S
Sameh Radwan
:: مسافر ::
صباح الفل علي الجروب المحترم
حابب أني ااكد علي شويه. حاجات في السفر لماليزيا
* حجز الطيران لو مدة الترانزيت طويلة جدا (اكثر من ٨ ساعات )حاول تنسق مع شركةالطيران موضوع التأشيرة المؤقتة وحجز فندق حتي لا تمل وتستنزف جهدك في السفر
* في الطيارة غالبا ما بيكون في أماكن في اخر الطيارة خالية حاول تمدد وتنام شويه لأن السفر طوييييل
*الترانزيت لو داخل المطار او خارج المطار حاول تعمل حسابك دايما في مبلغ صغير من عملةالبلد بتاعة الترانزيت لأن الإغراءات في السوق الحرة بتبقي قويه جدا ده غير انكً ممكن تحتاج تشرب او تأكل حاجة
*حاول تبعد عن الطيران العُماني او الكويتي مش علشان حاجة لا سمح الله بس علشان الريال العُماني وصل ٥٠ جم والدينار الكويتي دايما سابق
* اظبط المنبه في الموبايل علي ٣٠ دقيقة قبل موعد إقلاع الترانزيت علشان لو راحت عليك نومه او اندمجت في السوق الحرة .....الخ
* وصلت بالسلامه وغيرت ٥٠ دولار من المطار لرنجت علشان خط الموبايل ومواصلات للفندق (حوالي ٢١٨ رنجت) يلا انطلق
* اللغة هناك انجليزية بس في نقطه مهمة اللكنات مختلفة من ماليزي الي هندي الي بنجالي طيب حضرتك مش عارف توصف لسائق التاكسي مثلا انت فين او عاوز تروح فين بسبب اللكنه ممكن تستعين باي شخص يبدو عليه الاحترام او بائع في محل ليصف للسائق بلغة الملايو انت عاوز ايه بالظبط
* **حضرتك معاك أسرة او أطفال ضروري جدا انكً تنزل علي اي مكتبه هنا قبل السفر تشتري ID card holder اللي هي بتتعلق وبيبقى عليها بيانات صاحبها وهتكتب فيها اسم أطفالك وأرقام موبايلك وكارت الفندق اللي انت نازل فيه ولما حضرتك تروح لأي مكان توضح لهم ان لا قدر الله تهنا من بعض هنتقابل عند نقطه كذا (محل معين او بوابه دخول رقم كذا او عند يافطه كذا ) داخل المكان او التوجه لفرد او رجل أمن وطلب الاتصال برقم الموبايل
ربنا يحفظ اولادنا جميعا
**** خطط لرحلتك ودايما في خطه بديله للأنشطة اليوميه
* الاكل في ماليزيا اغلبه أرز ودجاج او سمك بس بطرق طهي مختلفه حسب نوعيه المطعم (هندي -بنجالي-تايلاندي)
أفضلهم من وجهة نظري التايلندي والماليزي وتتأكد دايما من وجود العلامه ديه halal ولو مش شايفها اسأل علشان تتأكد ولاحظت ان الصينيين مفهومهم للحلال ان ما يمونش فيه خمور او لحم او دهن خنزير إنما انكً تاكل فراخ او بط مخنوق او متكهرب عادي علشان كده ابعد عن الاكل الصيني
انا اخدت تشكيله أجبان محترمه من مصر وانا مسافر نفعتنا جدا واللبن هناك اللي هو الزبادي إنما لو عاوز لبن اسمه حليب والأفضل انكً تنزل في الفندق بدون وجبات او علي أقصي تقدير تنزل بالإفطار فقط
*قبل السفر لازم تنزل تمشي ساعة كل يوم وأمده شهر مثلا لأن المشي هناك إلزامي مش اختياري وانت حر
الكروكس المريح الكوتشي المريح دول من أسباب السعاده الحقيقية هناك احرص عليهم
*الناس اللي معدتها حساسه (الادويه هناك غاليه بس بصراحة فعاله جدا) بس علشان تشرح انت عاوز ايه ده محتاج تخش كليه صيدلي هناك
