مساء الخير خلال الاسبوع ده نزلنا فيه تلات...

[Moutaz Mohamed]

مساء الخير

خلال الاسبوع ده نزلنا فيه تلات تنبيهات علي طريقه الحديث علي الجروب و ده عشان نحافظ علي المستوي و نحافظ الهدف الي بنسعي ليه و هو الاستفاده من المعلومات الي بتنزل علي الجروب.

و مع ذلك لسه في ناس بتكسر بكلام و قوانين الجروب تحت مبدا حريه التعبير.

لاسف لو سبنا حريه التعبير علي الجروب هنبدا نخرج عن الهدف الاساسي لجروب خصوصا ان اغلبنا بيفسر الحريه غلط و بيفسرها علي عدم احترام القوانين عشان ده بيقيد الادميه بتاعته فبالتالي من حقه كسر معتقدات الادب و الاحترام تحت كلمه حريه.

لاسف الجروب ليه قوانين و غير مسموح باي تجاوزات و لا مع اعضاء و لا مع ادمنز

الي بينا هو الاحترام و تقديم الافاده لكل.

زي ما انتم شايفين طريقه الحديث من الطفل Bassam Alsayed مع الادمن هند

اعتقد ده ادني مستوي ممكن الواحد يتكلم معاه او يديه معلومه تفيده عشان دوه متعلمش اسلوب الحديث الراقي و مكانه المنتديات الرخيصه الي تليق باخلاقه المتدنيه.

الطفل بسام تم حجبه من الجروب عشان ملوش مكان وسطنا عشان طفل يسئ لينا و معندناش وقت نضيعه مع قله الاحترام.

باكد مره تانيه الجروب معمول عشان نستفيد من بعض مش عشان نشتم في بعض فرجاء شخصي الالتزام بقوانين الجروب المثبته اعلي الصفحه.

شكرا
#Traveller_Experience

 

[Mahmoud Antar]

نضف

 

[Ahmad Hafez Ahmad]

شكرا

 

[Yehia Haleem]

تصدق انك قليل الذوق
لما تقول عليا طفل و انا مقلتش اى حاجة غلط او فيها اساءه لحد

 

[Wael Salem]

عندك حق يا معتز

 

[Mohamed A. Zaki]

احسن حاجة تتعمل مع العقليات دي يتشير طريقتهم قدام الكل بعدين ياخدوا البان الجميل
الجروبات الرخيصة موجود منها كتير هياخدوهم بالحضن

 

[Ahmed Bin Mohmed Al Gresha]

اتفق معي الأدمن في الي عمله ولكن للأسف الشديد الأسلوب وحش ومفرقش كتير عن الأسلوب الي بتنتقده

 

[Sarah Rabei Ismail]

الscreenshots مش موضحة كل الكلام بس انا اسفة مينفعش حضرتك تقول عليهم اطفال و تقل من عقلياتهم او تفكيرهم لان كدا مختلفتش عنهم في شئ

 

[Mohamed Elrawiviç]

Moutaz Mohamed
اللى بتعملة صح بس كمان طريقة كلامك عنهم فى البوست غلط

 

[Mohammad Hijażi]

بلوك علي طوووول

 

[Samar Elkhouly]

معلش الكلام اللي انت مشيره عنهم سكرين شوت ما فيهوش قلة ادب؟!

 

[Mohamed Alazazy]

انت بتتكلم معاهم ليه اصلا ؟؟ طيررر

 

[Samar Elkhouly]

طيب عشان الكلام يبقي له مصداقية خد سكرين شوت للشتيمة نفسها مش للتعليقات عليها

 

[Sarah Elaraby]

انا مش شايفة في اللي مشيره اي تطاول و ان كان في حدة في الكلام. التطاول في البوست نفسه اللي بتقلل منهم!

 

[Nada Labib]

هو أنا مش شايفة قلة أدب أنا شايفة قمع مع إحترامي لكل أفراد المحادثة لإن بعد كده حضرتك دخلت في نقاش مع حد فيهم وتجاوزت بردوا يبقى ليه الكيل بمكيالين سواء أطفال أو كبار الموضوع مش بالسن

 

[Samar Elkhouly]

ومعلش عاوزة اقول لحضرتك حاجة وللادمن Hend Salem
مهما حاولتو تمنعو اي تعليقات او الش عن السياسة مش هتعرفو
لسبب بسيط ان كل حاجة بنتكلم فيها هنا بتقودنا للسياسة يعني هنتكلم علي اسعار الطيران هنتكلم بالتالي عن الغلا بالتالي عن التعويم بالتالي عن الجنيه المأسوف عليه بالتالي عن اننا فقرا اوي
وهكذا.....
فمش معقول كل واحد هيخش يدلي بالمعلومة بطريقة جامدة نظرية ويطلع يجري ده جروب ف الاخر غرضه خدمي ترفيهي

 

[Hanan Ali Elsherif]

Well done

 

[Amet Majdini]

انت مش من حقك تغلط في الناس خصوصا بعد مامسحتهم ومش هيقدروا يردوا عن نفسهم

 

[Samar Elkhouly]

الموضوع ماكنش مستاهل بصراحة خصوصا انه ما شتمش حد هو تجاوز في اللفظ والتعبير
وكان ممكن التعليق يتمسح ويتم تحذير عادي بالحظر في حالة التكرار

 

[Mahmoud Elleithy]

وربنا ما هرد
انا هتفرج بس