في اصدقاء مسافرين قريب لما راحوا بنك مصر...

[Ibrahim Elaidy]

في اصدقاء مسافرين قريب لما راحوا بنك مصر الموظف رفض يديلهم دولارات عشان معاهم فيزا سياحة بس !! فهل في حد أتعرض للموضوع ده حالياً ولا قدر يشتري دولارات عادي؟

من فترة برضه سمعت عن وجود حد اقصى لشراء الدولارات لكل فرد في السنة (مهما كانت عدد سفرياتك) .. فهل النظام ده لسه شغال ؟

 

[Ahmed Rezk]

راح انهو فرع ياباشا

 

[Maged Nofal]

بلغ البنك المركزي يحقق مع البنك و يشوف ليه بيعملوا كدة و يراجع حساباتهم الدولارية كلها.

 

[Mohamed Elgohary]

الصرافات بنفس سعر البنك و مفيهاش وجع القلب ده

 

[Somaya Soliman]

الموضوع مش مستاهل
هما فرق ٥ او ١٠ قروش بينها وبين السوق السودا

 

[Ehab Mohammed]

ازبل بنك في مصر واسف في اللفظ

 

[AmǎŊy Abdǎllah]

البنك الاهلي كان قالي استلم بتذاكر السفر وقبل السفر بيوم واحد

 

[Raafat Rassem]

بنك مصر بيصرف عادي بس ممكن تروح فرع يقولك معنديش النهارده فائض و بتصرف علي حسب معدل حسابك و كل 6 شهور تصرف مره ، المشكله ان الاوامر البتجلهم بتتغير كل فتره في الحد البتصرفة، بس اخر حاجة سمعتها حد اقصي 1000 $

 

[Nancy Magdy]

ال CIB الشهر اللي فات مرضاش يدينا غير ٨٠ دولار، ولما اعترضنا اتقاللنا ان الموضوع عندهم بقى يتحسب بال score حسب المبلغ اللي في الحساب والحركة

 

[Sammy Youssef]

ايوة شغال.

 

[Mado Mohamed]

لازم يكون الحساب مر عليه 6شهور

 

[Darch Hegazy]

اشتري من بره تقريبا دلوقتي 18.16

 

[عبدالله عبدالعزيز مكاوى]

أنا بايع اليوم 500$
على 18.05

 

[Noura Omar]

Cib up to $10,000

 

[Amany Salem]

لازم الفيزا والتذكره بتاعت الطيران والبنك هيديه دولارت على إد الحساب البنكي يعني مثلا انا كان معايا 14 الف اداني 150 دولار