عاوز دواء كحة بمنتهي البساطة هيشاورلك علي الأرفف وانت تنقي فالافضل تاخد معاك الآتي ((شريط للإسهال وآخر للإمساك والمغص ومسكن وخافض حرارة ومرهم الحساسيه علشان ما تنمش زي كالاميلا مثلا وطبعا جوز حقن فولتارين بسرنجاتهم وبنادول للبرد ))
ربنا يحفظكم. بس للاحتياط
اهم حاجة
شوف انت الأدرينالين بتاعك بيرتفع ازاي وتحقق السعادة الذاتية ونفذ فورا
ماليزيا بتحقق لك كل حاجة
بتتمتع بالطبيعة هتلاقي
أنشطه حيويه هتلاقي
شوبنج هتلااااااقي
تمشيه وتأمل هتلاقي
****
نفسك تروح التوين تاور روح واتصور تحتهم نفسك تطلع فوق نصيحتي لك وانت حر
بلاش ليييييييه
لأنك هتضطر تحجز قبلها بيوم و هتقف طابور محترم و هتقعد نص ساعة في ترأس اللي في نص البرجين علشان تشوف ماليزيا
طيب ممكن تلف كده وتديهم ظهرك
ايوه كده شايف البرج الكبير اللي هناك ده ايوه المنارة manaret ده بقي يا سيدي تذكرته ارخص و ارتفاعه اعلي (يساوي ارتفاع البرجين مش التراس) لأنه مبني علي ربوه عاليه وكمان في مطعم دوار بيلف ٣٦٠ درجه وأحسن وفت تطلع الساعة ٥ علشان تشوف ماليزيا نهارا ومساءا (الدعوة بظهر الغيب ) متنساش
*^*^* الشوبنج والفسحة في ماليزيا دونت ميكس
*^*^*^الشوبنج والفسحة في ماليزيا دونت ميكس
دونت ميكس دونت مييييييكس
خصص ٣ ايام للشوبنج لو عاوز غير كده هتتسوح ولا هتلحق تتفسح ولا هتلحق شوبنج
الحاجات في china town تعبانه جدا فبلاش تندفع في الشراء هناك الا الشنط والهدايا الرمزية
الخصومات هناك لتتركز في شهر ديسمبر علشان الكريسماس و رأس السنه و في يناير حتي منتصف فبراير علشان رأس السنه الصينية
الخصومات من ٢٠٪ الي ٧٠٪
********************
اهم أماكن الشوبنج
مول سوجو ٧ ادوار ( كل دور لجنس معين)
الأرضي ميكس
الاول سيدات
الثاني رجال وهكذا
وفِي فوود كورت في الدور السادس
طيب ليه سوجو علشان كله براندات اورجنال بس في بارتشنات
وتاخد الباسبور وتدخل علي مكتب خدمه العملاء في الدور الأرضي هتملأ استمارة ويديلك كارت خصم إضافي ٥ ٪ فوق خصم المكان اصلا
حلو كده لأ مش كفايه
اومال ايه تاني
في بعض الأدوار بتعمل هدايا خاصة كقسائم مشتريات او قطعتين بسعر قطعه او شنط أطفال انا عاوزك تركز في كل حاجة حواليك وتفنجل عينك كده
خلصت شراء وفلوسك خلصت والستات والبنات بتدعيلي والرجاله بتدعي عليا
طيب خد الواجب ده من اخوك
تاخد فواتيرك كلها وتطلع الدور السابع مكتب خدمة العملاء وتطلب ورقة الgst وديه تسأل عليها في كل مكان تشتري منه حاجة
ديه ورقة بناخدها ونروح مكتب الgst في المطار وانت مسافر بلدك تسترد الضريبه الخاصة بالمدينه وهي حوالي ٦٪ تقريبا
يعني تاخد خصومات وخصم إضافي وكمان تاخد فلوس وانت مروح كده بقي مفيش داعي تدعي عليا
مول بافليون في شارع العرب (شيك جدا وبراندات عالميه ونسب خصم مش جامده قوي بس أحدث موضه)
مول سوريا او Syria klcc وده اللي تحت البرجين بتوع بتروناس
جاااااااااامد جدا جدااااا
نسب خصم معقوله وأحدث موضه وكل البراندات المعلومة لدينا والغير معلومه لدينا
