A
Ahmed Ashry
:: مسافر ::
انا حضراتكم حاسس انى آخر السنه دى مصر هترسى على 5 افراد كل الناس هتسافر وكل الناس عايزه تسافر بدون سبب هو قاعد على سريره ينزل بوست عايز أسافر اى دوله أوربية عايز اروح برلين اللى هى فين يا حماده اللى فى ايطاليا طيب عايز اروح تايلاند اللى هى فى اوربا هو مش محدد عايز يروح فين ولا فى أى معلومه ولا عارف حتى هى فين ليه معرفش هو عايز يسافر وخلاص بدون هدف حد هدفك واقرأ كويس عن البلد وقوم اتحرك من مكانك شوف عايز تعمل ايه انك تسافر بره وتعيش وتتأقلم لو ملكش حد هناك وعزيمتك ضعيفه هتتبهدل وهتتهان مش سهله زى ما انت متخيل راجع نفسك وبلاش بوستات ملهاش لازمه وبلاش تريقة على حد منزل بوست اى ان كان فلوسه قليله وبيدور على مكان يستمتع بيه على قد فلوسه هو ظروفه كده واللى متأكد وعنده معلومه يفيد واللى معندوش يا ريت ميأذيش بتعليقه الجروب انا شايف الناس متعونه ومعظمهم ثقافه عاليه وبيفيدوا بشكل جيد بلاش نخلى الجروب الحلو ده لحاجة غير للإفادة والاستفادة كل اللى فى الجروب ناس كبيره ومحترمة شكرة ليكم
