لو هروح اسكندريه 4 ايام ايه التكاليف والأماكن...

[Dalia Elsharkawy]

فندق ترانزيت محطه الرمل بـ ٢٥٠
فندق المدينة المنوره سيدي جابر نفس السعر بـ ٢٥٠
فندق جرين بلازا إن بـ ٣٥٠
الفندق بالفطار طبعا

- يوم بحر في اي شاطئ ونزول المايه وكافيه بالليل
شاطئ ستانلي
البوريفاج
القوات المسلحه ٢٦ يوليو
النادي اليوناني عند القلعه بحري

- يوم تاخده من محطه الرمل لبحري تتسوق وتتمشي ووتتغدي سمك في بحري
ايلع
عروس البحر
عبده فرج
وفي في راس التين علي البحر ناس بتعمل سمك حلو جدا ورخيص عن المحلات دي
وادخل سينما او احضر حفله أوبرا في مسرح سيد درويش ومتنساش شارع فؤاد في كافيهات تجنن

- يوم المعموره طول اليوم بحر وغداء وملاهي وركوب عجل وكافيهات
كفايه تلاث ايام لان الميزانية بتاعتك مش حتكفي غير الثلاث ايام
واجازه سعيده عليك

 

[Khaled Hany Fathalla]

بص انت اول حاجة حتفكر فيها الايجار دا لو ماعندكش شقة و اليومين دول بالنسبة للناس بتاعت الشقق بيبقي موسم ف بيغالي السعر
انا من اسكندرية
بعد كده لو معاك عربية حتعمل الصح مع نفسك مش حيفرق معاك وقت و حتقدر تتمشي علي البحر وحده وحده و انت مشغل فيروز
بص بقي يا سيدي حتاكل اكلت سمك عندك مطاعم جامدة اوي و كتير بس ممكن تطلع علي ايوة "". انا شعبان بتاع السمك اللي بيقولوا عليه "" المحل أسمه كده دا في المنشية من ناحية البحر
عندك أكلت كبدة أسكندراني هو في ناس كتير ظهرت اجمد من الفلاح بس بما إنك مش من أسكندرية يبقي روح علي الفلاح
عندك بقي الشيخ وفيق من أشهر المحلات اللي بتعمل بقي رز بالبن و أم علي و الكلام دا . و دا مكانه في بحري
عندك بقي المعمورة و المنتزة و البحر و San stafno و Green plaza و carfour في بقي حاجات تانية اكيد لو انت بتحب السهر
و زي ما قولتلك موضوع العربية حتبقي احلي
و نسيت أقولك لو انت ليك في الشيشة في مكان بيعمل حجر شيشة من كتر حلوته انت مش حتبقي عايز تمشي و هو في الإبراهيمية علي البحر كده في الشوارع الجانبية و صعب أشرحلك المكان
التكاليف وقفة علي ايجار و موصلات و الاكل سهل و لو انت ليك في السهرات بس كده
و تيجي و تنورني ياعم والله

 

[Nahla Tarek]

لو لوحدك 600 او 700 اقل حاجه من غير ايجار المكان
البرنامج خليه عكس الناس
انزل بعد المغرب اتمشي و اتفسح و كل و خليك ع البحر لحد الشروق في اماكن كتير أوي مبتقفلش زي بانوراما و سانتوس و أسعارهم معقولة الي حد ما
و لو ليك في المية انزل بعد الشروق لحد قبل الضهر و روح نام
لو طالبة معاك اماكن أثرية في القلعة و المسرح الروماني
بس القلعة من برة ممكن تتراح اي وقت الفجر بتبقي هادية
اماكن الأكل الفلاح بتاع الكبدة دة اساسي و الشيخ وفيق في بحري و لو ليك في السمك شعبان كويس بس هتلاقيه زحمة

 

[نوده مامة جودي]

المعموره

 

[Mohamed Hossam]

بلاش افتكر اني قلتلك.

 

[Marwa Fawzy]

اعملوا برنامج عشان الزهق والبحر بصراحه ميتنزلش
يوم روحوا افريكانوا بارك بعيدة بس حلوة اوي
يوم روحوا قلعة قايتباي ومتحف الأحياء المائية
يوم مسرح بيرم التونسي
ولو لميزانيه تسمح روحوا بلبع مرة

 

[Muhamed Nabil]

ارررررجع يا سيف ارررررجع . ارجع وتعاللنا فى الشتا . اسكندرية شتا بس

 

[محمد إسماعيل]

انا من اسكندريه وبقولك احنا عايزين نطلع منها في الصيف
تعالي اسكندريه في الشتا

 

[Mohamed El Zeeny]

فعلا روح مطروح اسكندرية زحمة ومقرفة على الفاضى لا هتلاقى شاطئ عدل ولا شقة كويسة بسعر معقول لكن فى مطروح العكس

 

[Ali Ashraf]

اسكندريه دي شتا بس ويكفيك انك تاخدها مش بليل من قبل الشاطبي كده لحد القلعه

 

[Medhat Said]

F

 

[Lolo Ali]

اذا في دماغكوا العجمي مثلا ..ممكن تتواصلوا معايا انبوكس

 

[Eiad Elshikh]

خدها نصيحه من اسكندراني
ياتيجي اسكندريه تنزل في فنادق نضيفه زي azur,tolip
فندق فلسطين الحاجات دي يااما منصحكش تيجي دلوقتي خالص صدقني مش هتتبسط تعالي في الشتا ملهاش زي وهتعجبك جدااا صحيح مش هتنزل البحر بس اسكندريه بجد بجد مفيش زيها في الشتا

 

[وسام السيد]

هنوده روحي نزلي برنامج اوليكس عليه الشقق بالأسعار وصور الشقه التليفون المالك والسمسار وبالنسبه للكل تعالي انا اقولك

 

[Yassmin Emam]

بلاش احسن لكم و الله القاهرة

 

[Radwa Ahmed]

Mahmoud Mahran ana b2ol nel8y b karametna

 

[Amira Youssef]

M

 

[Li Ly]

يا جماعة اسكندريه لأاااااااااا
مطروح جميله و مافيهاش قناديل
كفايه بجد احنا المصيفين بهدلونا

 

[Ahmed Tawfik]

/للايجار شقة باليوم سوبر لوكس مفروش بالعصافرة بحري تبعد ثواني عن البحر (250 ج.م)

 

[Hassan Gad]

دهب احسن روقان واستجمام واماكن جديده ممكن تروحه