ودور رقم c فيه فوود كورت كده حدوته
ايوه الله يفتح عليك متنساش ال gst من كل محل تدخله في المولات ما عدا سوجو في خدمة العملاء
عاوز لابتوب ولا موبايل ولا سماعة beats كده محترمه ولا فلاشة لايفون ولا أقولك باور بانك وفلاشه wifi ايوه يا عم wifi
انت في ماليزيا بلد التكنولوجيا
تروح مول low yat 10 وده متخصص تاخد حوله وتبقي محدد انت عاوز ايه وتفاصل وما تحاولش تتخانق
انا جبت باور بأنك ٣٠ الف ب ١٥٠ رنجت بدل ٢٦٠ رنجت ماركة remax المهم ان في محل اسمه oa (اورجنال اكسيسوريز) ده في الدور الأرضي كان عنده أفضل أسعار ولازم تجرب الحاجة ويختم لك علي الفاتوره
******اشتري ميزان للحقائب واعمل check علي الوزن به قبل ما تروح المطار (الكيلو الزائد في الوزن ب ١٢٧.٥ رنجت) تروح المطار بدري قبل الرحلة بساعتين او ثلاثة بدل ما تزعل
معلومات عامه
المولات بتقفل الساعة ١٠ مساءا
لازم تظبط غداك قبل ما تقفل بدل ما تتسوح
ماكدونالد تعبان جدا خليه للطوارئ
كنتاكي معقول نوعا
بتزا هُت رائع بس فروعه قليله ولا يقارن بمصر
كافتريا the loaf حاجة تحفه في المخبوزات تحت سوجو مول ولهم فرع في مطار الطيران الداخليklia2
ازحم وقت في الشوارع من الساعة ٥ الي ٨ م
ومن ١٠ م الي ١١م
تطبيق grab ممتاز بديل اوبر واسعار ممتازة
ان شاء الله تقضوا اجازة سعيده وأكون قدرت أني أفيد الناس ووفرت عليهم مجهود ووقت ممكن يستفادوا به هناك زي ما انا استفدت من كل معلومه قرأتها هنا قبل ما اسافر
دعواتكم جميعا بالخير لمصر واهلها فدعوة المسافر مستجابة حتي يرجع
حابب أني ااكد علي شويه. حاجات في السفر لماليزيا
* حجز الطيران لو مدة الترانزيت طويلة جدا (اكثر من ٨ ساعات )حاول تنسق مع شركةالطيران موضوع التأشيرة المؤقتة وحجز فندق حتي لا تمل وتستنزف جهدك في السفر
* في الطيارة غالبا ما بيكون في أماكن في اخر الطيارة خالية حاول تمدد وتنام شويه لأن السفر طوييييل
*الترانزيت لو داخل المطار او خارج المطار حاول تعمل حسابك دايما في مبلغ صغير من عملةالبلد بتاعة الترانزيت لأن الإغراءات في السوق الحرة بتبقي قويه جدا ده غير انكً ممكن تحتاج تشرب او تأكل حاجة
*حاول تبعد عن الطيران العُماني او الكويتي مش علشان حاجة لا سمح الله بس علشان الريال العُماني وصل ٥٠ جم والدينار الكويتي دايما سابق
* اظبط المنبه في الموبايل علي ٣٠ دقيقة قبل موعد إقلاع الترانزيت علشان لو راحت عليك نومه او اندمجت في السوق الحرة .....الخ
* وصلت بالسلامه وغيرت ٥٠ دولار من المطار لرنجت علشان خط الموبايل ومواصلات للفندق (حوالي ٢١٨ رنجت) يلا انطلق
* اللغة هناك انجليزية بس في نقطه مهمة اللكنات مختلفة من ماليزي الي هندي الي بنجالي طيب حضرتك مش عارف توصف لسائق التاكسي مثلا انت فين او عاوز تروح فين بسبب اللكنه ممكن تستعين باي شخص يبدو عليه الاحترام او بائع في محل ليصف للسائق بلغة الملايو انت عاوز ايه بالظبط
