إحنا جروب مش ديموقراطى !!...

[Hend Salem]

إحنا جروب مش ديموقراطى !!
-----------------------------

لما تبقى قلة الأدب وجهة نظر و الألفاظ النابية حرية شخصية و التطاول على الناس ديموقراطية ... يبقى إحنا جروب غير ديموقراطى
كم البلوكات اللى حصل خلال اليومين اللى فاتوا كان أكبر من اللى اتعمل من يوم ما أسسنا الجروب .... و إحنا ماعندناش أى مشكلة لو عدد الأعضاء نزل للنص فى مقابل إننا نحافظ على المستوى اللى تعبنا عشان نوصل له

الجروب هدفه السفر و السياحة فقط
الكلام فى السياسة ممنوع و دى سياسة معلنة و معروفة للجميع
التطاول على الناس غير مقبول ... إستخدام ألفاظ خادشة للحياء غير مسموح به
مش معقول كل ما حد ينزل بوست مش عاجب حد يدخل حد يا يشتم يا يسفه ... ببساطة مش عاجبك البوست إعمل نفسك ماشفتهوش طالما مش قادر تعرض وجهة نظرك و تناقش الناس بإحترام

اللى شايف إن القواعد البسيطة دى صعب إتباعها يبقى الجروب مش مناسب له
فى جروبات تانية كتير خاصة بالسياسة و ماعندهاش مشاكل فى الألفاظ و ممكن تشتموا و تتشتموا براحتكم فيها ... مش المفروض الأدمنز يسيبوا البوستات و الرد على أسئلة الناس و يتفرغوا لمتابعة الكومنتات ...

ياريت الناس المحترمة فى الجروب تساعدنا فى الإرتقاء بمستوى الجروب
إذا كان السفر لم يسهم و لو بجزء بسيط فى تهذيب سلوك الناس و الإرتقاء بفكرهم و تعليمهم أدب الحوار يبقى مالهوش فايدة

#الأخلاق_مش_وجهة_نظر
أدمنز
Moutaz Mohamed
Steven Gerrard Bergkamp
Sara Hassan
Shereen Adel
#دمتم_مسافرين
#Traveller_Experience

 

[Mahmoud Antar]

كل ما الجروب يكبر كل ما المشاكل هتكتر .. ربنا معاكو

 

[Jemmey Bn Alsaeed]

انتو كده صح ربنا يوفقكم

 

[Gehad AL-saied]

واحنا كلنا بنشجع المش ديمقراطيه

 

[Hosam Mohamed]

مفهوم الحرية ومسؤوليتها والتعامل مع الاخر ليس عند كل انسان او انسانه وحسب ثقافته واحتواؤه

 

[شيماء علي مراد]

الله يعينكم

 

[Islam Mohamed Soliman]

سبحان الله
ان ناس تشوف
السخافة و الردود البجحة و الشتيمة حرية رأى
الجروب له أدمن
و الادمن له الحق يلفظ اى حد يخرج عن حدود اللياقة.

 

[Abu Yousuf El Emam]

اتمني كمان إنكم تمنعوا التعليقات ال كلها شتيمة في مصر

 

[Mohamed Darwish]

الله يعينكم يارب انا فعلا بقالي فترة بشوف ناس بتحاول تستخف دمها وتستظرف وتترييق على بوستات بعض من أصدقائنا المحترمين ودا طبعا شي مستفز جدا ...ربنا يوفقكم يارب

 

[Sameh Mohamed Mohamed]

كلامك صح .. دة جروب للسفر والكلام عن اى مواضيع تانية تضييع وقت احنا عايزين نستفيد من تجارب بعض فى السفر ودة الغرض من وجودنا فى الجروب

 

[Jo Jo]

ربنا يعينكم

 

[Mostafa Sabry]

مش عارف أيه الى حصل للناس فى أخلاقه اليومين دول

 

[Farida Ashraf Farrag]

ممكن حد ينزل البوست بتاعى ضرورى؟

 

[Ahmed Saad]

عندك حق ، المش ديمقراطيه هي الحل في الظروف دي ،

 

[Dalia Osman]

الناس بقت صعبه جدا واللي مش عاجبه حاجة بدل ما يقول رأيه و يقنعك ، يشتمك

 

[Mohamed Sayed]

 

[Mohamed Sayed]

انا من رأيي اللي يشوف حد بيشتم يعمل ريبورت للأدمن ، عشان محدش يشتم تاني

 

[Mohamed Ibrahim]

مدخليش اي حد الجروب الا لما تتاكدي انه حسابه مش مزور

 

[Samy Esmat Anwer]

تمام كل يوم احترامي للجروب بيزيد دي ما تسميهاش عدم ديمقراطيه دي تسميها قوة القانون قوانين الجروب تطبق بقوة علي الجميع لخدمة أهداف الجروب الناجح و المفيد للجميع برافو traveller experience

 

[Mohamed Ibrahim]

وعلي فكره يا جماعه الجروب ده بيضايق خصوصيات بعض الناس اللي بنشر فيه او الادمن او الناس اللي بتجاوب علي اسئله الاعضاء لان في كتير موجودين مش بيعلقوا وبيدخلوا خاص للناس يسألوا مباشره ومواقف كتير بتحدث