A
Ahmed Shagie
:: مسافر ::
( رحلة العمر ) وكفي ❣❣❣
الرحلة دي يارب تكون من حظك ومن نصيبك أه والله بص بقي ركز وهات الفشار واقرأ وركز لأنك مش هتندم ابدا
أولا الرحله دي بتطلع مرتين من مصر كل سنه غالبا مره امريكا ومره فرنسا انا طلعت الأولي امريكا ( عايزك تركز )
معاليك بتطلع من مطار القاهره مع جروب الجروب ده بيكون غالبا نفس تفكير دماغك علشان فكر في رحلة زي دي زيك بالظبط
ركبنا الطيارة متجهين الي مطار إرولاندو في الولايات المتحدة
وصلنا المطار لقينا الباص الخاص بينا منتظر ومرشد سياحي بيتكلم عربي وانجليش تقريبا 30 دقيقة ووصلنا الفندق شيراتون اللي موجوده في ارولاندو لكل واحد ليه غرفة لمده يوم حاجه كده فضلت خيرك زي شقة في التجمع والله مش ببالغ حوالي 70 متر حجز سنجل علشان معاليك تاخد راحتك لمدة يوم واحد علشان نريح فيها وتبدأ الرحله بكره متستعجلشي الرحله هتبدا بكره
طبعا جميع الوجبات علي الحجز بتاع الفندق نمت صحيت الصبح لقيت المشهد اللي في الصوره الأولي وبعدين ركبنا الباص الخاص بينا متجهين الي ميناء ميامي البحري تقريبا وصلنا بعد ساعه ونصف في الباص مع الجروب والمرشد السياحي اللي بيفضل معانا طول الرحله لحل المشاكل لو وجد ولكن الحمد لله مفيش مشاكل طولت الرحلة حضرتك اه والله
الوهلة الأولي ليا للمركب حالة من الانبهار التام والصدمة الأكبر لما طلعت علي متن السفينة نيروجين حضرتك 18 دور اه والله 18 دور
طول السفينة حوالي 600 متر وعرض تقريبا 100 او اقل ما شاء الله حاجة كده فضلت خيرك
المركب فيها 6 مطاعم وحوالي 4000 شخص حاجزين ومتجهين معاك نفس الرحلة
كلهم أجانب من شتي بقاع الأرض اختلاف الثقافات تكفي
اول ما تدخل المركب بتأخد id زي الفيزا بالظبط دوره بيكون بدل الباسبور تنزل بيه أي دوله في الرحله في كل بياناتك طلعلي تقريبا في دقيقتين
طلعت المركب قعدت ماشي للغرفة بتاعتي علي الخريطة تقريبا 20 دقيقة ووصلت واذا هي :
اللي فات حاجه واللي جاي حاجة تانيه
غرفة في الدور الثامن مطلة علي البحر سنجل حوالي تقريبا 50 متر بالبلكونه اه والله ليها بلكونة
وإذ يتحدث الكابتن ببدآ الإبحار
اللي فات حاجة واللي جاي حاجة تاني خالص عايزك تركز بقي بالله عليك
بدأ الإبحار وبدأت الحياة علي المركب رميت الشنطة وغيرت هدومي ونزلت أتعرف علي المكان بدأت بالدور 15 الأفضل الي قلبي أصل أن نسيت اقولك ده المطعم
المطعم ده علي مساحة نصف المركب جميع انواع الأكل والمطاعم مطعم تركي وكان افضلهم لأنه الوحيد الأكل الشرقي بالنسبالي مطعم إيطالي مطعم صيني مطعم إسباني مطعم هندي الخ طبعا فطار غداء عشاء وجبات في أي وقت علي حمامات السباحة وعلي الجاكوزي والمشروبات كله فري تابع للحجز حضرتك مبتستخدمشي فلوس علي المركب حضرتك ضيف لمدة 12 يوم كلة فري إلا الكحوليات