* **حضرتك معاك أسرة او أطفال ضروري جدا انكً تنزل علي اي مكتبه هنا قبل السفر تشتري ID card holder اللي هي بتتعلق وبيبقى عليها بيانات صاحبها وهتكتب فيها اسم أطفالك وأرقام موبايلك وكارت الفندق اللي انت نازل فيه ولما حضرتك تروح لأي مكان توضح لهم ان لا قدر الله تهنا من بعض هنتقابل عند نقطه كذا (محل معين او بوابه دخول رقم كذا او عند يافطه كذا ) داخل المكان او التوجه لفرد او رجل أمن وطلب الاتصال برقم الموبايل
ربنا يحفظ اولادنا جميعا
**** خطط لرحلتك ودايما في خطه بديله للأنشطة اليوميه
* الاكل في ماليزيا اغلبه أرز ودجاج او سمك بس بطرق طهي مختلفه حسب نوعيه المطعم (هندي -بنجالي-تايلاندي)
أفضلهم من وجهة نظري التايلندي والماليزي وتتأكد دايما من وجود العلامه ديه halal ولو مش شايفها اسأل علشان تتأكد ولاحظت ان الصينيين مفهومهم للحلال ان ما يمونش فيه خمور او لحم او دهن خنزير إنما انكً تاكل فراخ او بط مخنوق او متكهرب عادي علشان كده ابعد عن الاكل الصيني
انا اخدت تشكيله أجبان محترمه من مصر وانا مسافر نفعتنا جدا واللبن هناك اللي هو الزبادي إنما لو عاوز لبن اسمه حليب والأفضل انكً تنزل في الفندق بدون وجبات او علي أقصي تقدير تنزل بالإفطار فقط
*قبل السفر لازم تنزل تمشي ساعة كل يوم وأمده شهر مثلا لأن المشي هناك إلزامي مش اختياري وانت حر
الكروكس المريح الكوتشي المريح دول من أسباب السعاده الحقيقية هناك احرص عليهم
*الناس اللي معدتها حساسه (الادويه هناك غاليه بس بصراحة فعاله جدا) بس علشان تشرح انت عاوز ايه ده محتاج تخش كليه صيدلي هناك
عاوز دواء كحة بمنتهي البساطة هيشاورلك علي الأرفف وانت تنقي فالافضل تاخد معاك الآتي ((شريط للإسهال وآخر للإمساك والمغص ومسكن وخافض حرارة ومرهم الحساسيه علشان ما تنمش زي كالاميلا مثلا وطبعا جوز حقن فولتارين بسرنجاتهم وبنادول للبرد ))
ربنا يحفظكم. بس للاحتياط
اهم حاجة
شوف انت الأدرينالين بتاعك بيرتفع ازاي وتحقق السعادة الذاتية ونفذ فورا
ماليزيا بتحقق لك كل حاجة
بتتمتع بالطبيعة هتلاقي
أنشطه حيويه هتلاقي
شوبنج هتلااااااقي
تمشيه وتأمل هتلاقي
****
نفسك تروح التوين تاور روح واتصور تحتهم نفسك تطلع فوق نصيحتي لك وانت حر
بلاش ليييييييه
لأنك هتضطر تحجز قبلها بيوم و هتقف طابور محترم و هتقعد نص ساعة في ترأس اللي في نص البرجين علشان تشوف ماليزيا
طيب ممكن تلف كده وتديهم ظهرك
ايوه كده شايف البرج الكبير اللي هناك ده ايوه المنارة manaret ده بقي يا سيدي تذكرته ارخص و ارتفاعه اعلي (يساوي ارتفاع البرجين مش التراس) لأنه مبني علي ربوه عاليه وكمان في مطعم دوار بيلف ٣٦٠ درجه وأحسن وفت تطلع الساعة ٥ علشان تشوف ماليزيا نهارا ومساءا (الدعوة بظهر الغيب ) متنساش
*^*^* الشوبنج والفسحة في ماليزيا دونت ميكس
*^*^*^الشوبنج والفسحة في ماليزيا دونت ميكس
دونت ميكس دونت مييييييكس
خصص ٣ ايام للشوبنج لو عاوز غير كده هتتسوح ولا هتلحق تتفسح ولا هتلحق شوبنج
الحاجات في china town تعبانه جدا فبلاش تندفع في الشراء هناك الا الشنط والهدايا الرمزية
الخصومات هناك لتتركز في شهر ديسمبر علشان الكريسماس و رأس السنه و في يناير حتي منتصف فبراير علشان رأس السنه الصينية
