلى احلى فيو ﻻسوان هتشوفوه من فوق ♥ .
السد العالى . تذكرة ب 10 . نروحة بتاكسى فى حدود 100 ج
غرب سهيل طيب بنروحها بمركب فى النيل رحلة روعة بتستغرق حوالى 45 دقيقة وانت وشطارتك مع المراكبى فى اﻻجرة.
المطاعم كتير اشهرهم
بورتو سونو عند موقف اﻻقاليم على الكورنيش الجديد وتحته كافيه حلو بردو اسمة ديفيرسو.
الدوكة.. دة على جزيرة وسط النيل ليه مرسى مركب بتاعته عند سنترال اسوان العمومى جنب نادى القضاة.
مكة فى وسط السوق.
المصرى فى السوق شارع المطار.
وغيرهم كتير بردو..
بيتزات.. قصر الهدى وواحد تانى اسمة كدة''اسمه ايه''هما سموة كدة غتاته :-D بس حلو اوى. واﻻتنين ورا مبنى محافظة اسوان.
********
زجاجة المياة متفارقش ايدك.
صن بلوك درجة حماية 100 فلويد لو بشرتك دهنية او كريم لو جافة ويتدهن كل ساعتين.
حذاء مريح.
طاقية للحماية من الشمس.
ملابس فضفاضة وفاتحة.
من 1 ظهرا لحد 5 المغرب صعب جدا الوقوف تحت الشمس ﻻن مفيش صن بلوك 500 :-D .ارمى كل حاجة ورا ظهرك وانسى العالم كله هنا.
اى استفسار تانى وانتى هنا كلمينى.
رحلة سعيدة عليكم ..