بعد العشاء روحت الشو علي سطح السفينة وبعد كده روحت المسرح حوالي ساعة وبعد المسرح بتروح الغرفة اوعي تفكر علشان تنام لا علشان تغير وتبدأ السهر
في ديسكو علي سطح المركب بيقعد من حوالي ساعتين غالبا المصريين بيتفرجوا بس زي بالظبط
اوعي تفكر أن السهره خلصت اوعي تكون مستعجل بعد الديسكو ده بتكون عايز تأكل تاني في مطعم في الدور 8 فاتح علطول بيقدم أكل كويس جدا طبعا كله فري تبع الحجز
بعد المطعم المحترم والعشاء الخفيف الممتاز تطلع الدور 9 علشان الديسكو الصباحي
وده حضرتك في كل جنسيات العالم برضوا الدخول فري ودخول أي مكان في المركب فري
أصل حضرتك انتا ضيف
الساعة بقت 6 الصبح وأخيرا الغرفة تاني اوعي تفكر اني هناك لا حضرتك
شاور تغيير ملابس تحضير شنطة علشان المركب هترسي في ميناء جزيرة المكسيك الساعة 9 صباحا يدوب الحق أفطر واحضر محتوياتي
بدأ الفطار من 6 صباحا وجهزنا نفسنا مع المرشد السياحي علشان ننزل الساعة 9 نزلنا تفاصيل كثير بس بنرجع في نفس اليوم نبحر تاني لدولة جديدة نبحر ليلا والنهار بننزل في جزيره أو دوله شكل بتتعرف من خلالها علي ثقافات العالم وناس مختلفة في 12 يوم تقريبا نمت 8 ساعات علي أوقات مختلفة محبتشي لحظه تعديني في أفضل رحلة ليا علي الاطلاق المركب الدول اللي بتمر بيها هي :
_ميامي أمريكا الإبحار
_المكسيك جزيرة
_جامايكا جزرتين كل واحده يوم
_البحر الكاريبي يوم إبحار
_جورج تاون جزيره يوم
_جزر البهاما جزيره يوم ⛴
_ثم العود الي ميناء ميامي البحري
رجعنا اللي الميناء ثم الباص ثم العودة الي إرولاندو فندق شيراتون والغرفة 70 متر بانتظارك
توصل ترمي الشنطة تغير وتنزل علي انتا مدعو علي عشاء فاخر في مطعم عالمي
والله ياجماعة ده كثير
تروح الفندق الساعة 3 صباحا تنام تصحي 7 علشان الفطار ويبدأ رحلة الشوبينج طيلت النهار يجي الباص الساعة 11 ظهر تروح تشتري أي حاجة عايزها معلومة أرخص بلد في الشوبينج هي ( امريكا ) عن تجربة محدش قالي
تي شرت بوما او نايك أو ادايدس من 10 الي 15 دولار يعني 270 جنية حد أقصي بشتري من مصر من اي مول
1200 جنية كحد أدني
روحنا الفندق حضرنا الشنط واتجاهنا علي مطار امريكا ثم العوده لمطار القاهرة والحمد لله
الدروس المستفادة من وجهة نظري :
1_سافرت 6 دول في وقت واحد.
2_عملت شوبينج رخيص لمنتجات اصلية.
3_تعرفت علي أصدقاء من العالم مش أقل من 30 صديق
4_عملت رحلة لكذا دولة بتكلفة بسيطة وهيفهم كلامي اللي سافر بره قبل كده.
