M
Mohammed Tarek
:: مسافر ::
ناس كتير من الجروب بعتتلي الفترة الي فاتت بتسال عن الدراسة في ماليزيا فعملت بوست عشان الكل يستفيد
ماليزيا طبعا بقت مشهورة الفترة الي فاتت في السفر و السياحة و وجهة لمصريين كتير عايزيين يسافروا فسحة او شهر عسل بس الي في ناس كتير متعرفهوش عن ماليزيا انها متقدمة جدا في التعليم و الدراسة و فيها جامعات مصنفة من احسن 100 جامعة في العالم....
من 5 سنين لما جيت ادرس في ماليزيا مكنش فيه مصريين كتير بس حاليا فيه مصريين كتير جدا بيدرسوا هنا في جامعات مختلفة..
طيب ليه ماليزيا ؟
1.البلد هادية و مسالمة و الناس طيبيين و كل واحد في حالوا و دي احسن حاجة.
2.فيه ناس بتقول انها بتتعرض لعنصرية و ده طبيعي و موجود في كل حتة في العالم و العنصرية درجات بس انا مشوفتوش بصراحة.
3.ماليزيا سياحية درجة اولى و اماكن الفسح و السفر كتير و هتبقى دراسة و فسحة في نفس الوقت.
4.بلد اسلامية و المساجد في كل حتة مع انهم مش ملسمين اوي يعني و الدنيا خربانة بردو
5.مليانة جنسيات و طوائف مختلفة و معظم الناس بتتكلم انجليزي و مش هيكون فيه مشكلة في التعامل.
6.اهم حاجة بقى انها رخيصة مقارنة بدول كتير سواء في السياحة او حتى التعليم و الجامعات الحكومية هنا بتوصل مصاريفها 3000 دولار في السنة غير شاملة مصاريف الفيزا و السكن.
7.مستوى المعيشة كويس و اسعار الاكل و السلع و السكن تعتبر رخيصة بس بتختلف على حسب المدينة و المكان نفسه.
8.الدراسة بالإنجليزي عامة بس بيكون فيه بعض الدكاترة بيتكلموا ماليزي عشان يعيدوا شرح حاجة للطلاب الماليزين.
9.الماليزين نوعا ما بيكونوا في حالهم و محدش هيقرب منك او يصاحبك غير لو انت صاحبتهم و قربت منهم.
10.الاكل هنا موجود من كل الأشكال و الالوان سواء غربي او آسيوي او عربي و المطاعم العربية في كل مكان.
11.الجامعات الحكومية الماليزية شهادتها معترف بيها في العالم كله و بعض الجامعات الخاصة.
12.دراسة الطب و الصيدلة في ماليزيا غالية و بتكون في مصر او الأردن افضل عشان كدة بيبعتوا طلابهم يدرسوا ازهر و طب و صيدلة في مصر.
13.ماليزيا جنب دول كتير في اسيا زي تايلاند و اندونسيا و الفلبين و كامبوديا و السفر بيكون سهل و رخيص و شركات الطيران زي اير اسيا بتعمل عروض ممتازة كل فترة و ممكن توفر من مصروفك و تسافر كل اجازة.
