لو سمحتوا انا عندي مشكله وعيزه تقولولي اعمل اي...

[Alia Ussmaa Abdulrahmaan]

لو سمحتوا انا عندي مشكله وعيزه تقولولي اعمل اي لان دمي محروق جدا انا مقدمه تبع شركه سياحه علي سفر فرنسا هم بيبقوا مطلعين رحلات محدده بباكدج محدد انا حجزه معاهم من شهرين علي رحله 7/5 ودفعت فلوس التاشيره وفلوس تنيه حجز للرحله التاشيره جت ومفروض خلاص طالعه الرحله بكلمهم انهرضي يقولولي انتي هنحجزلك لوحدك مش تبع الرحله وهيكون في فرق اربع الاف جنيه فرق فوق الباكدج قلتلهم نعم واحجز لوحدي لي يقولوا انتي لما حجزتي ماكدتيش انك طالعه تبع رحله معينه قلتلهم ازاي اذا كان انا جيت قدمت بعدها لناس علي نفس الرحله وبالفعل الناس دي اسمها متسجل بالرحله وانا لا ازاي يقولولي والله ده اللي عندنا واللي عيزه تعمليه اعمليه وحتي لو كنسلت معاهم مش راضيين يدوني الالفين جنيه اللي كنت حجزه بيهم الرحله
وعلي فكره مش اول موقف طلعت معاهم رحله لقبرص من كام شهر نسيوا يجيبوا الجواز بتاعي من السفاره والسفاره خدت اجازه وراح عليا معاد الرحله وحجزولي حجوزات جديده ودفعت الف ونص زياده عن المبلغ بتاع الرحله اللي راحت عليا ايه العمل دلوقت معاهم
من فضلكوا عيزه ردود تفدني مش مجرد لوم او تريقه عارفه اني غلط اني قدمت معاهم بعد اول مره بس قلت يمكن الغلطه الاولي دي مكنتش مقصوده ومش هتكرر

 

[Hend Salem]

طالما ان لهم سابقة سيئة معاكى المفروض ماكنتيش تتعاملى معاهم ... بصراحة غلطتك
بالنسبة للموقف الحالى لو معاكى ايصال استلام نقدية مختوم منهم انك دافعة فلوس من تحت حساب الرحلة هدديهم انك هتعملى شكوى فى شرطة السياحة

 

[Mohamed Awad]

هيا الشركة دى اسمها تى شورى

 

[Mohamed Salah]

يعني انتي اتعلمتي في الاول وحصل الي حصر تتعاملي معاهم تاني انتي بقي الي جبتيه لينفسك لا يلدغ المؤمن من جحر مرتين

 

[Muhammed Elkashway]

2000 جنيه بسيطه وكويس انك حصلتى ع فيزا شنغن ممكن تشوفى اى شركة سياحة محترمه وتحجزى معاهم علطول واهو محدش بيتعلم ببلاش

 

[Mohamed Mahmoud Hassan]

ياريت اسم الشركه علشان الناس تاخد بالها منها

 

[Mohamed Khalil]

وش كدة اول حاجة اطلعي اعنلي شكوة في وزارة السياحة و اعملي محضر في وزارة السياحة بس اتأكدي من الكلام لان ممكن يكون عندك في حاجة فهمتيها غلط عملت سوء تفاهم

 

[Ibrahim Qandeel]

اسم الشركة ولو ليهم صفحه ع الفيسبوك انشريها

 

[Tamer El Saharty]

اسم الشركة وصفحتها

 

[Mohamed Ibrahim]

انا لو منك اخربها عليهم واعملهم مشكله

 

[Mohamed Ibrahim]

انا بصراحة شايف ان البرامج مع شركات سياحة مالهاش لازمة هتدفع فلوس زيادة علي الفاضي اها ممكن تشوف معاهم حجز تذاكر السفر والعمرة لكن الفنادق والمزارات السياحية مش،مستاهلة

 

[Waleed Midoo]

.

 

[Alia Ussmaa Abdulrahmaan]

انا معايا شات بينهم واتس وماسنجر بالموقف ومنتهي البرود منهم

 

[Mustafa ELkomy]

خدى اسكرين شوت ونزليه هنا على الصفحه وعلى صفحات السفر اللى زى هنا واحنا هنشير وحطى على Tripadvisor نجمه واحكى كل اللى حصل معاكى على فكره انتى مش الاولى اللى تشكى من الشركه دى وفى داهيه الالفيين جنيه بس نصيحه متعمليش حاجه من الكلام دة غير لما توصلى معاهم لحل انك تاخدى الطيران بس معاهم ذهاب وعودة لان هم بيسوقوا جامد وجايبيين طيران شارتر ودة هيبقى سعره احسن من انك تاخدى الطيران على اى شركه طيران تانيه، اما بقى حجز الفنادق والاكسكيرشن اكيد هيكون اغلى سيكا منهم بس دا هيبقى مقابل راحتك وبرايفت وعلى هواكى وبعيد عن الاشكال الضاله دول.

تى شورى شركه زباله بس اسعارهم كويسه وبيخلصوا الفيز بجواب للسفاره فا انتى خدى الكويس اللى ليكى اللى هو الفيزا وتذكره الطيران وسيبك منهم ولو حطتى بوست تانى تسئلى ايه اللى ممكن تعمليه فى بلد الوصول هتلاقى الناس هنا هتقولك توفرى ازاى وتعملى ايه بأقل التكاليف

 

[Mohamed Amin]

تى شورى شركة مستغلة، وجهة نظري خدي اللي ليكى عندهم الاول وبعدين افضحيهم علي الفيس بوك.

 

[Amro El-Naggar]

لأسف في مصر مش هينفع تعملي معاهم حاجة علشان مفيش حماية مستهلك . لو في حتة تانية كانوا شالك من على الأرض علشان مش تبلغي عنهم..ممكن تجربي وزارة السياحة ، أنا لو مكانك والله كنت ماسافرتش قبرص وكانسلت فرنسا علشان د غلطة من عندهم وكمان دفعك تغير تذكره وهما اللي مجبوش جوازك

 

[Alia Ussmaa Abdulrahmaan]

Kævën Tæwêüqê اوصله ازاي صاحب الشركه

 

[جمال توكل الزعويلى]

ايوه تي شوري انا طالع نفس الرحله وا

 

[جمال توكل الزعويلى]

والرحله كانت الاول باريس امستردام وبعدين اتغيرت بقت امستردام الاول وبعدين باريس

 

[جمال توكل الزعويلى]

بس بصراحه انا طلعت معاهم رحلات كتير وماكنش فيه مشاكل وهمه أرخص أسعار في مصر