فى موقع حابة اتكلم عنه هنا بالنسبة للناس إللى...

[AI DA]

فى موقع حابة اتكلم عنه هنا بالنسبة للناس إللى بتحب سفرها يكون فيه مغامرة و يكون فيه حاجة مفيدة يتعلم منها أكبر من مجرد فسحة فى بلد. مش متأكده اذا حد اتكلم عنه قبل كده بس مفيش مانع نتكلم عنه تانى
الموقع ده اسمه ivhq.com .. وهو لمنظمة كبيرة جدا بتشجع الناس فى كل العالم انهم ينضموا ليها و يسافروا معاها تبع برامج هى منظماها و البرامج دى برامج تطوعية زى تعليم الأطفال.. المساعدة فى بناء مدارس و معاهد تعليمية و حاجات تانية فى بلاد مختلفة فى العالم.
بتدخل الموقع بتاعهم و بتشترك مجانا و بيبعتولك اول بأول البرامج التطوعية إللى موجودة عندهم و بيقولولك كل المعلومات إللى محتاج تعرفها عن برنامج تطوعى معين فى بلد معينة.
طبعا فى مبلغ بيتدفع على حسب البرنامج التطوعى إللى انت هتختاره و مدته و على حسب البلد و الزيارات إللى هتبقى متنظمة و المبلغ ده بيبقى شامل السكن والوجبات وقيمة اشتراكك فى المنظمة إللى بيساعدك على انك تاخد الفيزا( هتقدم عليها بنفسك بس اشتراكك فى المنظمة بيبقى عامل كبير انه يتوافق عليها ) و كمان أسعار مخفضة لرحلات الطيران و خدمات أخرى ليك طول ما انت موجود فى البرنامج.. وهتتكلف انت الطيران والفيزا..
انا الفكرة عجبتنى جدا و اشتركت و مسافرة قريب معاهم لأنى مش بس هستفيد زيارة بلد جديدة، لا كمان هتعرف على ناس جديدة و خبرات جديدة هتفيدنى بعدين و سفرى هيكون فيه متعة ومغامرة اكتر.
حبيت اشارك المعلومة دى معاكم لانى شفت ناس كتير سألت على الموضوع ده

 

[Ahmed Abdel Rahman]

فكره مختلفه

 

[Shady Ezz]

جميل نفسي اطلع تطوع بس خايف من كتر ما سمعت من نصب او اهمال الشركات هل الشركه دي مضمونه وهل حد تعرفيه جربها

 

[Ballo Mo Balo]

Mohamed Osama

 

[Saad Ali]

مش فاهم

 

[Mado Mohamed]

ينفع أطفال سن 15سن يسافروا و يعملوا عمل تطوعى

 

[Eslam El-sayed]

ادينا امثلةللبلاد اللي بتكون فيها البرامج دي ..انتي مثلا جالك ايه ؟ وهل عندك اختيارت بين البرامج بسهولة

 

[Mahmoud Fathi]

انتي مسافرة دولة ايه ؟

 

[Mira Nasr]

حلوه الفكره اوووي و مفيده

 

[AI DA]

/International Volunteer HQ دى كمان صفحتهم على فيس بوك

 

[Randa Aly Maher]

Mohamed Elhawary

 

[Ahmed Soliman]

انا على صفحتهم من فترة كبيييييييييرة ، بس ضيق الوقت فى شغلى مش مخلينى اقدر اخد اجازة اعمل حاجة معاهم، لان البرامج بتاعتهم طويلة وفيها تعليم ، وحاجات كتير.
بس برنامج رائع وموضوع منظم جداً.
إنتى المفروض هاتعملى volunteer فى إيه بالظبط ؟ تعليم ؟

 

[Nash Gl]

هي ال fees الاسبوعية اللي كاتبنها دي احنا اللي بندفعها بجانب التاشيرة و تذاكر السفر!!

 

[Yasser Khairy El SharQawy]

معلش في السؤال .. لو دكتور مثلا في حملات وقوافل طبية مثلا ؟ و بما انك مسافرة قريب معاهم تقريبا تكلفة الطيران بالفيزا بكل اللي دفعتيه حوالي قد ايه ؟

 

[Mina Safwat El-Tawiel]

Marwa Ahmed

 

[Ragaa Zakaria]

في حالة التطوع في اي بلد دا بيضمن لي الفيزا ولا ممكن اترفض

 

[Ahmed Ibrahim]

لما بتبعتلهم بتعملي انترفيو معاهم ع السكايب ؟ . ودفعتي فلوس البرنامج اون لين وﻵ ازاي ،؟

 

[AI DA]

طيب انا هكتب هنا شوية نقط واضحة للناس عشان فى ناس بتدخل على المسنجر تسألنى فافضل انى اكتب إللى مش واضح هنا و اى حاجة تانية موجودة على موقعهم او صفحتهم على الفيس بوك..
١- برامج التطوع موجودة فى دول كتير أبرزها اسبانيا.. ايطاليا.. الأرجنتين.. بيرو.. و دول تانية.
٢- اشتراكك فى البرنامج على حسب البلد إللى انت عايز تروحها و امتى و فى الوقت ده ايه نوع البرنامج التطوعى إللى هيبقى موجود فى البلد دى ...
٣- مفيش انترفيو ولا سكايب ولا حاجة.. لما بتيجى تشترك بتملا online form فيها كل المعلومات المطلوبة ولما بتبدا البرنامج فى البلد إللى انت رايحها بيتعمل orientation او onboarding .
4- اسعار كل برنامج مختلفة من بلد للتانية .

 

[Basma El Barbary]

Lobna Abd El Azeez

 

[Basma El Barbary]

Riham Hamdy Nesma Mahmoud