O
Omar Alaa
:: مسافر ::
روما
- روما مدينة عريقة جداً .. طول ما انت ماشى فى وسط المدينة هتحس بأنك ماشى فى قصة تاريخية.
- وسط البلد كلها تماثيل رومانية بشكل عشوائى مش مرصوصة أو زى التماثيل اللى عندنا هنا فى الميادين زى طلعت حرب و كدا لأ هناك التماثيل على الرصيف عادى.
- مدخلتش اى متاحف او حتى ال colosseum عشان مكانش فى وقت و بالنسبالى انى اتفرج على المدينة ديه حاجة احلى عشان بصراحة مش من هواة المتاحف.
- لما تخرج من محطة المترو و تلاقى المسرح الرومانى فى وشك هتحس بسعادة غريبة اللى هو ده اللى بشوفه فى الصور و الافلام بجد ؟
- الاماكن اللى تتشاف فى وسط البلد او اللى انا لحقت اشوفها يمكن فى أماكن تانية مشوفتهاش
" المسرح الرومانى , النصب التذكارى , trevi fountain , المسلة المصرية قدمها متحف دافنشى و منطقة السلالم الإسبانية "
- بعيداً عن وسط البلد فى منطقة اسمها campo di fiori ديه شوارع صغيرة شبه المُعز كدا بس كلها مطاعم و كافيهات صغيرة و شكلها هادى و جميل جدا فى اخر الشوارع ديه هتوصل لميدان صغير كدا ده الناس بتسهر فيه و بتلعب مزيكا "موجود فى الصور"
- حضرت ماتش فى استاد روما و ده بالنسبالى كان أهم حاجة فى السفرية لأن ده كان حلم الطفولة .. حجزت التذكرة اونلاين كانت ب 25 يورو و الحمدلله صلاح جاب جول و الراجل اللى جنبى قام حضنى عشان مصرى
- ده كان الجزء الحلو و الجميل فى روما .. فى جزء تانى بقى ..
- انا زورت ٦ بلاد فى أوروبا .. اسوء شبكة موصلات كانت روما .. اتوبيسات متهلكة و قديمة .. مفيش شاشة ولا حاجة تعرفك انت فين و المترو نفس الكلام قديم جداً و مبهدل عكس ڤيينا و بودابست اللى كان فيهم موصلات محترمة.
- بعيد عن وسط البلد هتلاقى عمارات و مبانى كتير شكلها وحش جدا زى المناطق العشوائية كدا .. ده غير زحمة العربيات اللى اوحش من صلاح سالم وقت معرض الكتاب
- أبعد عن وسط البلد هتلاقى زبالة فى الشوارع .. هتلاقى ولاد ماشين بعربية مخرجين راسهم عشان يعاكسوا .. هتلاقى أن صعب جداً تقابل حد بيعرف يتكلم انجليزى عشان يساعدك.
- الهنود و البنجلادشييين اللى هتشوفهم اكتر ما هتشوف طليان .. خدوا بالكوا من الحاجات اللى بيبعوها عشان غالية و بايظة .. فاصلوا معاهم لو هتشتروا الحاجة اللى ب ١٠ يورو خدوها ب يورو.
ده غير بقى المصريين اللى بيكونوا طالعين هجرة غير شرعية و شوفتهم بنفسى واحد بيقول التانى "صور بسرعة فى بنات جاية اهو"
روما حلوة بس تحسها شبه القاهرة مش فارقة كتير
- روما مدينة عريقة جداً .. طول ما انت ماشى فى وسط المدينة هتحس بأنك ماشى فى قصة تاريخية.
- وسط البلد كلها تماثيل رومانية بشكل عشوائى مش مرصوصة أو زى التماثيل اللى عندنا هنا فى الميادين زى طلعت حرب و كدا لأ هناك التماثيل على الرصيف عادى.
- مدخلتش اى متاحف او حتى ال colosseum عشان مكانش فى وقت و بالنسبالى انى اتفرج على المدينة ديه حاجة احلى عشان بصراحة مش من هواة المتاحف.
- لما تخرج من محطة المترو و تلاقى المسرح الرومانى فى وشك هتحس بسعادة غريبة اللى هو ده اللى بشوفه فى الصور و الافلام بجد ؟
- الاماكن اللى تتشاف فى وسط البلد او اللى انا لحقت اشوفها يمكن فى أماكن تانية مشوفتهاش
" المسرح الرومانى , النصب التذكارى , trevi fountain , المسلة المصرية قدمها متحف دافنشى و منطقة السلالم الإسبانية "
- بعيداً عن وسط البلد فى منطقة اسمها campo di fiori ديه شوارع صغيرة شبه المُعز كدا بس كلها مطاعم و كافيهات صغيرة و شكلها هادى و جميل جدا فى اخر الشوارع ديه هتوصل لميدان صغير كدا ده الناس بتسهر فيه و بتلعب مزيكا "موجود فى الصور"
- حضرت ماتش فى استاد روما و ده بالنسبالى كان أهم حاجة فى السفرية لأن ده كان حلم الطفولة
.. حجزت التذكرة اونلاين كانت ب 25 يورو و الحمدلله صلاح جاب جول و الراجل اللى جنبى قام حضنى عشان مصرى - ده كان الجزء الحلو و الجميل فى روما .. فى جزء تانى بقى ..
- انا زورت ٦ بلاد فى أوروبا .. اسوء شبكة موصلات كانت روما .. اتوبيسات متهلكة و قديمة .. مفيش شاشة ولا حاجة تعرفك انت فين و المترو نفس الكلام قديم جداً و مبهدل عكس ڤيينا و بودابست اللى كان فيهم موصلات محترمة.
- بعيد عن وسط البلد هتلاقى عمارات و مبانى كتير شكلها وحش جدا زى المناطق العشوائية كدا .. ده غير زحمة العربيات اللى اوحش من صلاح سالم وقت معرض الكتاب
- أبعد عن وسط البلد هتلاقى زبالة فى الشوارع .. هتلاقى ولاد ماشين بعربية مخرجين راسهم عشان يعاكسوا .. هتلاقى أن صعب جداً تقابل حد بيعرف يتكلم انجليزى عشان يساعدك.
- الهنود و البنجلادشييين اللى هتشوفهم اكتر ما هتشوف طليان .. خدوا بالكوا من الحاجات اللى بيبعوها عشان غالية و بايظة .. فاصلوا معاهم لو هتشتروا الحاجة اللى ب ١٠ يورو خدوها ب يورو.
ده غير بقى المصريين اللى بيكونوا طالعين هجرة غير شرعية و شوفتهم بنفسى واحد بيقول التانى "صور بسرعة فى بنات جاية اهو"
روما حلوة بس تحسها شبه القاهرة مش فارقة كتير