بقالي فتره كبيرة متابعه البوستات عشان افهم اي...

  • بادئ الموضوع بادئ الموضوع Nada Sayed
  • تاريخ البدء تاريخ البدء
N

Nada Sayed

:: مسافر ::
بقالي فتره كبيرة متابعه البوستات عشان افهم اي حاجه عن السفر لاني هموت واسافر و قولت مع الوقت اني هفهم كل حاجه
ف الحقيقة مفهمتش اي حاجه غير السفر أنه :
١- ممكن يكون شنجن يعني انزل من الطيارة واستني ف بلد وبعدين اركب الطيارة واروح البلد التانية
٢-لازم فيزا وتصريح امني ومش فاهمه يعني ايةة
٣-ان السفر لازم فية فلوس كتير عشان متتسوحش ف البلد دية
عايزة افهم كل حاجه عن السفر كل فتفوته ياريت حد يفهمني عشان متابعه البوستات والكومنتات وانا مش فاهمه وبتعب
 
شنجن دي الفيزا اللي بتدخلك اوروبا.. اللي انت كاتباه ده انك تستني في مطار بين طيارتين اسمه ترانزيت...لازم تصريح امني لبلاد معينه وده حاجه ملهاش اي علاقه بالسفر غير لو مسافره م المحروسه..
 
الفيزا دي تصريح من الدولة اللي ناوية تزوريها انك تدخليها
و هي أنواع فلازم تسألي في سفارة الدولة أو تدخلي موقعها الإلكتروني وتعرفي التفاصيل
التصريح الأمني لدول معينة ولو مسافرة من مصر
 
ببسبورنا الاخضر العظيم معظم البلاد لازم فيزا بتحضري لها وتاخديها من سفاره البلد اللي في بلدك ي بلاد ممكن تسافريها..في بلاد قليله ممكن تاخدي فيزتها بانك بتقدمي اونلاين وبتاخدي موافقه برضه اونلاين ولما بتسافري بيختمولك الفيزا وقت الدخول او بتدفعي رسوم دخولها من المطار بتاعها علي طول..وهتلاقي انك بتعملي تصريح امني للبلاد اللي من غير فيزا دي علشان طبعا الحكومه المصرية تقرييا بتخاف ع البلاد دي مننا ..مفيش حد هيقدر يشرحلك كل فتفوته لان كل بلد لها شروطها وكل حاجه لها ظروفها فانتي محتاجه تقري ولو مش فاهمه تسالي واحنا نساعدك
 
الترانزيت مش لازم في السفر هو غالبا بيكون في الرحلات الطويلة أو لو أرخص
غير كدة ب تحجزي طيران مباشر عادي
 
باختصار السفر للخارج نوعين من الدول النوع الاول من غير اى تاشيره حضرتك اقطعى تذكرة الطائرة وتسافرى علطول زى ماليزيا مثلا او بتأشيرة بتشتريها فى مطار البلد اللى هتسافريها زى بيروت مثلا
 
النوع التانى بلاد بتأشيرة ودى اغلب دول العالم ودول نوعين برضوا فى تاشيرة عاديه ودى للبلاد الغير اوربيه وخارج الاتحاد الأوروبي زى مثلا سنغافوره أو تركيا وفى دول اوربا ودول ليهم تاشيره اسمها شنجن ودى بتاخديها من اى دولة اتحاد اوربى وتدخلى بيها اى بلد حسب نوع تاشيرتك الشنجن
 
موضوع الترانزيت والكلام دا حاجه تانى ليها علاقة بتذكرة الطائرة بتاعتك حسب انتى مسافره فين ومنين وعلى خط طيران ايه لانك ممكن تسافرى رحلة مباشره او تنزلى ترانزيت فى بلد وتكملى رحلتك
 
أما التصريح الامنى دا حاجه نالته خالص مطلوبه لبعض الدول زى تركيا مثلا والسودان ودى ملهاش علاقة التاشيرة وكدا دى عشان الجوازات توافق انك تعدى فالمطار ودى لبعض الدول تقدرى تعرفيها من الجروب هنا
 
مكونات اى رحلة للخارج هيا تاشيرة الدوله اللى هتروحيها وحجز طيران ومكان الاقامه اللى هتنزلى فيه وكل نقطه من دول ليها شرح وتفاصيل تقدرى تعرفيها من الجروب لكن الأول لازم تحددى الدوله المطلوب زيارتها وتبنى عليها خطة سفرك بتواريخ السفر والعوده ومنه تحددى تكاليف رحلتك تقريبا كام والله اعلم