E
Eslam Samy
:: مسافر ::
المستوي الثالث وده اجمد واحد chatuchak market وده اكبر سوق مفتوح بالعالم بيفتح يومين بالأسبوع بس السبت والأحد من ٨ الصبح ل ٥ المغرب وأفضل وقت تروحي فيه ١٢ الظهر وده بقي فيه من الابره للصاروخ وبجودات مختلفه واستحاله تخلصيه في يوم وفاصلي لحد اخر نفس يعني الحاجه ب ١٠٠٠ بات تخلص علي ٢٠٠ بات ولو معجبوش امشي وهتلاقي نفس الحاجه تاني وهتلاقي فيه شنط مايكل كورس هاي كوبي استحاله تفريقها عم الأصلي .... وعشان توصلي هناك تاخدي المترو وتنزلي محطه mo shit وتمشي مع الناس دقيقه واحده وبلاش تروحيه بتاكسي عشان هياخد منك كتير وهيستغلك ...واوعي اوعي اوعي تشتري حاجه من منطقه العرب او من بوكيت ...هتجبيها باقل من ربع الثمن من هناك مرتاح
E
Eslam Samy
:: مسافر ::
لو بتايا بقي مش بانكوك ...عندك central festival وده اغلبه برندات ونصه مش برندات ومفهوش فصال بس مظيف قوي ... وقدامه علي طول night pazar شغال لحد ٨ بليل فيه فصال كتير وجوده اقل وترحيلهم بالبات باص ب ١٠ بات بسهوله ... وفيه big C وده زي سيتي سنتر عندنا وعروضهم جامده موووت .... وفيه اوت ليت ..هترحيله بتاكسي ب ١٠٠ بات وجنيه مول اسمه lutas زي big C
E
Eslam Samy
:: مسافر ::
ونسيت اقولك ان استخدام المترو في بانكوك سهل قوي وأسهل من مصر وانتي اللي بتقطيع تذكرتك بنفسك علي حسب المحطه ورخيص قوي وفيه نوعين منه SKT و MRT انتي هتستخدمي اللي مكتوب عليه SKT وفيه محطه منه في منطقه العرب اسمها nana ورابط البلد كلها وفكك من التاكسيات...اسهل من مصر وانضف من مترو فرنسا واسبانيا