الناس عشان سافرت مرتين تلاته اربعه ... عشرة...

  • بادئ الموضوع بادئ الموضوع Mohammed Zaky
  • تاريخ البدء تاريخ البدء
عرض العطلة
#22
بغض النظر ان السؤال ميتسئلش لانه شخصي وميخصش السائل .بس المفروض مانردش برخامة .ممكن نجاوب بتهريج او مانجاوبش .
بس برضه هرد علي الناس اللي بتسال السؤال ده
لو جبتلك اي واحد معاه فلوس وقلتله عملت الفلوس دي ازاي هيجاوبك بصراحة هتروح تعمل نفس اللي عمله بالظبط ومش هيبقي معاك فلوسه لان اللي بيوزع الرزق هو بس اللي بيغني او بيفقر او كاتبلك رزقك في حاجة تانية او كاتبلك رزقك في وقت معين.
كل سنة وانتم طيبين
 
#23
هو ليه الناس مبتحبش الخير لبعض يعني زي البوست اللي اتقفل انا واحدة كنت عايزة اقري كومنتات الناس اللي سافرت واتعلم منهم ازاي اقدر اوفر مصاريف رحلتي مش حرام وفيه رحالة اجانب عاملين مواقع مش كومنت بيقولوا ازاي بيسافروا وايه المشاكل المادية وبيمولوا رحلاتهم ازاي فمش عيب نتعلم من بعض.. ولا حسد ولا ضغينة للي بيسافر. كلنا عارفين الظروف في مصر والكل نفسه يسافر.. وربنا. يوسع علي الجميع
 
#24
عشان تعمل فلوس لازم تشتغل
وشغلك حسب مؤهلاتك وتخصصك
ممكن واحد دكتور جراح بيكسب كل اسبوع 20 الف جنيه
طب افرض انت تخصصك اداب انجليزي او تجاره وقولنالك هو بيجيب فلوس منين ... هتعمل الفلوس ازاي زي الدكتور الجراح وانت مش هتقدر ابدا تشتغل شغلته ؟؟
اجابه السؤال عمرها ما هتفيد اللي بيسأل وانتوا بتضيعوا وقت لانكم عارفين ان مفيش طريقه ثابته عشان تجمع فلوس
الاحسن من تضييع الوقت في جدل عقيم انك تشوف تخصصك وايه اللي ناقصك عشان تجمع فلوس في اقصر وقت
لو مبتعرفش تتكلم انجليزي روح خد كورس انجليزي
لو مهنتك محتاجه دبلومه انزل وخد دبلومه
لو مهنتك مبتكسبش فلوس يبقي غيرها واتعلم اي صنعه زي ميكانيكي سيارات واشتغلها واكسب فلوس
لكن تسأل الناس بتصرف ازاي علي نفسها في السفر يبقي بتضيع وقتك وهما هيفضوا يسافروا كتير وانت هتفضل تتفرج عليهم
كلمه من الاخر
 
#25
رأي الشخصي
صيغه السؤال غلط و المقصود ازاي بتسافروا و اغلبنا من طبقه واحده.
فاللي بيسال عايز بس يفهم ازاي بتدير عمليه السفر عشان يعمل زيك لان فيه ناس دخلها اعلي مننا و ما عندها خبره و بتفكر مش هتقدر تسافر و تصرف.
اكيد يعني مش بيسال بتجيب فلوس منين عشان يروح يجيب معاك مثلا.
 
عرض العطلة
#27
هو ليه أي جروب سفر اجنبي بيكون ممتع ومفيد وعملي، بس معظم الصفحات العربية بتكون كلها غم ونكد ومواضيع جانبية وبوستات تكملة لبوستات تانية وكلام ورغي زيادة!!!!
 
#28
تلاقي اول ما سافرت و عملت بوست واحد ع الفيس او صحابك اما يكلموك اول سؤال هي السفرية كلفتك كام .. طب اسأل الاول اتبسط ولا لا شوفت ايه جديد انبهرت بايه .. انما بحسه سؤال للناس المحبطة اللي بتدي نفسها مبرر ان المبلغ كبير و من الافضل انهم يجيبوا بيه موبايل او حاجة اهم .. مع ان ممكن واحد يسافر ب ٥ الاف وواحد ب ٥٠ لنفس الدولة ونفس المدة #وجهة_نظرى
 
