واحد قريبى جاله رفض فى سفاره امريكا فيزا سياحه...

[Abanoub J. George]

واحد قريبى جاله رفض فى سفاره امريكا فيزا سياحه هو ملا application تمام بس فى السؤال بتاع هو هيقعد فين كتب انه هيقعد لمده شهر عند واحد صاحبه جاتله اللوترى ومعاه الجنسيه(وضعه قانونى) على ما اتذكر الكلام ده كان من سنه السؤال هنا هو اترفض عشان كتب عنوان صاحبه ولا عشان المده كبيره ؟ مع العلم هو مالهوش قرايب فى امريكا و القنصل سئلوا فى المقابله لو عندوا قرايب فى امريكا قالوا لأ هو طالب فى سنه تانيه كليه وسؤال تانى لو سمحت هل فى فايده انه يقدم تانى ولاخلاص مفيش فايده عشان موضوع صاحبه ؟ هو سافر 3 بلاد بس مش Schengen هل لومثلا قدم مع والده ,ووالده مع فيزا امريكا يقدر يحصل عليها لوقدم عليها مره تانيه مع والده؟ ممكن لو حد عنده تجربه مشابهه يفيدنى عشان اقدر افيدو

 

[Omar AbdEl-Aziz]

اول حاجه
اكبر غلطة ممكن تعملها في ابلكيشن انك تقول ليك معارف هناك، ديه كفيلة انها تديك الرفض و انت واقف حتي لو سافرت الف مرة قبل كده (طبعاً لو ليك قرايب مينفعش تكذب عشان هتتقفش)
هو ممكن يسافر مرة شنجن و يعدي سنه علي الرفض و يقدم مع والده و ساعتها تبقي الرحلة مقنعة
يعني اسبوع في نيويورك و اسبوع في لوس انجلوس مثلاً و عنوانه يبقي عنوان الفندق ، و خلاص علي كده

 

[Somaya Soliman]

هو عشان مدة كبيرة و له حد هناك
بلاش يقدم مع حد من اهله لان ده هيكون موضع شك اكبر
انه نفسه يسافر بأي طريقة
و لو سأله ليك حد هناك يقول مالوش اقارب بس له اصدقاء لا الانترفيور مسجلة
و اصلاً مكنش لها لازمة يقول من الاول او يكتب

 

[Somaya Soliman]

طالما الاقارب مش درجة اولي او تانية يبقي بلاش نقول اصلا

 

[Nancy Magdy]

انا قدمت وانا طالبة واترفضت واتقاللي لما سألت الموظفة ليه الرفض قالتلي لعدم كفاية الاوراق، قولتلها انتي مبصيتيش حتى، قالتلي انت طالبة وده ميأكدش انك هترجعي مصر تاني، الكلام ده كان من ٢٠١١

 

[Sandy Safwat]

aham 7aga ykon honest low ht3od 3nd as7ab ol balsh tkzabm3ahom ama sabab el rafd momkan kont tas2lhom bas momkan ykon ank student w mafesh enough income w asbab kwya ank rag3 .

 

[Sandy Safwat]

think of something else anta masfrtsh bara masr 5las w yom ma tasfr awl dwla tro7ha w anta student w low7dak america .

 

[Ballo Mo Balo]

يقدم مع ابوه لو معاه تأشيرة و يبقي يوريهم تأشيرة أبوه

 

[Ahmed Shahhat]

اترفض علشان صاحبه مش علشان المدة
ويقدر ياخد التاشيرة بتأشيرة ابوه انه هيسافر معاه كعائلة يتفسحوا سوا

 

[Ashraf Akef]

اترفض للسببين المده طويله وخافوا يقعد عند قريبه ميرجعش

 

[Abdelrahman Sheta]

يقعد عند صاحبه لمدة شهر و طالب يبقى لازم يترفض .. ده الشكل النموذجي لكسر الفيزا

 

[Hazem El Shazly]

انا اخويا معاه الجنسية قدمت انا وواحد صاحبى وكنا كاتبين اننا هنقعد شهر بس متقسمين على كذا ولاية وكنا كاتبين العنوان الرئيسى عند اخويا
انا انرفضت وصاحبى خد الڤييزا
والسنة اللى فاتت ابن خالتى قدم وكتب عنوان اخويا وقال انه هيقعد شهر وخد الڤييزا
امريكا ملهاش مقابيس

 

[Fatema Tarek El-wetedi]

امريكا مالهاش مقاييس

 

[Mohamed Elhady]

لو الواحد اتعرف على واحد اجنبى وبعت دعوه شهر او اسبوعين مثلا هل هيرفضو
ولا هيقبلوها

 

[Islam Elfoly]

انا قلتله ليا واحد صاحبی وعنوانه فالابليكشن بس ممكن مقبلوش عشانه مش فاضی وخدتها عادی وقالی هتسافر امتی قلتله لما افضی ادهانی لانی كنت واضح ومبفتيش

 

[Ahmad Ashraf]

Hassan

 

[Mona Elashmawy]

يعنى ايه هيقعد عند واحد صاحبه هو صاحبه ده بعت له دعوه وقدم أوراق بتفيد أن عنده دخل ثابت يكفى انه يغطى فترة إقامته وكمان أوراق تثبت شغله وأنه بيدفع ضرائب غير كده الأفضل يقول سياحة ومعرفش حد

 

[Hend Salem]

ابن خالى قدم مع والده
والده اخدها و هو لا
بالنسبة لهم التهديد بييجى اكتر من الشباب اللى ممكن يكسر و يجازف ... لكن الكبار بيعتبروا انهم خلاص تعدوا سن انهم يبهدلوا نفسهم

 

[Sara Gabr]

لا عشان شاكوا انوا ممكن يقعد هناك وميرجعش

 

[Mohammad Hijażi]

اكبر غلطة انه قال علي موضوع صاحبه ده
احتمالية انه يكسر الفيزا في نظر القنصل بقت كبيرة