نيجي بقى للجامعة الي انا بدرس فيها
جامعة التكنولوجيا الماليزية Universiti Teknologi Malaysia
احسن جامعة في مجال الهندسة في ماليزيا و من افضل 100 جامعة على العالم في مجال الهندسة و الترتيب بيختلف حسب التخصص.. و لها فرعين واحد في كوالالمبور العاصمة و واحد في مدينة جوهور في الجنوب حوالي نص ساعة من سنغافورة
معظم تخصصات الهندسة موجودة فيها زي اليكتريكال و ميكاترونيكس و ميكانيكال و تحتها تخصصات كتير زي اوتوموتف و ماتريال و انتاج و تصنيع و البيوميديكال و الكيميكال و تحتها بترول و غاز و هندسة نووية و المدني و دي من افضل كليات الهندسة الموجودة في الجامعة و الجامعة مشهورة بالماجستير و الدكتوراه اكتر عشان هيا جامعة research
مش هقول ان الدراسة ممتازة بس كلو بيعتمد على الطالب لو ركزت و حضرت هتعرف تتعامل...لكن الشهادة لها اسمها و سمعتها...بس الجامعة فيها كل اللابات في الكليات و كل الاجهزة الي ممكن تحتاجها و ده الي مخلي تصنيفها عالي
الجامعة في مكان وسط الغابات و الاشجار مش جامعة وسط المدينة و ناطحات السحاب و الجو ده و هيا فيها كل حاجة اي طالب يحتاجها سواء مكتبة كبيرة و مسجد و حمام سباحة و استاد و مجمع رياضي في كل الالعاب و مطاعم و مساحة الجامعة يعتبر كبير جدا حوالي 1150 فدان...مدينة تقريبا
مواعيد الدراسة بتختلف من جامعة للتانية مش زي مصر كلو مع بعض بس جامعتي بالصدفة بتبدا مع مصر و بنخلص مع مصر بردو فالاجازات بتكون مناسبة مع اهلك و صحابك
الدراسة في utm ترمين
واحد من شهر 9 لحد 1 و اجازة من واحد لحد شهر 2 و التاني من شهر اتنين لحد 6..
ملحوظة: التقديم للسمستر بتاع شهر 9 September intake هيخلص اخر الشهر ده للي عايز يلحق يقدم.
طيب الشغل؟
الجامعة مش بتوفرك شغل و ممنوع تشتغل بفيزة طالب و و بعد التخرج بردو بيكون صعب تشتغل في ماليزيا بس انت و شاطرتك
ناس بتسال الموضوع كله هيتكلف قد ايه في السنة هقولك حوالي 7000 دولار شاملة كل حاجة و بتختلف طبعا على حسب كل واحد و مصاريفة و المكان الي قاعد فيه...
اي حد عنده اي استفسار عن الجامعة او الدراسة في ماليزيا عموما انا موجود يبعتلي و هرد عليكم
دول شوية صور للجامعة
ماليزيا طبعا بقت مشهورة الفترة الي فاتت في السفر و السياحة و وجهة لمصريين كتير عايزيين يسافروا فسحة او شهر عسل بس الي في ناس كتير متعرفهوش عن ماليزيا انها متقدمة جدا في التعليم و الدراسة و فيها جامعات مصنفة من احسن 100 جامعة في العالم....
من 5 سنين لما جيت ادرس في ماليزيا مكنش فيه مصريين كتير بس حاليا فيه مصريين كتير جدا بيدرسوا هنا في جامعات مختلفة..
طيب ليه ماليزيا ؟
1.البلد هادية و مسالمة و الناس طيبيين و كل واحد في حالوا و دي احسن حاجة.
2.فيه ناس بتقول انها بتتعرض لعنصرية و ده طبيعي و موجود في كل حتة في العالم و العنصرية درجات بس انا مشوفتوش بصراحة.
3.ماليزيا سياحية درجة اولى و اماكن الفسح و السفر كتير و هتبقى دراسة و فسحة في نفس الوقت.
4.بلد اسلامية و المساجد في كل حتة مع انهم مش ملسمين اوي يعني و الدنيا خربانة بردو
5.مليانة جنسيات و طوائف مختلفة و معظم الناس بتتكلم انجليزي و مش هيكون فيه مشكلة في التعامل.
6.اهم حاجة بقى انها رخيصة مقارنة بدول كتير سواء في السياحة او حتى التعليم و الجامعات الحكومية هنا بتوصل مصاريفها 3000 دولار في السنة غير شاملة مصاريف الفيزا و السكن.
7.مستوى المعيشة كويس و اسعار الاكل و السلع و السكن تعتبر رخيصة بس بتختلف على حسب المدينة و المكان نفسه.
8.الدراسة بالإنجليزي عامة بس بيكون فيه بعض الدكاترة بيتكلموا ماليزي عشان يعيدوا شرح حاجة للطلاب الماليزين.
