ارحو الافادة بليز انا متجوز من شهرين و عايز...

[Refaat Hanna]

ارحو الافادة بليز انا متجوز من شهرين و عايز اسافر اوربا سياحة
أنهو الفرصة الافضل اسافر لوحدي و لا مع زوجتي
مع العلم زوجتي لسه اصلا هاتعمل باسبور
و اتا معايا باسبور منتهي فيه اقامة الكويت و تأشيرات زيارة عمل الكويت و 3 تأشيرة البحرين زيارة
و الباسبور الجديد فيه اقامة بس الكويت بس منتهية من سنة لاني بطلت اسافر
كله بامر الله بس نصايحكم ايه عشان فرصة اخد التأشيرة
و شكرا ليكم

 

[Karim Aziz]

F

 

[Mohamed Elgohary]

اعذرنى على تطفلى و بعيد عن سؤالك
هو لو الافضل تسافر لوحدك
فعلا هتتفسح لوحدك و تسيب زوجتك؟؟
بالنسبه لسؤالك تسافروا مع بعض عادى و الفكره كلها فى ورق قوى.....الشغل بتاعكوا و حسابك البنكى

 

[Mohamed Hamed]

لا طبعا لوحدك هتبقي مملة خد المدام انا عملت زيك بعد ما اتجوزت والفكرة مسألة ورق مترتب وتمام هتخدو انتو الاثنين التأشيرة عادي

 

[Sahar M. Khaled]

يعني ينوبك ثواب فيها ونصحيه اخويه خدها معاك علشان الموقف ده حتفضل في اي خناقه حتقولك اه منتا سافرت تتفسح وسبتني الموقف ده مصيري وحيفضل لحد ١٠٠ سنه يديكو العمر والصحه

 

[Mohamed Mohamed]

لوحدك طبعا في الخفيف خفيف

 

[Michael Mickey]

اكيد لوحدك طبعااااا. اولا عشان اي سفرية حاليا هتكلفك كتير جدا.. ثانيا سافر انت وحدك جرب البلد دي هل هتستمتع فيها ولا لا ولو انبسط ف البلد دي اووي يبقي المرة الجاية تكون حوشت مبلغ محترم وتقدم ع نفس البلد انت والمدام وساعتها هتخدوها تاني بسهولة لانك خدتها اول مرة.

 

[Sara M. Ahmed]

لوحدك ؟!
بص هى اكيد حياتك وانت عارف اكتر اية الصح في علاقتكم بس لو عاوز رأى فعلا متسافرش من غيرها لانها هتسيب علامة عندها وحشة اوى وهتعمل بينكم مشاكل بعد كدة من غير داعى
استنى لحد ما هى تخلص الباسبور بتاعها واوراقها ومعتقدش ان الموضوع هياخد وقت كتير

 

[Mostafa Nassar]

من غير تطفل و الله بس لازم تاخد مراتك معاك !! ابسطها معاك و تتسلوا مع بعض !

 

[Refaat Hanna]

طيب ايه الموقف الاقوى بالنسبة لفرصة اني اخد التأشيرة لوحدي و لا انا و زوجتي؟ مع العلم انها حامل و لو هاقدم انا و هي ايه الورق اللي هي تحتاجه و هي مش بتشتغل

 

[Refaat Hanna]

كل البنات طبعا زي ما توقعت هاتقول طبعا تاخدها معاك ههههههه انا بتكلم عن الموقف الاقوى لاعطاء التأشيرة و بعدين ممكن نسافر مع بعض مرة تانيه عشان مش معايا اي تأشيرة شنجن

 

[Islam Fares]

انا اقترح تعطي الفلوس للمدام وهي تسافر لوحدها
اكيد هاتستمتع
ينفع؟

 

[DiDo DiDo]

يعنى انت ترضى انها تسافر لوحدها و تتفسح و انت تعد تغنى ظلموه

 

[DiDo DiDo]

و بعدين خدها ده حتى ثواب و ربنا هيباركلك انا ممكن اتقهر لو جوزى قاللى كده

 

[Alaaddin Elshazly]

فجاه رفعت شاف المستقبل ومراته فضلت تقوله مانت سافرت لوحدك وقعدت تبهدله بسبب السفريه دي وكانت سفريه هباب بص الافضل سافر لوحدك عشان الحياه غليت اوي وكمان هتروح بلد اول مره تروحها ف ماتعرفش ازاي هتوفر ولا ايه الرخيص وايه الغاليه بعد كده روح على نفس البلد مع مراتك عادي ده انا شايفه افضل والي يريحك اعمله ❤

 

[Refaat Hanna]

ههههههههههه

 

[شيماء علي مراد]

سافر لوحدك و بعد هي ما تقوم بالسلامة
تسيبلك البيبي و تروح تغير جو يومين لوحدها

 

[Mayada Mohsen]

خدها معاك تلحق تتبسط يومين قبل دوامة الاطفال و بعدين بقالكو شهرين يعني عرسان وحشة في حقك

 

[M Adel Amer]

رأى أنها لو معاك أفضل امام القنصل على أساس انكم رايحين شهر العسل وعرسان جداد وأنك مش هاتهرب فى سبب مقنع وطبعا كشف حساب قوى

 

[Amira Magdy]

اكيد تسافر معاك
حيجلك قلب تسيبها تتفسح وتنبسط وهى قاعده فالبيت مستنياك وانتو لسه متجوزين حتى
وحتى لو حامل استنى بعد التالت وسافرو
ع فكره لو فيه عقبه حتكون عندك انت فاوراقك هى ملهاش دعوه هى تابعه ليك دلوقتى وانت حتقدم باسمك مش اسمها وبعدين الباسبور مش بيطلع بعد سنين يعنى
بالعكس هى معاك ممكن تقوىك وتتقبلو