رايح ميونخ في شهر اغسطس لمدة يوم واحد وحروح ال...

[Waleed Elmalawany]

رايح ميونخ في شهر اغسطس لمدة يوم واحد وحروح ال Mareinplatz وكنت ناوي اطلع منه على متحف العلوم بس قريت ان ال Deutch Museum (متحف العلوم) اغلب العروض والمعروضات باللغة الالمانية ومفيش عروض بالانجليزي او بمعنى اصح الانجليزي قليل جدا، وحيث اني معرفش الماني فكنت عايز اعرف هل حيبقى حلو والا ممل؟
ومعلش حتعبكم هل لو المتحف الالماني بايخ عشان اللغة فايه رأيكم هل ال Nymphrnburg Palace احلى والا ال Munich Residenz اللي في الداون تاون احسن؟

 

[Marwa Ghorab]

اي حاجة في ألمانيا بتبقى ممتعة خصوصاً المتاحف

 

[Waleed Elmalawany]

طب وموضوع ان الكلام المكتوب على اللوحات الاسترشادية والعروض اللي بيقدموها في المتحف بالالماني يا Marwa مش حتصعب الموضوع شويتين وبالذات اني اخري في الالماني "جوتنمورجين"؟

 

[Hend Salem]

بص لو مالكش فى العلوم كيميا و فيزيا و فلك و و ... بلاش منه لان انا روحت اتنفخت بصراحة ... علوم صرف يعنى ... يعنى انا اتبسطت فى متحف العلوم فى شنغهاى اكتر منه
قصر نيمفنبرج اظرف كفاية الحدائق اللى حواليه ....

 

[Waleed Elmalawany]

طبعا انا بحب العلوم جدا بالذات انه فيه جزء كبير عن المراكب والمناجم والطيران والعربيات بالاضافة لعروض الكهرباء والازاز ... بصراحة انا رحت كذا متحف علوم بس اللي في ميونخ ده شكله في حاجات كتير اوي بس اللي مخليني متردد هو موضوع الالماني ده

 

[Hend Salem]

ده السايت بتاعهم ممكن تبعت لهم تسالهم
انا لما روحت كان بالالمانى ... بس هم عندهم خطط تطوير لحد سنة ٢٠٢٥
مش عارفة دى تشمل اضافة لغات للعروض و لا لا ... كمان انت ممكن تطلب guide بقيمة زيادة على التذكرة
/Deutsches Museum: Deutsches Museum