انا سافرت ماليزيا اسبوع واحد بس واهم حاجه...

[سهير مصطفى]

انا سافرت ماليزيا اسبوع واحد بس
واهم حاجه عايزة اقولهامن رحلتى القصيرة دى
حبوا بلدكم واحترموها واتكلموا عنها بكل خير
مفيش حد قولتله انا من مصر الا وقالى بلد جميلة او نفسي اروحها وواحد قالى بلد البرنسيسات القطط قصدة على الاله القطه اللى كان بيعبده الفراعنه
وواحد قالى رحت مصر واجمل بلد رحتها
واللى قالى حاططها ضمن خططى ان اروحها
واللى رايحها ف اجازته الجايه
الخلاصة: العالم بيحب مصر وفى بردو ناس متعرفهاش فانقلوا لهم فكرة كويسه عنها

 

[Sahar Saad]

طب ما تقولي لنا التكلفة البرنامج بتاعك هناك

 

[Yasmine Habiib]

برنسيسات القطط ده بيعاكس

 

[Lovely Sama]

مصر ام الدنيا

 

[Walaa Rizk]

م

 

[Ahmed Hasan]

لو زاروها هيعرفوا ان فكرتهم غلط تماما

 

[Ahmad Wadan]

كلام جميل لكنه يمثل نصف الحقيقة. النص التاني إن السيستم أو بمعنى أدق عدم المهنية في إدارة ثروات مصر الطبيعية ومرافقها السياحية والبيروقراطية بتدمر الحاجات العظيمة اللي ربنا أنعم علينا بها.

في بلوج لشخص أجنبي رحالة على الانستجرام بيكتب فيه عن كل مدينة بيزورها ولما قرأت كتب إيه عن القاهرة اتقهرت من سوء ما كتب

الموضوع مش بالكلام الحلو والأماني، الموضوع محتاج شغل وإخلاص وضمير ومهنية.

 

[Ahmed Shahhat]

انا قريت المنشور ده الصبح
هل انت نفس الشخص ولا عجبك فنقلتيه

 

[Dina Ahmad]

الماليزين كانوا لما بيطلعوا عمرة و بيبقي من ضمن البرنامج بتاع الرحلة زيارة لمصر عشان كده كانوا بيحبوها، انما دلوقتي معرفش لسه بيعملوا كده ولا لاء

 

[سي حسن]

العالم بيحب مصر في ظل إن مصريين بيكرهوها ربنا يتولانا

 

[Samar Emad]

ما هي مصر جميلة اوي وحلوة اوي للسياح اللي جاية تقعد فيها اسبوع مثلا
لكن احنا كمصريين بنتكلم في حاجة تانية خالص بنشتكي لبعض ونناقش حياتنا المأساوية في البلد دي

 

[Sameh Farg]

اعتزازك ببلدك مهم جدا بره وبيخلى الناس تحترمك

 

[Abeer Rashed]

حصلت معاى مرة فى الحرم
واحدة ماليزية اول ما عرفت انى من مصر قعدت تتكلم حلو جدا جدا و تشكر فيها لانها درست 6 شهور فى الازهر
وقتها مكنتش مصدقة كلامها بس اتكرر مع اكتر من جنسية فعلا

 

[سي حسن]

والله أي جنسيه قابلتها نفسهم يروحوا مصر واكيد طبعاً الناس دي بتشوف غسيلنا الوسخ في الإعلام بس زي ما عندنا كوارث هما كمان عندهم

 

[Mohamed Abdullah]

انا عايش فى ماليزيا ونفس الكلام بالظبط بيحصل معايا والله ، حتى موضوع القطط . بنت يابانية كانت بتقولى انتو لسه بتعبدوا القطط طبعا انا عمرى ما سمعت ان احنا عبدناهم اصلا. كنت عاوز اقولهم بنضربهم بالشباشب فى مصر

 

[Mohamed Hekal]

مصر حلوة جدا فعلا بس للسياح
اللى لما يقعد فى افشخ كافيه يصرف 200 جنيه بما يعادل 11 دولار يبقى ببلاش وبياخد احلى واجب واحسن معاملة

 

[DrReham Farouk]

طبعاً مصر جميلة سياحيا و فيها مناطق تعتبر جنة الله في الارض بس كمعيشة و اقامة لأ،،، هما بيقولوا كده عشان هما اجانب،، على رأي الاغنية ليه اللي جايلك اجنبي عارفة عليه تطبطبي و تركبي الوش الخشب و على اللي منك تقلبي

 

[Rehab Abdel Rahman Mohamed]

مصر أم الدنيا وهتفضل أم الدنيا أن شاء الله

 

[Bishoy Ghobrial Habib]

فعلا حصل معايا الصبح هنا في اسبانيا

 

[Mai Muhammad Elsharkawy]

مصر حلوه و جميله بس للغريب مش للعايش فيها