علشان موضوع بتجيبوا الفلوس منين اللى فى ناس...

[Dina Magdy]

علشان موضوع بتجيبوا الفلوس منين اللى فى ناس اتضايقت منه
لما أصبحنا كلنا قاعدين عال social media أصبح ليها تأثير كبيييير او فى حياتنا

فى بعض الحاجات اللى اصبحت مش مفهومه و هو تصدير ان كل حاجه سهله و ان الحياه البوهيميه جميله

واحد يسيب شغله و يعمل shift لل حياته و يقول كلمتين حلوين و يبقى مشهووووووور و يعمل محاضرات بس مبيقولش الحيطه اللى سندته ايه ..... واسطه ولا تعب و حفر فى الصخر لأ بيصدروا فكرة الفعل و نتيجته و بس فالناس تنبهر و هى قاعدة عالكنبه و تاخد للأسف قرارات كمان

كذلك السفر ... الموضوع مش جبت الفلوس منين متخدهوش على نفسيتك اوى كده

معظم المتابعين من جيلنا اللى عنده 23 سنه و 24 لحد 27 سنه ... اتخرجوا من الكليه خيارات حياتهم و اولويتهم طحنتهم .... نفسنا نسافر جدا بس فيه كورس و فى شغل معاه و فى التزام بأيام اجازات محدده علشان تاخد وضعك فى شغلك أصل الحياه مش بوهيميه أكيد صح ؟ و انتوا لما سافرتوا قررتوا ده بعد ما وصلتوا لحاجه تطمنكم انكوا تسافروا اللى قرروا يكونوا رحاله دول موضوعهم تانى علشان مش الكل هيبقى عنده الأولويه دى ... بس كده الموضوع بسيط جدا .... هتسافر لازمك فلوس تذكره و تأشيره و اكل و شرب و عيشه هناك طبيعى صح .. هنروح بفلوس على الأد و منغير فلوس احتياطى و نرجع عالحديده و اهلنا يصرفوا علينا علشان كنا بنتفسح و سيبنا الشغل و دلوقتى مفيش ..؟ أكيد لأ

ملحوظه انا من الناس اللى حاطه هدف انى اسافر و عارفه هسافر فين و ليه و ازاى و امتى و لما ا وصل ل ايه ...لأن السفر ده حياه و اللى مسافرش يبقى معاش .... بس لسه مش داخل دماغى البوهيميه اللى بتتصدر كتير اوى فى الحاجات اللى حطينها حلم لينا زى السفر او اننا نغير شغلنا او نسيبه ....بس كده طولت عليكم

 

[Ibrahim El-senawy]

الحمدلله شغالين وكويس جدا ومتوسط دخل ١٠-١٥ الاف ف الشهر بس علشان اعمل حاجه زي كدا تكلفني كتير جدا باقول الناس دي اكيد اولاد عز وابو هشيمه والناس دي

 

[Ahmed Genena]

مش ضروري البوهيمية علي فكرة
احيانا كتير السفر باقل التكاليف
من غير بهدلة و بناكل كويس و كل حاجة بس مش مطاعم فخمه
و مش بنتحرك من مكان لمكان بتاكسي لا مواصلات عامه و بتشوفي كل الي غيرك شافه بس بتوفير

 

[Enas Sleem]

قولتي الخلاصة و الله

 

[Eslam Sleem]

اناا مش فاهم حاجه يعني هنسافر ولا مش هنسافر ف ايامنا السوده دي

 

[Mai Mahmoud]

الله ينور عليكي ياشيخه
واحب اقول للناس اللي اضايقت انت بترد ليييييييه
واضيف ان اللي عايز يسافر ينسى فكره الجواز

 

[Lina Elmelegy]

معاكي جدا بس معلش ليه اقول دخلي او بجيب الفلوس منين جروب عشان نفيد بعض و نحاول نستفاد من خبرات بعض انما دي انا شيفها خصوصيات مش من حق حد يعرفها او يطرق لحوار ليها نهائي غير كدا اي اسئله عادي و علي فكره سفر مش مكلف اوفر فكره تعرفي تظبطي حجوزاتك

 

[Hassan Mohamed]

طب واللي اصلا مسافر وعايش بره ده وضعه ايه

 

[Amr Ali]

أكيد السفر شيء مكلف تذاكر طيران وفندق ومصاريف شخصية لأي مسافر..
في الاغلب اللي متعود على كده له سيستم مادي محترم في حياته بيخليه يقدر وقت ما يكرر سفر انه يطير .
الأمور المادية كلنا مختلفين فيها وكل واحد ورزقه وحياته وربنا يكرم الجميع من وسع .

 

[Sue A. EL-Shorbagy]

هيا عايزة فلوس وطموح ودافع ورغبة في السفر وتنفيذ
مش كلام وخلاص
وترتيب الاولويات
وناس مش بتحب الحياة التقليدية

 

[Samy Abd-Elaziz]

Mohamed Rabei Mohab Kibaa

 

[Mohamed Salah Eldin]

كلامك صح ومش عيب ان الواحد يسافر بعد ما يكون مطمن على شغله وحياته . انا اول اسافر سياحة كان سنة 2012 وكان عندى 34 سنة .

