حد سافر الاردن يقول عن الحياة هناك وايه النظام...

  • بادئ الموضوع بادئ الموضوع Zahra Ashraf
  • تاريخ البدء تاريخ البدء
عرض العطلة
#22
اللى بيسافر بلد مالوش دعوة بأهل البلد كويسين او وحشين لان مش هيحكموا على اهل البلد من زيارة وعندهم خبرة تحليل شخصيه من اول نظرة كل بلد فيها ناس وحشه وناس كويسه زى مصر كدة مش هتبقى قاعدة عامه على الكل انهم كويسين كلهم او وحشين كلهم .. ومحدش هيفيدك من موضوع مستوى المعيشه برضه لانك لو رايحه تشتغلى وتقيمى هناك مصاريفها بتختلف عن انك رايحه تتفسحى ديه ليها مصاريف وديه ليها مصاريف تانيه خالص دة فى اى بلد عموما انا مش بتكلم عن الاردن بس .. ممكن تسألى حد اردنى عن الاماكن الحلوة لان هما اكتر ناس هيكونوا عارفين ايه الحاجات الحلوة اللى هناك ومحدش غيرهم يعرفها .. زى عندنا فيه اماكن في مصر حلوة محدش يعرفها غيرنا
 
#23
انا أردنية ووالدتي مصرية ومقيمة في مصر ولما حد بينزل مصر بوجه يروح فين ويجي منين وبصراحة مش بذكر سلبيات مصر قدام حد لانه دي بلد محتويانا ومقدرش اني اعمم السلبي على الجميع زي مافي الوحش في الحلو وانا بنصحك الاردن غالية لو هاتعيشي فيها حياة دائمة لكن اهلها كويسين بس هما جد شوية لأنه دي طبيعة البدو والطبيعة الجبلية فيها مناطق طبيعية رائعة ومزارات جميلة ومدن أثرية فعلا هاتستمتعي بالجولة السياحية هناك المطاعم نظيفة جدا وتاكلي وانتي مطمنة ولازم تعرفي توقيت الزحمة لانه الزحمة هناك صعبة جدا خاصة بعد توافد السوريين والليبيين والعراقيين والخليجيين هناك وافضل يكون معاكي حد من اهل البلد هايوفر عليكي مشاوير كتير ولو حبيتي اي مشورة ابعت لي على الخاص .. ونأسف للإطالة
 
#24
كفايةً انهم محترمين المصرين وبيدخلوهم من غير فيزا الاحترام بالفعل مش بالكلام ما ممكن واحد يضحك في وشك بس مش بيحترمك انا بحب الأفعال مش الاكلام كل الاحترام والتقدير للأردن
 
#25
انا روحت الاْردن و الناس طيبين جدا و لما كانوا يعرفوا اني مصرية وانا بشتري حاجة كانوا دايما يدوني حاجات زيادة كمحبة منهم عشان انا من مصر و كمان الاكل و الشرب رخيص حتي لو البلد غالية
لما حد يسال علي بلد ياريت الجواب يكون عن البلد مش علي الناس عشان لو حد أتكلم عن اللي بيشوفوه من المصريين هنا كلكم هتزعلوا قوي قوي واحنا كلنا عارفين احنا بنعمل ايه مع الأجانب
كفاية مثاليات كذابة بقي
حاجة تقرف
عرفتوا انكوا انتوا العنصريين دلوقتي
 