9.الماليزين نوعا ما بيكونوا في حالهم و محدش هيقرب منك او يصاحبك غير لو انت صاحبتهم و قربت منهم.
10.الاكل هنا موجود من كل الأشكال و الالوان سواء غربي او آسيوي او عربي و المطاعم العربية في كل مكان.
11.الجامعات الحكومية الماليزية شهادتها معترف بيها في العالم كله و بعض الجامعات الخاصة.
12.دراسة الطب و الصيدلة في ماليزيا غالية و بتكون في مصر او الأردن افضل عشان كدة بيبعتوا طلابهم يدرسوا ازهر و طب و صيدلة في مصر.
13.ماليزيا جنب دول كتير في اسيا زي تايلاند و اندونسيا و الفلبين و كامبوديا و السفر بيكون سهل و رخيص و شركات الطيران زي اير اسيا بتعمل عروض ممتازة كل فترة و ممكن توفر من مصروفك و تسافر كل اجازة.
نيجي بقى للجامعة الي انا بدرس فيها
جامعة التكنولوجيا الماليزية Universiti Teknologi Malaysia
احسن جامعة في مجال الهندسة في ماليزيا و من افضل 100 جامعة على العالم في مجال الهندسة و الترتيب بيختلف حسب التخصص.. و لها فرعين واحد في كوالالمبور العاصمة و واحد في مدينة جوهور في الجنوب حوالي نص ساعة من سنغافورة
معظم تخصصات الهندسة موجودة فيها زي اليكتريكال و ميكاترونيكس و ميكانيكال و تحتها تخصصات كتير زي اوتوموتف و ماتريال و انتاج و تصنيع و البيوميديكال و الكيميكال و تحتها بترول و غاز و هندسة نووية و المدني و دي من افضل كليات الهندسة الموجودة في الجامعة و الجامعة مشهورة بالماجستير و الدكتوراه اكتر عشان هيا جامعة research
مش هقول ان الدراسة ممتازة بس كلو بيعتمد على الطالب لو ركزت و حضرت هتعرف تتعامل...لكن الشهادة لها اسمها و سمعتها...بس الجامعة فيها كل اللابات في الكليات و كل الاجهزة الي ممكن تحتاجها و ده الي مخلي تصنيفها عالي
الجامعة في مكان وسط الغابات و الاشجار مش جامعة وسط المدينة و ناطحات السحاب و الجو ده و هيا فيها كل حاجة اي طالب يحتاجها سواء مكتبة كبيرة و مسجد و حمام سباحة و استاد و مجمع رياضي في كل الالعاب و مطاعم و مساحة الجامعة يعتبر كبير جدا حوالي 1150 فدان...مدينة تقريبا
مواعيد الدراسة بتختلف من جامعة للتانية مش زي مصر كلو مع بعض بس جامعتي بالصدفة بتبدا مع مصر و بنخلص مع مصر بردو فالاجازات بتكون مناسبة مع اهلك و صحابك
الدراسة في utm ترمين
واحد من شهر 9 لحد 1 و اجازة من واحد لحد شهر 2 و التاني من شهر اتنين لحد 6..
ملحوظة: التقديم للسمستر بتاع شهر 9 September intake هيخلص اخر الشهر ده للي عايز يلحق يقدم.
طيب الشغل؟
الجامعة مش بتوفرك شغل و ممنوع تشتغل بفيزة طالب و و بعد التخرج بردو بيكون صعب تشتغل في ماليزيا بس انت و شاطرتك
ناس بتسال الموضوع كله هيتكلف قد ايه في السنة هقولك حوالي 7000 دولار شاملة كل حاجة و بتختلف طبعا على حسب كل واحد و مصاريفة و المكان الي قاعد فيه...
اي حد عنده اي استفسار عن الجامعة او الدراسة في ماليزيا عموما انا موجود يبعتلي و هرد عليكم
دول شوية صور للجامعة
shklak 5last amt7nat we ray2 tyab a El 3id dah zrofo a!!!! agilak wala htnzil kl?!