ليه يا جماعه و احنا بنختم الجوازات في مطار...

[Mostafa Elsharkawy]

ليه يا جماعه و احنا بنختم الجوازات في مطار القاهره سعات بيأخروا الباسبور بالساعات ويقولك استني معانا شويه ..ايه اللي يستدعي المدة دى كلها

 

[Hend Salem]

لو الإسم متشابه مع حد من المطلوبين

 

[Ahmad Jamal Saqr]

بيستعلم عنك

 

[Ahmed ZoneFull]

في الحالتين سواء مسافر او راجع بيستعلم او بيتأكد ان مش انت الشخص المطلوب وخلاص بس محصلتش معايا اكتر من ٥ دقايق حتي موصلتش للمده دي كلها اكي دا موضوع تاني غير تشابه الاسماء

 

[Ahmed Mohmed]

الموضوع كله لا يستغرق نصف ساعه وأحيانا اساسا لا تستغرق ٥ دقايق كانت بتحصل معايا تقريبا كل ما بسافر بس بعد ما فتحوا المطار الجديد ما بقاش يحصل معايا كدةً ودة بيرجع ان اسمك بيكون متشابه مع حد مطلوب

 

[Mostafa Sayd]

بيشك في التأشيرة

 

[Mohammed Shousha]

هي بتحصل معايا عل طول و انا طالع و انا نازل
بس أخرى كان بيبقى 5 دقايق

 

[Ballo Mo Balo]

ممكن عشان البلد اللي انت بتسافر لها أو جاي منها و برضو عنوانك و محل ميلادك و محافظة ايه الحاجات ده بيركزوا فيها و بيتحرو عنها

 

[Khaled Ali Abdelwahab]

بتحصل معايا كل مره لما أجي مصر و لكن في الحقيقه التأخير لمده بسيطه و نفس السؤال من ضابط الجوازات ....ايه اللي يعرفني انك في الأصل مصري و انت داخل بجواز سفر أمريكي ؟ و إجابتي علي السؤال أني أعطيه البطاقه المصريه رغم انتهائها و يطلب مني تجديدها و الكلام ده بيحصل معايا كل مره ... المضحك في الامر ان اولادي و زوجتي معي و ياخذوا تاشيره الدخول و يكتب الضابط علي كل تاشيره ... الأب مصري .. الزوج مصري ... و لما يمسك باسبوري انا يناقشني في إثبات أني مصري ... بعد ما هو ختم جوازات ولادي و زوجتي ...

 

[Ahmed Elkholy]

بتحصل معايا دايماً .. بس بتبقى 5 دقايق بالكتير

 

[Ahmed Hosny Younis]

دة طبيعى بيحصل مع تشابة الأسماء و بيعطى باسبورك لشخص آخر علشان يعمل استعلام على شباك رقم 1 بالاسم الرباعى و الأم كمان
أغلب أسماء المشهورة للتوقف
أحمد محمد
محمد أحمد
أحمد محمود
محمد محمود
احمد مصطفى
مصطفى محمد
و كذالك بس تقريبا دة فى المطار القديم علشان السيستم على جهاز واحد فقط و بياخد حسب الزحمة ممكن 10 دقيقة
إنما المطار الجديد بقدر يستعمل من السيستم عندة ف مش بياخد اكتر من دقيقة

 

[Nader Fouda]

وبرضو يا جماعة احنا فى مصر فوارد جدا السيستم يهنج ويقعدله نص ساعة علبال ما يشتغل

 

[Ahmed Mohamed]

انا سألت مرة عن الموضوع ده و قالولي تشابه أسماء بس صراحة الموضوع مش بياخد كتير اوي يعني

 

[عبدالله بن خالد]

طبيعي في دوله معندهاش اي ريحه التقدم التقني

 

[Seif Mahmoud]

انا ع كده اسمي سيف الدين قطز محمود هيشكو ف الاسم

 

[Mohamed Ibrahim]

امن دوله وتنفيذ احكام كل ده

 

[Ahmed Maher]

ده بيكون تشابه اسماء ، وقالولي في الجوازات لو تريح نفسك منه اطلع على مجمع التحرير
انا ريحت نفسي ومرحتش

 

[Mohamed Ibrahim]

اخر مره نزلت يومين بس اسكندريه ورجعت وانا راجع خدوني جوا المطار جواز سفرك فين
اتفضل
استني معانا شويه
شويه دي خدتلها ربع ساعه
في الاخر طلع ظابط قالي محمد انت عندك عربيه هنا وعملت حادث
قولتله ولا عمري اشتريت في مصر
قالي شكرا مع السلامه

 

[Ramy Raz]

تشابه اسماء

 

[Ahmed Sokary]

مصر كلها بيستعلموا عنها