M
Mona Maher
:: مسافر ::
طيب يا جماعة
پوست خفيف كده
بما ان مشكلة المشاكل بالنسبة للمصريين علشان يسافروا هي الڤيزا والفلوس طبعاً
فلازم يكون في تخطيط بعيد المدى للتغلب على المشاكل العويصة دي
هنبتدي بالڤيزا
١- مبدأياً كده اتعلموا إنجليزي كويس
وبلاش الانجليزي المصري الله يخليكم يعني اعرفوا الفرق بين ال p وال B
وال th بتطلعوا لسانكم وانتوا بتقولوها ما بتتنطقش z
واتفرجوا على أفلام إنجليزي كتير وما تقروش الترجمة اسمعوا النطق
الموضوع ده والله بيفرق كتير
٢- اتجوزوا أجانب يا جماعة والكلام ده للولاد والبنات كمان( ولا يعني البنات مالهاش نفس ) المهم العروسة أو العريس يكونوا من بلد بتدي جنسية للزوج أو الزوجة بسهولة ويكون پاسپور البلد ده قوي وبلد ما عليهاش مشاكل
٢- لو متجوزين ولسه في أول حياتكم وناويين تخلفوا فاعملوا حسابكم تخلفوا العيال بره وبرضة اختاروا بلد تكون بتدي جنسية للمولود على أرضها على طول ويكون الپاسپور بتاعها قوي ، هو الموضوع ده طبعاً محتاج فلوس فاعملوا حسابكم واعملوا بقى جمعية ولا استلفوا ،
الموضوع مستاهل على الأقل هتدوا ولادكم الفرصة اللي انتم ما أخدتوهاش
٣- طبعاً الهجرة لو عرفت تعملها
٤- اللجوء السياسي لبلد محترمة بس أنسى انك ترجع مصر تاني
أما بقى بالنسبة للفلوس
١- برضة اتعلموا إنجليزي كويس
٢- اشتغلوا شغلانة كلها سفر يعني لو معاكم فلوس ممكن تدرسوا طيران
أو تشتغلوا في الضيافة في شركات الطيران ( بس اتعلموا إنجليزي كويس )
٣- شوفوا الناس اللي بتسافر تبع شغلها دي بتشتغل ايه وحاولوا تكون عندكم المؤهلات اللي تخليكم ممكن تشتغلوا نفس الشغلانة
٤- اعملوا كده حصالة ، كل ما تخرجوا خروجة شوفوا صرفتم فيها كام وحطوا في الحصالة مبلغ قده وأي فكة تكون معاكم من الربع جنيه للخمسة جنيه حطوها في الحصالة والله هتساعد
٥- طبعاً ذاكر كل المواقع اللي تخليك تكسب فلوس وانت مسافر واللي اتكتب عنها كتير هنا على الصفحة
وأخيراً وليس آخراً
اتعلموا إنجليزي كويس
پوست خفيف كده
بما ان مشكلة المشاكل بالنسبة للمصريين علشان يسافروا هي الڤيزا والفلوس طبعاً
فلازم يكون في تخطيط بعيد المدى للتغلب على المشاكل العويصة دي
هنبتدي بالڤيزا
١- مبدأياً كده اتعلموا إنجليزي كويس
وبلاش الانجليزي المصري الله يخليكم يعني اعرفوا الفرق بين ال p وال B
وال th بتطلعوا لسانكم وانتوا بتقولوها ما بتتنطقش z
واتفرجوا على أفلام إنجليزي كتير وما تقروش الترجمة اسمعوا النطق
الموضوع ده والله بيفرق كتير
٢- اتجوزوا أجانب يا جماعة والكلام ده للولاد والبنات كمان( ولا يعني البنات مالهاش نفس ) المهم العروسة أو العريس يكونوا من بلد بتدي جنسية للزوج أو الزوجة بسهولة ويكون پاسپور البلد ده قوي وبلد ما عليهاش مشاكل
٢- لو متجوزين ولسه في أول حياتكم وناويين تخلفوا فاعملوا حسابكم تخلفوا العيال بره وبرضة اختاروا بلد تكون بتدي جنسية للمولود على أرضها على طول ويكون الپاسپور بتاعها قوي ، هو الموضوع ده طبعاً محتاج فلوس فاعملوا حسابكم واعملوا بقى جمعية ولا استلفوا ،
الموضوع مستاهل على الأقل هتدوا ولادكم الفرصة اللي انتم ما أخدتوهاش
٣- طبعاً الهجرة لو عرفت تعملها
٤- اللجوء السياسي لبلد محترمة بس أنسى انك ترجع مصر تاني
أما بقى بالنسبة للفلوس
١- برضة اتعلموا إنجليزي كويس
٢- اشتغلوا شغلانة كلها سفر يعني لو معاكم فلوس ممكن تدرسوا طيران
أو تشتغلوا في الضيافة في شركات الطيران ( بس اتعلموا إنجليزي كويس )
٣- شوفوا الناس اللي بتسافر تبع شغلها دي بتشتغل ايه وحاولوا تكون عندكم المؤهلات اللي تخليكم ممكن تشتغلوا نفس الشغلانة
٤- اعملوا كده حصالة ، كل ما تخرجوا خروجة شوفوا صرفتم فيها كام وحطوا في الحصالة مبلغ قده وأي فكة تكون معاكم من الربع جنيه للخمسة جنيه حطوها في الحصالة والله هتساعد
٥- طبعاً ذاكر كل المواقع اللي تخليك تكسب فلوس وانت مسافر واللي اتكتب عنها كتير هنا على الصفحة
وأخيراً وليس آخراً
اتعلموا إنجليزي كويس