حد له تجربة سفر برا مصر لوحده...هل الموضوع...

[Ahmed Aglan]

انا جربته و عجبني جدا و كنت عاوز اكررها بس التعويم بقى .. هاتبقي حرة في اختيار ايقاع اليوم و المزارات .. فرصك للتصاحب على المسافرين التانيين هاتبقى اضعاف .. هايبقى لك وقت اكتر للتفكير و تامل الشوارع و الناس .. مللك من الوحدة هايخليكي تعملي حاجات اكتر تسلي بيها نفسك .. لازم بس تبقي مأمنة نفسك و معرفة اهلك خط سيرك من قبلها للامان ..

 

[Ziad Hamed]

أمتع حاجة في الدنيا

 

[Mahmoud Allam]

أحلى حاجة فى الدنيا السفر لوحدك ،بس خطورته إنك ممكن سهل تتسرق او يتنصب عليك

 

[Mohab Reda]

طول عمري بسافر لوحدي ، تجربه السفر لوحدك بتدي تحدي و ثقه بالنفس و احيانا تعامل مع مواقف صعبه و قرارات بتتاخد . توكلي علي الله .

 

[Hassan Hilmy]

بتفرق علي حسب المكان اللي بتروحيه و مدي تقبلهم للاجانب لكن الواحد لما يسافر لوحده بيتعلم حجات كتير و بيكون صداقات في ظروف غير عادية و ممكن يكتشف حاجات جديدة ف نفسه

 

[Fady Elias]

تجربة "السفر لوحدك" دي في حد ذاتها مغامرة و تجربة لازم تجربيها.
هتستمتعي بانك بتمشي يومك علي مزاجك ... و انك ممكن تعدلي خطة يومك في اي لحظة حسب الي شايفاه انسب ..
هيساعدك google maps مش هايخليكي محتاجة حاجة. و هتتعرفي علي ناس جديدة .

 

[Mahmoud Noureldin Aal Youssef]

الناس بتختلف كشخصيات ... بس من وجهه نظري كوني مع حد بتحبيه حتى لو كنتي عاوزة تاخدي جنب ومتتكلميش مع حد ... وجودكم سوا كفايه ... الونس ليه طعم ولو كان من غير كلام .... السفر متعه والمتعه الاكبر في الصحبه الحلوة اللي ممكن تخلي اي مكان ليه طعم وتغير المفهوم ... يعني كل الاماكن جميله سواء مشاهد طبيعيه او اثار كلها حاجات حلوة بس مش جمالها هو اللي بيخلينا نفتكرها قد الذكريات الحلوة اللي عدت علينا فيها واحنا بنزورها ... ممكن كلمه ممكن افيه ممكن موقف ... السنين لما بتعدي مش بنفتكر جمال البلاد الحلوة قد ما بنفتكر الصحبه اللي خلت الوقت يبقا حلو والجمال دا يربطنا بيها وبمواقفنا فيها ... والا كنا قضيناها فيديوهات وصور بقا واختصرنا .... معرفش راي هيكون مفيد ولا مجرد انعاكس للي جوايا انا وبس

 

[Ahmed Essam]

تجربة وحشة عشان هترجع مش طايق حد وكاره عيشتك هنا

 

[AbdElrahman Zizo]

لو المدة قصيرة يبقي لوحدك احسن طبعا

 

[Nadine Youssef]

بصي التجربه في حد ذاتها حلوه اوي وهتفيدك وهتعلمك كتير

 

[Mahmoud Samir Bedair]

علي طول بسافر لوحدى
بيكون فرصه جميله للتعرف علي ناس جديده من جنسيات مختلفه خصوصا لو قاعد في هوستل

 

[Haidy Khattab]

انا سافرت وانا كنت لوحدي تبع الشعل
من 7 سنين و كنت لسه متخرجه و معنديش اي تجارب تعامل مع بشر اصلا بحكم اني كنت في كليه عملسه كلها مذاكره و assignments و كده
و سافرت لوحدي المانيا
و الموضوع امان جدااااا

المقدمه بس عشان اثبتلك انه انا كنت ساذجه و معرفش اتصرف و مع ذلك روحت و انحركت و مفيش حد اتعرضلي
طبعا كل مره. بتفرق عن التانيه و بتكتسبي خبره اكتر

بس افتكر ليا زميلات مثلا قالولي حرام تسافري و انتي بنت لوحدك و بتاع و كنت حاضره محاضره لفاضل سليمان
سألته قالي سافري المطارات منتأمنه و الدول دي متأمنه

كأول تجربه ليكي ارشحلك تسافري سويسرا، النمسا او المانيا.. امان جدا

 

[Ahmed Mohamed Hassan]

بتفرق من شخص للتاني ممكن واحد يعرف ينسجم لوحدة بدون مايحس بالوحدة وشخص تاني يحب اللمة مينفعش تاخد بنصيحة حد في الموضوع دة حسب شخصيتك

 

[Yasser Khairy El SharQawy]

اكيد احسن من هنا ان مكنش عشان البلد نفسها فعلى الاقل عشان الناس وللثقافات الجديدة اللي بتشوفيها

 

[Ahmed Bin Mohmed Al Gresha]

السفر لوحدك متعه بيكسر كل الخوف الي جواكي

 

[Ahmed AbdAllah]

هو السفر مع اصحابك ده ليه طعم مقدرش انكره..
لكن انك تسافر لوحدك ده بخليك تتجرأ اكتر انك تحتك بناس تانية ليها ثقافة وطبيعة مختلفة

 

[Ayman Sourial]

لو بتعرفى تخرجى أو تسافرى جوة مصر وتستمتعى لوحدك . يبقى هاتتبسطى برة لوحدك . حاولى تاخدى فكرة كويسة عن البلد من ال YouTube

 

[Mrwan Nabil]

انا بسافر بطبيعة الشغل لوحدى السفر لوحدك هيوفر لك وقت اكتر تروحى اكتر من مكان وكمان لو حبيتي تعملي شوبينج المهم تعملىplan كويسة وخاصة لو مدة السفر قليلة .. بالتوفيق

 

[Mohamed Moneer]

لا مش لطيفة..السفر محتاج رفيق..

 

[Wessam Saied]

انا لسة هجرب الشهر الجاى ربنا يستر