E
Eman ElAmir
:: مسافر ::
السفر للشغل
لاحظت ناس كتير جدا بتقول إنها عايزة تسافر عشان تشتغل وتسأل عن الدول اللي سهل نلاقي شغل فيها والفيزا سهلة .
طبعا فرق كبير جدا بين فيزا العمل وفيزا السياحية العادية .
دي شوية نصايح ممكن تساعد الناس اللي بتفكر تسافر تشتغل أو تدور على شغل .
1. أول حاجة لازم تعمل سيرة ذاتية كويسة وتحط فيها كل المهارات اللي بتعرفها واللغات والتدريبات اللي حضرتها ولو حضرت أي ورش عمل او مؤتمرات أو أي شغل وخبرات سابقة .
2. هتعمل حساب على المواقع الشهيرة للتوظيف أو اللي بيتحط عليها السيرة الذاتية للشغل زي Linked in ، glass door , bayt, Wuzuf وغيرهم كتير
3. هتتابع المواقع المعروفة في كل دولة اللي بتقدم وظايف وتتابع كل الإشعارات عن الوظائف المناسبة ليك . تقدر تشوف على google , Olx ومواقع كتير جدا . وكمان الجرايد اللي بتنزل إعلانات الوظايف.
4. ممكن تسافر تعمل انترفيوهات أو تدور على شغل بس تكون من قبلها محدد مواعيد أو عامل دراسة عن المكان اللي هتروحه ومحدد ميزانية هتصرف ايه هناك إقامتك ومواصلاتك والفيزا وتكلفة رحلة البحث عن عمل .
5. متفكرش تماما إنك تكسر فيزا أو تروح هناك وتبقى تغير عقد العمل معظم التجارب دي مش ناجحة ومصير أصحابها كان سيء جدا . لازم تتأكد ان وجودك في البلد قانوني وسليم.
6. حاول تطور مهاراتك وتتعلم لغة جديدة أو برمجة كمبيوتر وتجرب تشوف الشغل اللي انت عايزه محتاج مهارات ايه عشان تقدر تاخد الوظيفة دي وتكون أحق بيها من غيرك . حتى لو انت شاطر في حرفة معينة برضوا لازم مهارتك فيها تكون مختلفة .
7. لازم تعرف البلد دي طبيعة الحياة فيها ايه والطقس ونظام الضرايب والتأمين الصحي هناك وأسعار الشقق ومساحتها . والمواصلات وتكلفة تأجير عربية أو شراها بالتقسيط ولو عندك عرض عقد عمل أو وظيفة لازم تدرس كويس المبلغ ده شامل ايه عشان تقدر تقيمه.
8. لازم تعرف البلد دي ليها سفارة ولا مكتب تمثيل دبلوماسي لبلدك الأصلي عشان تقدر تعرف لو احتجت تعمل ورق أو تغير باسبور موقفك هيكون ايه .
دي مجموعة افكار للباحثين عن العمل خارج الوطن بالطرق السليمة من غير كسر فيزا ولا مغامرات غير محسوبة .
طبعا ده غير الاستثمار والمشروعات الصغيرة لأن ده له حسابات تانية .
في النهاية مفيش حياة سهلة ولا شغل منتظر على الباب من غير ما تتعب وتعافر عشان توصل له.
ربنا يوفقكم لكل الخير .
لاحظت ناس كتير جدا بتقول إنها عايزة تسافر عشان تشتغل وتسأل عن الدول اللي سهل نلاقي شغل فيها والفيزا سهلة .
طبعا فرق كبير جدا بين فيزا العمل وفيزا السياحية العادية .
دي شوية نصايح ممكن تساعد الناس اللي بتفكر تسافر تشتغل أو تدور على شغل .
1. أول حاجة لازم تعمل سيرة ذاتية كويسة وتحط فيها كل المهارات اللي بتعرفها واللغات والتدريبات اللي حضرتها ولو حضرت أي ورش عمل او مؤتمرات أو أي شغل وخبرات سابقة .
2. هتعمل حساب على المواقع الشهيرة للتوظيف أو اللي بيتحط عليها السيرة الذاتية للشغل زي Linked in ، glass door , bayt, Wuzuf وغيرهم كتير
3. هتتابع المواقع المعروفة في كل دولة اللي بتقدم وظايف وتتابع كل الإشعارات عن الوظائف المناسبة ليك . تقدر تشوف على google , Olx ومواقع كتير جدا . وكمان الجرايد اللي بتنزل إعلانات الوظايف.
4. ممكن تسافر تعمل انترفيوهات أو تدور على شغل بس تكون من قبلها محدد مواعيد أو عامل دراسة عن المكان اللي هتروحه ومحدد ميزانية هتصرف ايه هناك إقامتك ومواصلاتك والفيزا وتكلفة رحلة البحث عن عمل .
5. متفكرش تماما إنك تكسر فيزا أو تروح هناك وتبقى تغير عقد العمل معظم التجارب دي مش ناجحة ومصير أصحابها كان سيء جدا . لازم تتأكد ان وجودك في البلد قانوني وسليم.
6. حاول تطور مهاراتك وتتعلم لغة جديدة أو برمجة كمبيوتر وتجرب تشوف الشغل اللي انت عايزه محتاج مهارات ايه عشان تقدر تاخد الوظيفة دي وتكون أحق بيها من غيرك . حتى لو انت شاطر في حرفة معينة برضوا لازم مهارتك فيها تكون مختلفة .
7. لازم تعرف البلد دي طبيعة الحياة فيها ايه والطقس ونظام الضرايب والتأمين الصحي هناك وأسعار الشقق ومساحتها . والمواصلات وتكلفة تأجير عربية أو شراها بالتقسيط ولو عندك عرض عقد عمل أو وظيفة لازم تدرس كويس المبلغ ده شامل ايه عشان تقدر تقيمه.
8. لازم تعرف البلد دي ليها سفارة ولا مكتب تمثيل دبلوماسي لبلدك الأصلي عشان تقدر تعرف لو احتجت تعمل ورق أو تغير باسبور موقفك هيكون ايه .
دي مجموعة افكار للباحثين عن العمل خارج الوطن بالطرق السليمة من غير كسر فيزا ولا مغامرات غير محسوبة .
طبعا ده غير الاستثمار والمشروعات الصغيرة لأن ده له حسابات تانية .
في النهاية مفيش حياة سهلة ولا شغل منتظر على الباب من غير ما تتعب وتعافر عشان توصل له.
ربنا يوفقكم لكل الخير .