التكلفة حوالي 4000 دولار أمريكي شامل التأشيرة والإقامة
في الفنادق والمركب والطيران ذهاب وعودة وكل شئ يعني لو قسمت المبلغ علي 6 دول هتلاقي نصيب كل دولة حوالي 670 دولار يعني حوالي 13 الف جنيه مصري
طبعا اللي انا حكيتة اللي بيحصل في يوم واحد مابالك ب12 يوم وجزر البهاما عايزه بوست لوحده
الرحلة دي يارب تكون من حظك ومن نصيبك أه والله بص بقي ركز وهات الفشار واقرأ وركز لأنك مش هتندم ابدا
أولا الرحله دي بتطلع مرتين من مصر كل سنه غالبا مره امريكا ومره فرنسا انا طلعت الأولي امريكا ( عايزك تركز )
معاليك بتطلع من مطار القاهره مع جروب الجروب ده بيكون غالبا نفس تفكير دماغك علشان فكر في رحلة زي دي زيك بالظبط
ركبنا الطيارة متجهين الي مطار إرولاندو في الولايات المتحدة
وصلنا المطار لقينا الباص الخاص بينا منتظر ومرشد سياحي بيتكلم عربي وانجليش تقريبا 30 دقيقة ووصلنا الفندق شيراتون اللي موجوده في ارولاندو لكل واحد ليه غرفة لمده يوم حاجه كده فضلت خيرك زي شقة في التجمع والله مش ببالغ حوالي 70 متر حجز سنجل علشان معاليك تاخد راحتك لمدة يوم واحد علشان نريح فيها وتبدأ الرحله بكره متستعجلشي الرحله هتبدا بكره
طبعا جميع الوجبات علي الحجز بتاع الفندق نمت صحيت الصبح لقيت المشهد اللي في الصوره الأولي وبعدين ركبنا الباص الخاص بينا متجهين الي ميناء ميامي البحري تقريبا وصلنا بعد ساعه ونصف في الباص مع الجروب والمرشد السياحي اللي بيفضل معانا طول الرحله لحل المشاكل لو وجد ولكن الحمد لله مفيش مشاكل طولت الرحلة حضرتك اه والله
الوهلة الأولي ليا للمركب حالة من الانبهار التام والصدمة الأكبر لما طلعت علي متن السفينة نيروجين حضرتك 18 دور اه والله 18 دور
طول السفينة حوالي 600 متر وعرض تقريبا 100 او اقل ما شاء الله حاجة كده فضلت خيرك
المركب فيها 6 مطاعم وحوالي 4000 شخص حاجزين ومتجهين معاك نفس الرحلة
كلهم أجانب من شتي بقاع الأرض اختلاف الثقافات تكفي
اول ما تدخل المركب بتأخد id زي الفيزا بالظبط دوره بيكون بدل الباسبور تنزل بيه أي دوله في الرحله في كل بياناتك طلعلي تقريبا في دقيقتين
طلعت المركب قعدت ماشي للغرفة بتاعتي علي الخريطة تقريبا 20 دقيقة ووصلت واذا هي :
اللي فات حاجه واللي جاي حاجة تانيه
غرفة في الدور الثامن مطلة علي البحر سنجل حوالي تقريبا 50 متر بالبلكونه اه والله ليها بلكونة
وإذ يتحدث الكابتن ببدآ الإبحار
اللي فات حاجة واللي جاي حاجة تاني خالص عايزك تركز بقي بالله عليك
بدأ الإبحار وبدأت الحياة علي المركب رميت الشنطة وغيرت هدومي ونزلت أتعرف علي المكان بدأت بالدور 15 الأفضل الي قلبي أصل أن نسيت اقولك ده المطعم
المطعم ده علي مساحة نصف المركب جميع انواع الأكل والمطاعم مطعم تركي وكان افضلهم لأنه الوحيد الأكل الشرقي بالنسبالي مطعم إيطالي مطعم صيني مطعم إسباني مطعم هندي الخ طبعا فطار غداء عشاء وجبات في أي وقت علي حمامات السباحة وعلي الجاكوزي والمشروبات كله فري تابع للحجز حضرتك مبتستخدمشي فلوس علي المركب حضرتك ضيف لمدة 12 يوم كلة فري إلا الكحوليات
