1-ممكن حد يفيدني لو عايزه اقدم علي فيزا شينجن...

  • بادئ الموضوع بادئ الموضوع Norhan Elgayar
  • تاريخ البدء تاريخ البدء
عرض العطلة
N

Norhan Elgayar

:: مسافر ::
#1
1-ممكن حد يفيدني لو عايزه اقدم علي فيزا شينجن ايه افضل دوله اقدم دخول منها وتكون سهله شويه مش زى المانيا اسمع انها صعبه علما باني عايزه اروح اكتر من دوله .
2- هل فعلا لما بقدم في السفاره بياخدو الباسبور عندهم اسبوع او اسبوعين لحد ميعاد المقابله؟
3- ياريت لو حد يقولي ملخص سريع للاجراءات اللي اعملها
شكرا
 
#4
1. بالنسبة الفيزا شينجن اسهل الدول ايطاليا واسبانيا والبرتغال بتكون الفيزا 3 شهور.
2. فعلا ياخذون الباسبور لمدة أسبوعين بعد التأكد من البيانات وبعدها يقومون بوضع الفيزا عليها.
3. الإجراءات تقومى بحجز ميعاد من الموقع اونلاين وبعدين تذهبى لتسليم الاوراق المطلوبه ممكن تتصلى بيهم تليفونيا لمعرفه الاوراق المطلوبه غالبا جواز سفر صالح لمده 6 شهور ... جوازات السفر السابقة اذا وجدت .... صورتين خلفية بيضاء .... حجز سفر وعودة لمصر حتى لو وهمى ... حساب بنكى ... حجز فندق .... تامين يغطى فترة السفر ... ورقة من وجهة العمل اذا كنتى تعملين... ومصاريف إدارية.
اتمنى لك كل التوفيق.
 
عرض العطلة
#8
اسهل بلد اوروبيه بتطلع تأشيره هي فرنسا وبتطلع ف 10 ايام ف العادي ومش لازم تسيبي الباسبور بتاعك هناك ولا حاجه انتي بس بتروحي تقدمي الورق وتكوني مجهزة الأبليكيشن وتعملي البصمة ومجرد مابتطلعلك بيبقا انتي كدا عندك صلاحية تسافري اي دولة من دول الاتحاد الاوروبي
 
عرض العطلة
#11
فعلا فرنسا وايطاليا واليونان من الدول ال ممكن تاخدى شنجن بتاعتها بسهوله.
بالنسبه للاجراءات مش هاقدر افيدك لانى ماقدمتش من مصر قبل كده، بقدم دايما من السعوديه
لكن عامة هم بيكون محتاجين يتاكدو من حاجتين مهمين
اولا انك هاترجعى تانيا انك عندك المقدرة الماديه للسفر والسياحه، كل ماتقدمى اوراق تثبت الحاجتين دول بيكون موقفك قوى
 
#12
Mahmoud Elhossieny ممكن تفيدنى معلش و تقولى الاجراءات و الاوراق المطلوبه فالسعوديه لانى عايش فيها و عاوز اطلع سياحه اوروبا
 
عرض العطلة
#16
1-افضل دوله اللي انتي ناويه تروحيها او اللي هتقعدي فيها اكتر او اول دوله هتدخليها لو فترة اقامتك في كل الدول اللي هتروحيها متساويه .. وأي كلام غير كده فتي
عشان اللي خد فيزا من اسبانيا هيقولك انها اسهل دوله واللي اترفض من فرنسا هيقولك اصعب دوله فمفيش حاجه اسمها اسهل واصعب .
2-لو المستندات المطلوبه من ضمنها جواز السفر يبقى هياخدو جواز السفر خلال فترة فحص الطلب.
3-ملخص سريع للاجراءات دا بيكون على موقع سفارة الدوله اللي انتي ناويه تروحيها او موقع المكتب الوسيط وأحيانا بتختلف في بعض التفاصيل من دوله للتانيه
 
#18
اسهل شنجن فرنسا والتقديم بيكون من خلال TLS
جواز السفر بيفضل ما بينهم وبين السفارة 12-يوم عمل
والأوراق المطلوبة هي كشف الحساب والطيران والفندق والتامين وخطاب العمل والابليكشن والصور الشخصية ولو اول مرة يفضل يكون في برنامج للرحلة ..يفضل حضرتك تبعدي عن ايطاليا شهادة تحركات وطابعة تأمينية وعقد عمل وكل ده بيترجم .
 
#19
انا ايطاليا طلعوا عيني، نسخة اصلية من عقد العمل ومستخرج رسمي من التأمينات مش رقم والسلام ولازم يترجموا في واحد من الاربع مكاتب ترجمة المعتمدة اللي بيتعاملوا معاهم بس.. متعبين وغاليين وبيدوكي الورق ممكن بعد معاد الانترفيو بكام يوم.. اليونان لازم توريهم حجوزات مؤكدة للاوتيل والطيران، . الfake tickets wel free cancellation hotels مكالتش معاهم، هولندا وفرنسا الطف حاجة.. بيقولوا علي الموقع اصلاdont book something u cannot cancel
 
عرض العطلة
عرض العطلة
عرض العطلة
أعلى أسفل
عودة
قائمة