M
Mario Samir
:: مسافر ::
- هو برج ايفيل في التشيك ؟
ايوة
ايه يا عم الكلام دة ، ما طول عمرنا نعرف انه في پاريس
و احنا كمان ، بس لما رحنا پراج لقينا برج ايفيل
... و دة حكايته ان في سنة ١٨٨٩ راح سياح تشيكيين لفرنسا
و شافوا البرج ...
اعُجبوا بيه زي اي واحد فينا بس الزيادة اللي عملوه انهم فكروا يبنوا واحد زيه و فعلاً بنوه سنة ١٨٩١ بس طبعا نسخة اصغر
- براج هي عاصمه جمهوريه التشيك و من اكبر مدنها و عملتها كرونا التشيكيه.
27 corona = 1 euro
- پراج مدينة كبيرة لكن دي مش مشكلة عشان معظم الاماكن السياحية جنب بعض ... مدينة جميلة ، بيقولوا عليها instagram paradise عشان اي صورة هناك هتاخدها هتبقي حلوة ... مدينه دلع كده مدينه متعه بس مش بتاعت مرمطه و ده السبب ان براج من الاختيارات الكتير لل honeymoon بس برضه ده ميمنعش انها مدينه شبابيه جدا.
- اهم حاجه بالنسبالي كانت في براج هي احلي حاجه اكلتها في حياتي اختراع اسمه "Trdelník" ايه ده بقي ده عباره عن عجينه زي ال cinnabon كده بس بتتعمل علي الفحم و بعد كده يحط عليها سكر و مكسرات و تبقي شبه الcone كده جوه بقي بيدهن السطح nutella و يملاه ice cream و في النص كده تلاقي حتت فراوله و من فوق يحط ال caramel. كفايه كده هو اختراع وهمي بس تقيييييل اوي و هتلاقي ناس كتير اوي بيبيعوه من عربيات في الشارع ل محلات فخمه جدا ف هتلاقي سعره بيختلف اوي . بس لو رحت لازم تجربه. انا من كتر اعجابي ليه قررنا لما رجعنا اننا نفتح محل و نبيعه بس محصلش نصيب .سمعت ان فيه ناس بدات فعلا و عملته بس مش ظابطين العجينه زي براج لسه يلا حد يتوكل علي الله و يبسطنا كده.
- من الحاجات الدلع في المدينه ديه ان الدنيا لما تبقي حر شويه بتعدي عربيات ترش مايه علي الشعب و الناس مش بتشتم الراجل لا دول بيجروا ورا العربيه و يرقصوا في المياه و الراجل يلف في الشوارع و لما يلاقي ناس اتجمعت يشغل المياه جامد و يغرقهم عشان الشمس.
- براج مدينه زحمه اوي من كتر السياح ف مش هتقابل اهل البلد كتير و صعب تاخد صوره و مش وراك حد لازم هتلاقي زحمه في الصوره ...
- المزارات السياحيه كتير بس جنب بعد يعني هتلاقي كده فوق تل صغير كده في منطقه كلها مزارات زي قلعه براج و متاحف و كده و عشان هما جنب بعد كده تذاكر الدخول بتتباع بالمزارات يعني في تزكره تدخلك خمس حجات واحده تانيه اغلي تدخلك سبعه كده. و قدام قلعه براج هتلاقي ناس بتبيع اكل من اكل البلد جربه مش هتندم.
اهم المناطق السياحيه:
- جسر كارل
ده جسر جميل كله فنانين طول م انت ماشي هتلاقي ناس بتعزف و ناس بترسم و هو شكل الجسر نفسه تحفه معماريه.
-الساعه الفلكيه
ثاني اقدم ساعه فلكيه. و الوحيده ال لسه شغاله و يقال ان تم فقع عين صانعها عشان ميعملش زيها تاني من كتر جمالها (هي دي شكرا اللي خدها بعد ما عمل الساعة)
-قلعه براج
-كتدرائيه القديس فيتوس
-old town
- hamleys prague : حتي لو انت كبير هتدخله و تنبسط
- لو عجبك التقرير ساعدنا نوصل لناس اكتر .. لايك و شير لصفحتنا
Travelling Tricks
ايوة
ايه يا عم الكلام دة ، ما طول عمرنا نعرف انه في پاريس
و احنا كمان ، بس لما رحنا پراج لقينا برج ايفيل
... و دة حكايته ان في سنة ١٨٨٩ راح سياح تشيكيين لفرنسا
و شافوا البرج ...