الخصومات من ٢٠٪ الي ٧٠٪
********************
اهم أماكن الشوبنج
مول سوجو ٧ ادوار ( كل دور لجنس معين)
الأرضي ميكس
الاول سيدات
الثاني رجال وهكذا
وفِي فوود كورت في الدور السادس
طيب ليه سوجو علشان كله براندات اورجنال بس في بارتشنات
وتاخد الباسبور وتدخل علي مكتب خدمه العملاء في الدور الأرضي هتملأ استمارة ويديلك كارت خصم إضافي ٥ ٪ فوق خصم المكان اصلا
حلو كده لأ مش كفايه
اومال ايه تاني
في بعض الأدوار بتعمل هدايا خاصة كقسائم مشتريات او قطعتين بسعر قطعه او شنط أطفال انا عاوزك تركز في كل حاجة حواليك وتفنجل عينك كده
خلصت شراء وفلوسك خلصت والستات والبنات بتدعيلي والرجاله بتدعي عليا
طيب خد الواجب ده من اخوك
تاخد فواتيرك كلها وتطلع الدور السابع مكتب خدمة العملاء وتطلب ورقة الgst وديه تسأل عليها في كل مكان تشتري منه حاجة
ديه ورقة بناخدها ونروح مكتب الgst في المطار وانت مسافر بلدك تسترد الضريبه الخاصة بالمدينه وهي حوالي ٦٪ تقريبا
يعني تاخد خصومات وخصم إضافي وكمان تاخد فلوس وانت مروح كده بقي مفيش داعي تدعي عليا
مول بافليون في شارع العرب (شيك جدا وبراندات عالميه ونسب خصم مش جامده قوي بس أحدث موضه)
مول سوريا او Syria klcc وده اللي تحت البرجين بتوع بتروناس
جاااااااااامد جدا جدااااا
نسب خصم معقوله وأحدث موضه وكل البراندات المعلومة لدينا والغير معلومه لدينا
ودور رقم c فيه فوود كورت كده حدوته
ايوه الله يفتح عليك متنساش ال gst من كل محل تدخله في المولات ما عدا سوجو في خدمة العملاء
عاوز لابتوب ولا موبايل ولا سماعة beats كده محترمه ولا فلاشة لايفون ولا أقولك باور بانك وفلاشه wifi ايوه يا عم wifi
انت في ماليزيا بلد التكنولوجيا
تروح مول low yat 10 وده متخصص تاخد حوله وتبقي محدد انت عاوز ايه وتفاصل وما تحاولش تتخانق
انا جبت باور بأنك ٣٠ الف ب ١٥٠ رنجت بدل ٢٦٠ رنجت ماركة remax المهم ان في محل اسمه oa (اورجنال اكسيسوريز) ده في الدور الأرضي كان عنده أفضل أسعار ولازم تجرب الحاجة ويختم لك علي الفاتوره
******اشتري ميزان للحقائب واعمل check علي الوزن به قبل ما تروح المطار (الكيلو الزائد في الوزن ب ١٢٧.٥ رنجت) تروح المطار بدري قبل الرحلة بساعتين او ثلاثة بدل ما تزعل
معلومات عامه
المولات بتقفل الساعة ١٠ مساءا
لازم تظبط غداك قبل ما تقفل بدل ما تتسوح
ماكدونالد تعبان جدا خليه للطوارئ
كنتاكي معقول نوعا
بتزا هُت رائع بس فروعه قليله ولا يقارن بمصر
كافتريا the loaf حاجة تحفه في المخبوزات تحت سوجو مول ولهم فرع في مطار الطيران الداخليklia2
ازحم وقت في الشوارع من الساعة ٥ الي ٨ م
ومن ١٠ م الي ١١م
تطبيق grab ممتاز بديل اوبر واسعار ممتازة
ان شاء الله تقضوا اجازة سعيده وأكون قدرت أني أفيد الناس ووفرت عليهم مجهود ووقت ممكن يستفادوا به هناك زي ما انا استفدت من كل معلومه قرأتها هنا قبل ما اسافر
دعواتكم جميعا بالخير لمصر واهلها فدعوة المسافر مستجابة حتي يرجع