A
Ahmed Abou El Lail
:: مسافر ::
مساء الورد على حضراتكم
اسمحولي اكملكم تجربتي في زيارتي لاوروبا اكتوبر الي فات وكنا وقفنا في البوست الي فات للي قرأه (والي ماقراهوش يقراه ) ان من ممزيات جنيف الجميله انها قريبه من جبال الالب الفرنسيه (Montblanc) فطبعا الي يروح جنيف لازم يروح التور دي لان الي في جنيف حماده والتور دي بقه حماده تاني خالص
المهم احنا كنا محددين لاقامتنا في جنيف ثلاث ايام من الرحله قبل ما نطلع على الوجهة التانيه لينا الي هي باريس فكان قرارنا تاني يوم ان احنا نسيب جنيف ونروح التور بتاعت الجبال المهم روحنا شركة سياحه اسمها (key Tours) وانا مصور لحضراتكم البروشور بتاعم في الصور وكان من حسن حظنا ان اليوم ده كان يوم مشمس جدا حتى الولد الي في الشركة قالنا كده.. وسبحان الله تاني يوم كان الضباب شديد جدا في المدينه فالحمد لله اننا روحنا في اليوم ده لان التور دي عشان تستمتع بيها لازم يكون الجو كلير جدا ومشمس
طبعا في كذا اختيار للتور موجدين برضه في البروشور احنا اخترنا التور فيها الباص ذهاب وعوده والكيبول كار وصلنا القرية الفرنسيه الجميله Chamonix بعد حوالي ٤٥ دقيقه بس عدوا كانهم ٤٥ ثانيه لان على اليمين وعلى الشمال مناظر زي الي بينشوفها في احلامنا جبال خصراء ووراها في الخليفه جبال مكسوه بالتلج والسماء رزقاء سبحان الله وشجر وغابات وبيوت صغيره وسط خضره هييييييح
المهم ياشباب وصلنا والتور جايد شرحلنا المكان وقالنا نتقابل الساعه ٥:٣٠ ٥:٣٥ همشي واسيبكم طبعا احنا قولنا لبعض تسيبنا مين ياعم الحاج ٥ بالضبط هنكون هنا
طبعا قالنا في ستور هنا ممكن تشترو جونتيات وغطاء للراس لان الدنيا فوق تلج .
فروحنا لقينا الستور قافل قولنا خلاص هنطلع بالجواكت الحمد لله كان معانا جواكت ثقيله ..
طلعنا اول مرحله بالكيبول كار في الصور حضراتكم هتلاحظوا في زي كوخ عليه علم سويسرا دي بتطلعلك تقريبا على ارتفاع حوالي ٢٣٠٠ م وبعدين بقه المرحله التانيه حيث حبس الانفاس دي بقه وصلتنا عند قمة الجبل حوالي ٣٨٠٠ م . على الارتفاع ده ياشباب الاكسجين قليل جدا ودرجه الحراره تقريبا كانت -١٠ على ماتذكروالوند طبعا صواريخ فانت اكيد هتكتك نصيحة ليكم لو حد راح يحاول يتحرك ببطئ ومايحاولش يبذل مجهود فجائي لان في ناس بتتعب من قلة الاكسجين ..
احنا بقه دي الوقت كاننا راكبين طياره والسحاب تحتينا ومنظر التلج الابيض مع السماء الزرقاء خرافه . في طيارات هليكوبتر كمان بتنزل الناس بتوع التزحلق على الجليد ⛷⛷طبعا احنا مالناش في الجو ده ..
وفي كمان ice tunnel ومنصه زجاجيه كتير من الناس بتتصور فيها.
قعدنا فوق لحد قبل المعاد بتاع التور جيد تقريبا بساعه ونزلنا تحت في كافيه اخدنا ٢ كابتشينو عشان ندفى شوية وبعدين قلنا نتمشى شوية في Chamonix في هناك مطاعم وجروسري طعم حاجته تحفه طبعا وفي هناك شارع في برندات لبس الاسعار اقل من جنيف لان احنا المفروض في فرنسا . مش هقولكم على Chamonix وجمالها هسيب الصور تعبر اكيد احسن من الكلام . ورجعنا للتور جايد الرخم في الميعاد والحمد لله ورجعنا على جنيف . عشان اليوم الي بعديه باذن الله عندي رحلة الى بااااريس
ودي بقه هنخليها في البوست الجاي ..
ملحوظه: هتلاقوني مصور التكيت بتاعت التنقلات جوه جنيف ومن جنيف لباريس وان شاء الله البوست الجاي هحط التنقلات من باريس لامستردام ومن امستردام لكوبنهاجن طبعا الي لاقيتهم عندي عشان الناس الي بتحاول تعمل بدجت للسفرية وعاوز تعرف تقريبا رانج الاسعار بس الكلام ده من ٥ شهور فياريت ندخل اون لاين ونشوف الاسعار دي الوقت..
تاني حاجه في ناس كتير سالتني عن المكتب الي باخد اوراق السفاره هتلاقوه ان شاء الله في اول كومنت ..
