A
Amgad Dessoky
:: مسافر ::
اه ممكن مصريين كتير شغالين في المانيا وبشهادتهم من مصر ومن وجهة نظري المانيا هي البلد المثاليه للحياة ولا تقارن بأي مكان تاني .....قبل اي حاجه لازم Bewerbung und Lebenslauf ولازم تتعلم بالشكل المحترف....دوري علي النت كويس ازاي تتعمل واهتمي حتي بالصورة الي بتتحط ازاي تتصوريها ....وابعتي للشركات علي حسب تخصصك وانت يجيلك العرض بتبتدي في اجرائات للسفاره
М
Мустафа Али
:: مسافر ::
اعتقد ان اي دولة اجنبية حتبقى احسن وده شعوري .. انا بقالي اهو في الكويت واهي اعتقد زي الامارات فترة كبيرة .. والحياة مش لذيذة اوي بصراحة .. لان كل اللي الواحد بياخده بيدفعوا في الايجار والمصاريف اللي ما تتعدش .. بحس ان الدنيا كلها باصة للواحد على انه بقرة وبتحلبه ... ولما تعجز شهر تلاقي نفسك الدنيا متلخبطة معاك ومش عارف تعمل ايه .. واللهي اعرف ناس بقالها عشر سنين في الكويت ومعملتش حاجة .. وبرضه في ناس اعرفها حظها حلو جدا وماشية بتتكعبل في مصالح وفلوس ... بس النسبة الاغلب حتلاقيهم بيكحوا تراب .. او على الاقل مش جايبة هم الغربة ...... انا كان نفسي اسافر اي دولة اجنبية بصراحة على الاقل لو مش حتعمل فلوس بس عايش في جو كويس وبتشوف مناظر كويسة وفيه حرية وبتتعلم احسن واحسن وبتكتسب خبرات ... واخيرا الحمد لله على كل شيء