عرض العطلة
#31
هو انا اول مرة اقراء الكلام دة بس رأي البسيط في سؤالك اولا ان اللي بيسافر مرة ومثال ذلك الطبقة المتوسطة لو انا ومراتي مثلا سفرنا الساحل اسبوع انا هتكلف زي السفر برة وهيبقي الفرق بسيط بعدين اللي سافر مرة فسحة مثلا هتلقية بيحوش وبيحاول يظبط كل امورة علشان يسافر تاني يعني واحد زي مثلا من شهر ٨ اللي فات وانا بحوش علشان اسافر واخر حاجة علشان انا طولت سؤالك دة مش مكانة هنا لسبب واحد ان الجروب دة اسمةtravel experience بما معناه الخبرة في السفر فمعظم اللي في الجروب سافرة منهم اللي سافر شغل او شوبينج فدة ادي لحضرتك احساس ان كل الناس بتسافر هو الجروب بس اللي ناجح وجايب معظم الناس اللي سافر برة قبل كدة فحضرتك استحمل اي حد اعترض او اضايق من السؤال ان في ناس في الجروب ممكن تكون استلفت علشان تسافر
 
#32
انا طالبة و كان وراد جدا اسال سؤال زي دا بس الحمدلله ان ربنا ستر يعني.. احنا مش بنسال يعني عشان تعملولنا اقرار.. احنا بنسفيد من بعض يعني انا كنت بعمل سيرش عن حاجات بتبقا رخيصة بس مش مضمونة فالموضوع مش موضوع فلوس و بس لكن تجارب و انك تتعلم الادخار و ما يتضحكش عليك و ممكن حاجه بسيطة تقولها تفرق جدا معايا و مقابل دا ربنا بييسر الصعب لك يعني دا كومنت.. و في الاخر فلتقل خيرا او لتصمت. .. انا متخيله اني كان زماني انا في الموقف دا بس الحمدلله بقا.. للاسف شئ محزن
 
#33
ياعم الروش انت وهو وبتقول بيدخل في خصوصياتي وعايز يعرف مصدر فلوسي ودي قلة ذوق، اللي بيسال مش عشان هو البنك المركزي عايز يعرف تفاصيل حياتك هو عايز يعرف لو انت نفس ظروفه ممكن تساعده ويعمل زيك ازاي عشان يوفر فالظروف اللي احنا فيها دي مش شغل مخابرات وبيدحرجكك فالكلام ومش مستني تعطف عليه وتتبناه وتسفره ، هو عايز يعرف ايه ممكن يعمله عشان يبقي زيك ، احنا كلنا في مخروبه واحده محدش هنا مواليد برج شيكاغو العمومي يعني ، ارحموا من فالارض
 
#35
تقريبا الناس اللي بترد بالطريقه المتعاليه اوى دى بيبقوا مواليد برج ايفل و حاصلين علي ٣ ميداليات اوليمبية !
 
عرض العطلة
#36
معلش يا صاحب البوست حظك نفس حظى العثر إتولدنا لاقينا نفسنا بنحمل جنسية شعبها ملئ بالأمراض والعقد والكلاكيع والبلاليع النفسية إلا من رحم ربى ودول قليليييين قوى :(
 
#37
I'm sorry but that kind of question is rude.
The way I or anyone else make money isn't really your or anyone else's concern, it's either you ask how much will it cost me to fly ( for example ) to anywhere or how much will the hotel cost me.

Anything else is relatively different from one person to another.
Even friends or family can't ask that line of questions.
 
#38
والله فعلا حصلت معايا ومسالتش سؤال فلوس منين كان سؤال عادى لان سؤال فلوس منين ده فعلا مستفز وغريب وواحده سخيفه قعدت تنظر كلامى انه سؤال سخيف وتافهه ...مواليد فيينا فعلا ...لما بيتكلمو كده بتخياه وهو بيرد حاطط الرجل عالرجل والشبشب البلاستيك ..انا انسان بوهيمى يعشق السفر والرحلات
 
#40
هو الأسئلة الواقعية للمساعدة..
خدت الفيزا ازاي؟
ايه الأماكن الحلوة اللي روحتها؟
البلد دي أمان ولا لأ؟
المواصلات نظامها إيه؟ ..... الخ
لكن مش من حق أي حد يسأل حد "إنت جبت فلوس السفر منين"!!!!
كل واحد حسب إمكانياته بيسافر المكان المناسب ليه!!!
لكن مافيش إجراءات ولا طرق جديدة هتفيدك تجيب فلوس منها!!!
 
عرض العطلة
عرض العطلة
عرض العطلة
أعلى أسفل
عودة
قائمة