اسمحولي اكملكم تجربتي في زيارتي لاوروبا اكتوبر الي فات وكنا وقفنا في البوست الي فات للي قرأه (والي ماقراهوش يقراه ) ان من ممزيات جنيف الجميله انها قريبه من جبال الالب الفرنسيه (Montblanc) فطبعا الي يروح جنيف لازم يروح التور دي لان الي في جنيف حماده والتور دي بقه حماده تاني خالص
المهم احنا كنا محددين لاقامتنا في جنيف ثلاث ايام من الرحله قبل ما نطلع على الوجهة التانيه لينا الي هي باريس فكان قرارنا تاني يوم ان احنا نسيب جنيف ونروح التور بتاعت الجبال المهم روحنا شركة سياحه اسمها (key Tours) وانا مصور لحضراتكم البروشور بتاعم في الصور وكان من حسن حظنا ان اليوم ده كان يوم مشمس جدا حتى الولد الي في الشركة قالنا كده.. وسبحان الله تاني يوم كان الضباب شديد جدا في المدينه فالحمد لله اننا روحنا في اليوم ده لان التور دي عشان تستمتع بيها لازم يكون الجو كلير جدا ومشمس
طبعا في كذا اختيار للتور موجدين برضه في البروشور احنا اخترنا التور فيها الباص ذهاب وعوده والكيبول كار وصلنا القرية الفرنسيه الجميله Chamonix بعد حوالي ٤٥ دقيقه بس عدوا كانهم ٤٥ ثانيه لان على اليمين وعلى الشمال مناظر زي الي بينشوفها في احلامنا جبال خصراء ووراها في الخليفه جبال مكسوه بالتلج والسماء رزقاء سبحان الله وشجر وغابات وبيوت صغيره وسط خضره هييييييح
المهم ياشباب وصلنا والتور جايد شرحلنا المكان وقالنا نتقابل الساعه ٥:٣٠ ٥:٣٥ همشي واسيبكم طبعا احنا قولنا لبعض تسيبنا مين ياعم الحاج ٥ بالضبط هنكون هنا
طبعا قالنا في ستور هنا ممكن تشترو جونتيات وغطاء للراس لان الدنيا فوق تلج .
فروحنا لقينا الستور قافل قولنا خلاص هنطلع بالجواكت الحمد لله كان معانا جواكت ثقيله .. طلعنا اول مرحله بالكيبول كار في الصور حضراتكم هتلاحظوا في زي كوخ عليه علم سويسرا دي بتطلعلك تقريبا على ارتفاع حوالي ٢٣٠٠ م وبعدين بقه المرحله التانيه حيث حبس الانفاس دي بقه وصلتنا عند قمة الجبل حوالي ٣٨٠٠ م . على الارتفاع ده ياشباب الاكسجين قليل جدا ودرجه الحراره تقريبا كانت -١٠ على ماتذكر
والوند طبعا صواريخ فانت اكيد هتكتك نصيحة ليكم لو حد راح يحاول يتحرك ببطئ ومايحاولش يبذل مجهود فجائي لان في ناس بتتعب من قلة الاكسجين .. احنا بقه دي الوقت كاننا راكبين طياره والسحاب تحتينا ومنظر التلج الابيض مع السماء الزرقاء خرافه . في طيارات هليكوبتر كمان بتنزل الناس بتوع التزحلق على الجليد ⛷⛷طبعا احنا مالناش في الجو ده ..
وفي كمان ice tunnel ومنصه زجاجيه كتير من الناس بتتصور فيها.
قعدنا فوق لحد قبل المعاد بتاع التور جيد تقريبا بساعه ونزلنا تحت في كافيه اخدنا ٢ كابتشينو عشان ندفى شوية وبعدين قلنا نتمشى شوية في Chamonix في هناك مطاعم وجروسري طعم حاجته تحفه طبعا وفي هناك شارع في برندات لبس الاسعار اقل من جنيف لان احنا المفروض في فرنسا . مش هقولكم على Chamonix وجمالها هسيب الصور تعبر اكيد احسن من الكلام . ورجعنا للتور جايد الرخم في الميعاد والحمد لله ورجعنا على جنيف . عشان اليوم الي بعديه باذن الله عندي رحلة الى بااااريس
ودي بقه هنخليها في البوست الجاي ..ملحوظه: هتلاقوني مصور التكيت بتاعت التنقلات جوه جنيف ومن جنيف لباريس وان شاء الله البوست الجاي هحط التنقلات من باريس لامستردام ومن امستردام لكوبنهاجن طبعا الي لاقيتهم عندي عشان الناس الي بتحاول تعمل بدجت للسفرية وعاوز تعرف تقريبا رانج الاسعار بس الكلام ده من ٥ شهور فياريت ندخل اون لاين ونشوف الاسعار دي الوقت..
تاني حاجه في ناس كتير سالتني عن المكتب الي باخد اوراق السفاره هتلاقوه ان شاء الله في اول كومنت ..