بعد العشاء روحت الشو علي سطح السفينة وبعد كده روحت المسرح حوالي ساعة وبعد المسرح بتروح الغرفة اوعي تفكر علشان تنام لا علشان تغير وتبدأ السهر
في ديسكو علي سطح المركب بيقعد من حوالي ساعتين غالبا المصريين بيتفرجوا بس زي بالظبط
اوعي تفكر أن السهره خلصت اوعي تكون مستعجل بعد الديسكو ده بتكون عايز تأكل تاني في مطعم في الدور 8 فاتح علطول بيقدم أكل كويس جدا طبعا كله فري تبع الحجز
بعد المطعم المحترم والعشاء الخفيف الممتاز تطلع الدور 9 علشان الديسكو الصباحي
وده حضرتك في كل جنسيات العالم برضوا الدخول فري ودخول أي مكان في المركب فري
أصل حضرتك انتا ضيف
الساعة بقت 6 الصبح وأخيرا الغرفة تاني اوعي تفكر اني هناك لا حضرتك
شاور تغيير ملابس تحضير شنطة علشان المركب هترسي في ميناء جزيرة المكسيك الساعة 9 صباحا يدوب الحق أفطر واحضر محتوياتي
بدأ الفطار من 6 صباحا وجهزنا نفسنا مع المرشد السياحي علشان ننزل الساعة 9 نزلنا تفاصيل كثير بس بنرجع في نفس اليوم نبحر تاني لدولة جديدة نبحر ليلا والنهار بننزل في جزيره أو دوله شكل بتتعرف من خلالها علي ثقافات العالم وناس مختلفة في 12 يوم تقريبا نمت 8 ساعات علي أوقات مختلفة محبتشي لحظه تعديني في أفضل رحلة ليا علي الاطلاق المركب الدول اللي بتمر بيها هي :
_ميامي أمريكا الإبحار
_المكسيك جزيرة
_جامايكا جزرتين كل واحده يوم
_البحر الكاريبي يوم إبحار
_جورج تاون جزيره يوم
_جزر البهاما جزيره يوم ⛴
_ثم العود الي ميناء ميامي البحري
رجعنا اللي الميناء ثم الباص ثم العودة الي إرولاندو فندق شيراتون والغرفة 70 متر بانتظارك
توصل ترمي الشنطة تغير وتنزل علي انتا مدعو علي عشاء فاخر في مطعم عالمي
والله ياجماعة ده كثير
تروح الفندق الساعة 3 صباحا تنام تصحي 7 علشان الفطار ويبدأ رحلة الشوبينج طيلت النهار يجي الباص الساعة 11 ظهر تروح تشتري أي حاجة عايزها معلومة أرخص بلد في الشوبينج هي ( امريكا ) عن تجربة محدش قالي
تي شرت بوما او نايك أو ادايدس من 10 الي 15 دولار يعني 270 جنية حد أقصي بشتري من مصر من اي مول
1200 جنية كحد أدني
روحنا الفندق حضرنا الشنط واتجاهنا علي مطار امريكا ثم العوده لمطار القاهرة والحمد لله
الدروس المستفادة من وجهة نظري :
1_سافرت 6 دول في وقت واحد.
2_عملت شوبينج رخيص لمنتجات اصلية.
3_تعرفت علي أصدقاء من العالم مش أقل من 30 صديق
4_عملت رحلة لكذا دولة بتكلفة بسيطة وهيفهم كلامي اللي سافر بره قبل كده.
التكلفة حوالي 4000 دولار أمريكي شامل التأشيرة والإقامة
في الفنادق والمركب والطيران ذهاب وعودة وكل شئ يعني لو قسمت المبلغ علي 6 دول هتلاقي نصيب كل دولة حوالي 670 دولار يعني حوالي 13 الف جنيه مصري
طبعا اللي انا حكيتة اللي بيحصل في يوم واحد مابالك ب12 يوم وجزر البهاما عايزه بوست لوحده