انا مش عارف انا بكتب البوست ده ليه بس في...

[Mohamed Ismail]

انا مش عارف انا بكتب البوست ده ليه بس في الواقع انا نفسي اسافر القي شغل يجبلي دخل كويس مش مهم فيين اوي بس اهم حاحه يقدر يعوضني انا معنديش باسبور حتي... كلام كتير واحلام اكبر..... وواقع اكثر الما.... والسلام عليكم ورحمه الله..

 

[Hend Salem]

ليت المطالب بالتمنى .. و لكن تؤخذ الدنيا غلابا
اسعى يا عبد و انا اسعى معاك

 

[Hassan Ziwar]

قطر الكويت السعودية الامارات

 

[Ahmed Elboghdady]

حاول تروح كوريا الجنوبيه لو شغل

 

[Ahmed Maher]

قَالَ رَسُولُ اَللَّهِ - صلى الله عليه وسلم ( اِحْرِصْ عَلَى مَا يَنْفَعُكَ, وَاسْتَعِنْ بِاَللَّهِ, وَلَا تَعْجَزْ) أَخْرَجَهُ مُسْلِمٌ

 

[Li Ly]

ربنا يوسع رزقك يا رب

 

[شيماء علي مراد]

حط حلمك قدامك
و ورقة و قلم و اكتب خطواته
و في كل خطوة استعن بالله و استشير و استخير و ادعي

حط حلم قريب صغير و حلم اكبر بعيد
و خليك واقعي علشان متتصدمش بالحقيقة

مش لازم تفكر تسافر في ٢٠١٧
ايه المشكلة لما تحط معاد سفرك يناير ٢٠١٩
و الفترة دي تشتغل على كدة
حوش فلوس سفرك
و دور على افضل الفرص
تابع المنح و مواقع التوظيف الدولية
و تابع عروض الطيران المخفضة

و مع كل ده توكل على الله
و تاكد ان رزقك هيجيلك انت بس قوم دور عليه
ربنا يوفقك

 

[Mohamed ⎝⏠⏝⏠⎠ Nour]

بص
انت تروح ع أي مكتب سفريات و تطلع فيزا حره للبلد اللي انت عايزها ...و تروح البلد دي يبقي عندك عزيمه و تدور ع شغل و انشالله ربنا يكرمك

 

[Naglaa Mansour]

ربنا يعينك ويرزقك رزق حلال كلنا بنلف فى نفس الدايره
وعليكم السلام ورحمه الله

 

[Abdullah Nabil]

ممكن تجرب تاخد فيزا سياحة للامارات و تعمل اعلان في الجريدة بمؤهلاتك و خبراتك و رقم تلفونك و بإذن الله خير

 

[Salah Salah]

ربنا ييسر احوالك ان شاء الله

 

[Mado Mohamed]

ان شاء الله فى يوم من الأيام هاتفتكر ان ده مجرد حلم و أن شاء الله يتحقق حاول و اصنع حلمك

 

[Mohamed H. El Gbyly]

شوف يا صاحبي ربنا يكرمك ويقويك بس الدنيا في الوقت الحالي اشبة بالمطحنة..الشكوي وندب الزمن والحال والحظ دول اساليب العاجزين وانت مش عاجز عارف أحوال البلد منيلة بستين نيلة بس كل يوم ملايين ناس كانوا ياسوا اكتر منك ونجحوا انهاردة الموضوع ما الا رجولة والسعي والتوكل علي ربنا وصبر وثبات علي هدفك . وربنا يكرمك ويكرمنا

 

[Camila Rosa]

ربنا يكرمك و يوفقك و يحققلك كل امنياتك .. بس خلينا صرحا .. العالم دلوقتي في سباق محموم في المهارات .. اولا انت ايه المهاره اللى بتملكها تخليك تشتغل شغل في مكان كويس وبفلوس كويسه .. يبقى اول حاجه حدد مهاراتك وامكانياتك .. ثانيا شوف ايه الدوله المناسبه للمهارات دي والامكانيات اللى عندك وازاى توصلها .. حط خطط قصيره توصل لهدفك الكبير .. بس مبدئيا لازم تكون بتتكلم انجلش كويس و بتعرف كمبيوتر كويس اوي .. و ياريت لو البلد اللى رايحها الانجلش ضعيف فيها يبقى اتعلم حاجه عن لغه البلد دي حتى مش شرط الاتقان بس ال communicative language اللى تساعدك في المعاملات اليوميه ... انت محتار لانك مش عارف تخطط لهدفك لانك مش عارف توصل ازاى انت عارف الغايه بس مش عارف الوسيله ... ربنا يوفقك

 

[Mohamed Khattab]

ممكن تحاول تشوف شغل في شركات طيران بيبقي الدخل معقول و فيه تخفيض علي تذاكر الطيران لو هتحب تسافر فسحه

 

[Noha Abo Bakr]

اول حاجة الرضا بالمقسوم، ثاني حاجه شوف مجالك ايه ودور على شغل ولو محتاج خبرات زيادة او كورسات او تطوير الذات اعمل كده متكسلش ابدا ودور ف دول عربية واجنبيه وابحث ف كل مكان، ربنا مش هيضيع تعبك ابداً

 

[Yasser Hassan]

ربنا يرزقك ويكرمك ان شاءالله وتحقق كل أحلامك

 

[Mohamed Ghoneam]

متزعلش منى ،، بس ردودك كلها بتقول انك مش عاوز تتحرك من مكانك وعمال تخلق لنفسك اعذار و مش عارف حتى انت عاوز ايه ،، لدرجة انك كاتب فى اول البوست ( انا مش عارف انا بكتب البوست ده ليه ) ،، للاسف المشكله فيك برده ،، مش فى البلد والظروف بس

 

[Mohamed S. EL-Demerdash]

وعليكم السلام ورحمة الله وبركاته