اعُجبوا بيه زي اي واحد فينا بس الزيادة اللي عملوه انهم فكروا يبنوا واحد زيه و فعلاً بنوه سنة ١٨٩١ بس طبعا نسخة اصغر
- براج هي عاصمه جمهوريه التشيك و من اكبر مدنها و عملتها كرونا التشيكيه.
27 corona = 1 euro
- پراج مدينة كبيرة لكن دي مش مشكلة عشان معظم الاماكن السياحية جنب بعض ... مدينة جميلة ، بيقولوا عليها instagram paradise عشان اي صورة هناك هتاخدها هتبقي حلوة ... مدينه دلع كده مدينه متعه بس مش بتاعت مرمطه و ده السبب ان براج من الاختيارات الكتير لل honeymoon بس برضه ده ميمنعش انها مدينه شبابيه جدا.
- اهم حاجه بالنسبالي كانت في براج هي احلي حاجه اكلتها في حياتي اختراع اسمه "Trdelník" ايه ده بقي ده عباره عن عجينه زي ال cinnabon كده بس بتتعمل علي الفحم و بعد كده يحط عليها سكر و مكسرات و تبقي شبه الcone كده جوه بقي بيدهن السطح nutella و يملاه ice cream و في النص كده تلاقي حتت فراوله و من فوق يحط ال caramel. كفايه كده هو اختراع وهمي بس تقيييييل اوي و هتلاقي ناس كتير اوي بيبيعوه من عربيات في الشارع ل محلات فخمه جدا ف هتلاقي سعره بيختلف اوي . بس لو رحت لازم تجربه. انا من كتر اعجابي ليه قررنا لما رجعنا اننا نفتح محل و نبيعه بس محصلش نصيب .سمعت ان فيه ناس بدات فعلا و عملته بس مش ظابطين العجينه زي براج لسه يلا حد يتوكل علي الله و يبسطنا كده.
- من الحاجات الدلع في المدينه ديه ان الدنيا لما تبقي حر شويه بتعدي عربيات ترش مايه علي الشعب و الناس مش بتشتم الراجل لا دول بيجروا ورا العربيه و يرقصوا في المياه و الراجل يلف في الشوارع و لما يلاقي ناس اتجمعت يشغل المياه جامد و يغرقهم عشان الشمس.
- براج مدينه زحمه اوي من كتر السياح ف مش هتقابل اهل البلد كتير و صعب تاخد صوره و مش وراك حد لازم هتلاقي زحمه في الصوره ...
- المزارات السياحيه كتير بس جنب بعد يعني هتلاقي كده فوق تل صغير كده في منطقه كلها مزارات زي قلعه براج و متاحف و كده و عشان هما جنب بعد كده تذاكر الدخول بتتباع بالمزارات يعني في تزكره تدخلك خمس حجات واحده تانيه اغلي تدخلك سبعه كده. و قدام قلعه براج هتلاقي ناس بتبيع اكل من اكل البلد جربه مش هتندم.
اهم المناطق السياحيه:
- جسر كارل
ده جسر جميل كله فنانين طول م انت ماشي هتلاقي ناس بتعزف و ناس بترسم و هو شكل الجسر نفسه تحفه معماريه.
-الساعه الفلكيه
ثاني اقدم ساعه فلكيه. و الوحيده ال لسه شغاله و يقال ان تم فقع عين صانعها عشان ميعملش زيها تاني من كتر جمالها (هي دي شكرا اللي خدها بعد ما عمل الساعة)
-قلعه براج
-كتدرائيه القديس فيتوس
-old town
- hamleys prague : حتي لو انت كبير هتدخله و تنبسط
- لو عجبك التقرير ساعدنا نوصل لناس اكتر .. لايك و شير لصفحتنا
Travelling Tricks