 

[Maha Ali Younes]

الموضوع مش مستحيل ياجماعة اشتغل عادى شغلك طول السنة بس بتحوش قد ماتقدر و بتستغنى عن الحاجات اللى تقدر تستغنى عنها و تاخد إجازة اسبوعين او شهر كل سنة محدش بيسافر كل شهر يعنى

 

[Mohamed Salah Eldin]

مش لازم ان كل واحد فينا يكون كوبى بست من التانى . كل واحد يحاول يستمتع بحياته ويسافر زى ماهو عايز حتى ولو كان داخل مصر . وعلى فكرة مصر فيها اماكن روعة منعرفش عنها حاجة وزيارتها مش مكلفة .

 

[Mohammed AbdeLraouf]

على فكرة معظم اللي عامل مشاكل هنا في البوست دة بنات والموضوع لو متابعينة من الجروب من فترات ما كنش الاسئله دي تتسئل & مش عارف ايه عايزين تعرفوا كل حاجه بالظبط بالخصوصيه & يا سيدي انت وهيه كل واحد عندة طموح وهدف اشتغل عليه وشوف علشان هاتحققه هاتعمل ايه وهاتتنازل عن ايه وكل واحد عارف إمكانياته ولازم يطورها مرتبك قليل اشتغل شغلانتين و ٣ وشغلك مش عاجبك غيرو واشتغل اللي يعجبك أو اعصر على نفسك لمونه واستحمل لحد ما تحوش وتسافر واتعلموا بقي من خبرات الأخوة الرحاله بسيطة والله مش محتاجه كل الكلام دة

 

[Michael Mickey]

علطلاق مانا مسافر وهروح اجوز احسن

 

[Abdallah Rezkallah]

مع احترامي ... اللي بيعمل شفت كرير مش بعد 6 سنين في الكرير عشان يعرف يكمل ولا لأ ... والحيطة بتكون القرشين اللي عملهم الغترة دي .. بالاضافة الي ان يسبق فترة التغير شغل مكثف عشان يعرف ينقل .

 

[Mahmoud Nunu]

بالنسبالي لو كنت اشتغلت في مصر عشروميت ولا كنت هسافر (سياحة) في يوم من الايام، فكان الحل ان اسافر واشتغل بره، وبعد كده السفر هيكون الى حد ما اسهل وده فعلاً اللي حصل.

 

[Mohamed Megahed Al-Jaafari]

انا ف الكليه ولسا بدرس وبشتغل ف الصيف وبحوش فلوس ع جنب وبطلع اسافر ، سافرت مرتين برا وروحت الارجنتين والامارات صرفت اللي حوشتهم وجيت ، والموضوع بسيط خالص والله

 

[DiDo DiDo]

قلتى كل لفنفسى خصوصا بأه لما تكونوا متجوزين و فرقبتكوا طفل او اتنين طب نصرف و نتفسح ولا نحوش و يبأه نفسنا طول عمرنا و معملناش ولا نصرف و نرجع نمد ايدنا لاهلنا الموضوع مش سهل و لما بتصرف ضميرك بيأنبك عشان الاولاد بس انا عن نفسى قررت كل سنه بدل مروح الساحل اللى بنصرف فيه كتير اوى اوى كل ويك اند و بدل منشترى هدايا بالشئ الفولانى و بدل مناكل كل فتره فمحل ب خمسميه ولا حاجه كوووول ده يتحوش و نسافر حاجه واحده طويله من اللى نفسنا فيها و خلاص و برده ده هيكون بعد مضغطنا نفسنا و احنا الحمدلله مرتاحين بس فعلاً الدنيا بقت صعبه و انك تسيبى شغلك اللى ساندك ده قرار فعلاً بوهيمى و توابعه هتيجى عليكى قبل اى حد و هتظلمى فرجلك ناس تانيه عايشه معاكى اهلك هتاخدى منهم تحويشتك هتصرفيها و هكذا اللى يسب يكون رابط فحاجه تانيه تسنده مشروع شغل خاص ايا كان الدنيا سعى و عمل لنفسك و للناس اللى تعبت فتربيتك و لاولادك من بعدك عشان متسيبهومش يتلطمو فالدنيا انا من خمس سنين نفسى اسافر بس عماله بظبط وقتى و قت بنتى و وقت امى و جوزى و فلوسنا عشان نصرف و احنا مش ندمانين خصوصا ان جوزى مبيرضاش بحوار ناكلها ملح و دقه و ننام فالقطارات و ف اى حته عشان نبأه خرجنا بره مصر و احنا ممكن نروح غردقه او شرم او الساحل خمس نجوم متهنيين و مبسوطين بس هو عشان يرضينى وافق و انا عشان ارضيه كنت بوفر من وراه و هساعد ففلوس السفر