عرض العطلة
#26
انا روحت الأردن من سنتين بالظبط في شهر إبريل وكان الجو جميل جدا هناك وبصفة عامة الصيف هناك أحلى من الصيف بمصر لكن الشتاء هناك صعب عشان احنا مش متعودين عالثلوج . الأردن بلد جميلة جدا ونضيفة جدا يعنى مافيش فعليا تراب زى اللي موجود أكوام هنا في الشوارع والبيوت والأردنيين شعب طيب ماشفتش منهم اي معاملة جافة إطلاقا بل بيرحبوا بيك لما يعرفوا إنك مصرى من لهجتك انا زرت جرش وفيها المتحف الرومانى وأم القيس بحيرة طبرية وإربد وزرت البحر الميت وزرت مسجد اهل الكهف وفيه الكهف اللى نزلوا فيه فعلا وزرت البتراء احدى عجائب الدنيا السبعة وإللي يزور الأردن ومايزورش البتراء يبقي لسة ماراحش الأردن من وجهة نظرى وكنت عايز اروح وادى الموجب وهو خطر جدا كسفارى بس ماكنش فيه وقت ..بالنسبة بقي للأكل حدث ولا حرج هتكتشف انك عمرك في حياتك ما أكلت اكل بالطعامة والجمال ده الفراخ المشوية والشاورما والكفتة والمخبوزات إيشي مخبوزات بالزعتر وزيت الزيتون وإيشي مخبوزات بالجبن انواع كتيرة ولو تعرف حد يعملك بقي المسحب والمكدوس ... ندخل بقي في الحلويات هتكتشف تانى اهم حاجة ان الحلويات الشرقية في مصر حاجة تانية خالص غير في الشام هتروح علي محلات السهل الأخضر ودى موجودة فى عمان وفي كل المحافظات هتاكل الكنافة النابلسية وعيش السرايا والواربات وادعى لى حاجة فعلا هتتمزج وانت بتاكلها هناك ... ندخل بقي في القهوة لو انت بتحب تشرب قهوة عليك وعلى بن العميد رهييب بيتعمل قدامك ويحطوا عليها هيل يعنى حبهان بالمصرى والبن الفاتح بيقولوا عليه شقرا وده الكيلو منه ب 12.5 دينار وفيه كمان محلات مكسرات الشعب عشان تعيش بقي مع اللوز والبندق والكاجو المدخن وده بيبدء الكيلو من 10 لغاية 18 دينار بس احلى مكسرات هتاكلها في حياتك ولو حبيت تاكل تونة هتلاقي معلبات التونة اصغر من العلب عندنا شوية بس انضف لحم تونة لأن الميزة في الأردن انهم بيستوردوا أنضف اكل وعصيرات .. لما سافرت كان عالطيران الملكية الأردنية وكانت ارخص من مصر للطيران في الوقت ده والمسافة بتاخد ساعة وربع بالظبط وطبعا مطار الملكة عاليا من انضف مطارات العالم .. طالما مهنتك مثبتة في جواز سفرك مش هتحتاج تأشيرة او موافقة أمنية في المطار عندنا عايز بس أضيف ان وقتها كان الدينار ب11.5 ودلوقت وصل 26 وإللي عايز يروح الأردن أول مرة دى بلد جميلة جدا جدا وهتستمتع بيها وسيبك من الكلام الفاضي بتاع الناس اللي بتفتى وعمرها مازارت الأردن
 
#27
انا في الاردن حاليا بقالي شهرين
بلد جميلة جدا
مريحة نفسيا
بسيطة
هادية
مفيهاش زحمة
(كل سكانها ٦ مليون يعني زي سكان شبرا عندنا)

الاردنيين بسطاء جدا
بيحبوا المصريين جدا
و بيرحبوا بينا ترحيب شديد بمجرد ما بعرفوا اننا مصريين

البلد نضيفة و منظمة

مفيهاش سياحة قوي
يعني مزارات قليلة
بس مش مملة خالص
البحر الميت تجربة مميزة
في رحلات مغامرات كتير في الوديان و الشلالات
الشمال طبيعة جميلة (لسة مروحتش بس الصور واضحة)


بس البلد غالية جدااا و خاااصة بعد التعويم

اي استفسار تحت امرك
 
#29
الل بيشتم، لا تكونو سببا لزرع الكراهية او الفتنة
فكروا فالمصريين نفسهم. هل الشعب كله كويس يعني؟
التعميم افة
 
عرض العطلة
#34
الاردن غاليه بلنسبه لمصر ... عجبتني مدينه قريبه من المطار اسمها مادبا هي مكان سياحي اكتره للمسيحين لان فيها اكبر الكنائس وقبر سيدنا موسي وفيها جبل ميبو تقدري تشوفي منه القدس،..... عمان نفس،القاهره زحمه وخنقه الجو بلاردن جميل عجبني .. والبلد مريحه نفسيا .وفيها مساحات خضرا كتير ومزارع جدا جميله
 
#35
انا أصدقائي اردنيه كتير و بيقولو ان الاْردن غاليه جدا و الكلام ده انا عرفته منهم من اربع سنين لغايه الان
 
عرض العطلة
عرض العطلة
عرض العطلة
أعلى أسفل
عودة
قائمة