السلام عليكم ، عندى سؤال تافه بس مهم...

[Hager Ibrahim]

السلام عليكم ، عندى سؤال تافه بس مهم بالنسبالى
حد سافر قريب لبروكسل او امستردام او اى بلد اوروبى وكان معاه طيور نية او مطبوخة وواجهته مشكلة هناك مش هنا اتاخدت منه او كدة ؟

 

[Adel Ammar]

انا عايش جنب بروكسل واه متجيبيش طيور معاكى عشان ممنوع
ساعات بتعدى بش بلاش تحازفى ملوش لزوم الاكل موجود فى كل حته

 

[باسم علي]

صراحه بوست بيبين ملامحنا كمصريين يافندم حضرتك مسافره وواخده بط ووز وحمام يافندم الكلام ده كان زمان وانتهااا بتفكريني ايام ما كنا بنسافر الخليج وبناخد بط محشي وجبنه رومي وغيرها وكان الحاجات ده مش موجوده هناك صراحه لما كبرت وافتكرت الايام ده استحقرت نفسي

 

[Yara Adel]

لا مؤاخذة في السؤال والإجابة
أيوة انا نقلت حمام محشي مستوي
وسمك بلطي و جبنة رومي بس

 

[Alaa Sobhi]

ممنوع لحمه او طيور

 

[Mody Gamal]

حتي لو ينفع ،،الاخوه في مطار القاهره اول ماهيشوفو دكر البط المحمر، هيقوللك ممنوع عشان مايعملش إزعاج للكابتن

 

[Doaa Elgabry]

ده لو مسافره من مصر انا واحده جلويات وهيه فرخه يتيمه عشان وسط الاسبوع وهامش هاطبخ

 

[Gehane Mohamed]

ممنوع اكل بدخل اي مطار....بيبان في الجهاز

 

[Doaa Elgabry]

طب ما الشكولاته والمكسرات عدوا

 

[Mahmoud Eltahawy]

انا سافرت اكتر من دوله
ومستقر ففرنسا وأخذت بس مره مطار القاهره رخمو وقال ممنوع بقت مش ممنوع بمجرد تلفون لواسطه
وسافرت بلجيكا الشرطيه كانت بتضحك
بس حضرتك هتسافري اي دوله لان دوله زي بولندا ممنوع فيها تدخلي حتي بسجائر

 

[Mohamed Yehia]

انا كنت واخد حمام وفراخ بانيه وام الخلول وجندوفلى ومانجه فص وعويس

 

[Ahmed Alabbasy]

كنا 6 افراد مسافرين المانيا فرانكفورت و كلنا واخدين اكل مطهى كتير جدا جدا جدا .. الشنط كلها كانت اكل و شوية هدوم بسيطة جدا .. الوحيد اللى اتقفش كان اتخن واحد فينا طلبوا يفتشوا شنطه .. اخدوا منه كل اللى فى شنطه .. وعدينا كلنا عادى .

 

[Ahmed Morsy]

فكرتوني بصاحبنا كان واخد بطة كاملة بيقولك ظهرت على الجهاز بحجمها وشكلها الطبيعي وندهوله قالوله ايه ده يعني مكنش قادر يقطعها حتت

 

[Ahmd G. Raof]

فكرتك هتسألى ع الفسيخ يا شيخه خضيتينى

 

[Hala Gharabawy]

جيت بروكسل من اسبوع وعادى عديت مكنتش حجات كتير بس كله تمام

 

[Ahmad Elfeel]

انا نفسى اعرف حتسفرى ايه معاكى

 

[Fatma Z Hosny]

انتى وحظك ممكن محدش يوقفك وممكن يجلهم مزاج يفتشوكى ساعتها هيرمولك الحاجه ويدفعوكى غرامه فبلاش تجازفى احسن

 

[Neven Safwat AL Bordeny]

امستردام
طبعااااااااا الكلام ده غير مقبول عند الناس دي تماما.. اوعي تاخدي معاكي حاجة كدة

 

[Hager Ibrahim]

شكراا لكل حد رد ، اكيد خلاص كدة مش هجازف واخد اكل مينفعش

 

[Rania Younis]

انا كان معايا بانيه حطاه في علبة بس حطاها طبعا في الشنطة الكبيره بس اول موصلت حطيته في التلاجة و كان تمام